Opposisie haaks met Whk-raadslede

Stadsraadsvergadering glo vroeg gestop

02 October 2020 | Regering
Augetto Graig – Die opposisiepartye se raadslede maak kapsie nadat die Windhoek-munisipaliteit se maandelikse raadsvergadering Woensdag voortydig deur die burgemeester, me. Fransina Kahungu, stopgesit is.

Volgens die raadslede me. Brunhilde Cornelius (RDP), mnr. Ignatius Semba (PDM) en me. Priska Kahuure (NUDO) is die vergadering kortgeknip net voordat omstrede kwessie dalk bespreek kon word wat Swapo-raadslede in die verleentheid sou stel.

“Die enigste logiese verklaring waarmee ons vorendag kan kom vir die irrasionele en verkwistende besluit van die burgemeester, is dat Swapo-raadslede gesig wil koop voor die komende interne verkiesing van Swapo se streekkandidate wat komende Sondag beplan word,” skryf die drie in ’n nuusverklaring Donderdag.

Omstrede kwessie wat volgens die vergadering se agenda bespreek sou word, sluit in die verwydering van die standbeeld van Kurt von Francois, asook die voortydige kansellering van die werkskontrak vir die uittredende hoof uitvoerende beampte van die munisipaliteit, mnr. Robert Kahimise.

Die kwessie wat egter die meeste inwoners raak, handel oor sertifikate vir verblyfsreg wat die hoofstad se munisipaliteit onlangs aan inwoners van informele nedersettings begin uitdeel het.

Volgens die opposisieraadslede maak Namibiese wetgewing nie voorsiening vir sulke sertifikate nie en “daar is geen grondslag in die wet waardeur enige regte aan enige houer van sulke sertifikate oorgedra kan word nie.

“Ons is bang dat dit niks meer is as ’n oefening om stemme te koop, boonop gebaseer op ’n leuen. Om mense sulke valse hoop te gee in ’n poging om in jou magsposisie te bly, is betreurenswaardig en ’n volslae vermorsing van belastingbetalers se geld,” skryf die drie gesamentlik.

Die raad sal na verwagting nou weer op Vrydag 9 Oktober vir ’n spesiale vergadering byeenkom om hierdie kwessies te bespreek, volgens die drie raadslede. Die toelaag vir die bywoning van raadsvergaderinge sal volgens hulle weer aan alle raadslede betaal word.

[email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...