Op ’n ander ‘level’

23 November 2021 | Rubrieke
Otis Daniels

Deesdae se tegnologie verrig wondere!

Kudus se sege honderde kilometers weg van die huis af in die eindstryd van die reserweliga teen Unam, is Saterdag regstreeks deur Namibia Media Holdings uitgesaai.

Daarmee is die wedstryd tot in die huise of palms van rugbyliefhebbers by die kus gebring, wat nie die geskiedkundige uitstappie na die hoofstad kon meemaak nie.

Wat ’n aangename ondervinding was dit nou nie! ’n Belewenis sowaar!

Dit het by tye gevoel ek is self op die Hage Geingob-stadion teenwoordig, nadat ek ingeskakel het op Erongo 24/7 se Facebook-blad hier in Narraville, Walvisbaai, om die wedstryd te volg.

Die adrenalien het behoorlik gepomp en ek het selfs ’n paar stemme herken en bekende gesigte tussen die toeskouers gesien.

Dit was lekker om die Kudubulle teen die studente van Windhoek te kon sien speel.

Die kommentator was op sy stukke en die hommeltuigoperateur sowel as die manne agter die kameras, het hul goed van hul taak gekwyt.

En so met die verloop van tyd het ek eensklaps besef die speelveld was hierdie keer rêrig gelyk.

Hoe dan so? Die manne van die kus is dit mos eens dat dit maar moeilik gaan, veral op die speelveld ver weg van die huis af.

Dit voel soms vir die ouens en ondersteuners asof alle beslissings van die wedstrydbeamptes teen hulle tel.

Dit is so amper asof hulle beroof of doelbewus ontneem word van die silwerware.

Ek het ook al self ’n paar keer die uitstappie na die finale meegemaak en moes verskeie kere met ’n swaar hart terugkeer huis toe. Wat ’n droewige gedoente.

Ek kan by all means ’n verdiende verlies hanteer, maar enige dubbelsinnige beslissings en ’n vermoedelike gekookte uitslag, laat ’n sportliefhebber se bloeddruk hemelhoog verby die wolke styg.

Daar was net nog nooit voorheen ’n manier om wedstrydbeamptes vir die verkeerde beslissings wat hulle soms maak en wat spanne op die ou einde van die dag wedstryde gekos het, verantwoordbaar te hou nie.

In die res van die wêreld is daar mos iets soos die videoskeidsregter wat alles op die klein skerm dophou en dan besluite maak op grond van dit wat werklik gebeur het.

Ek weet ons is nog baie ver van daardie soort tegnologie af, maar ek glo ons sal ook een dag daar kom.

Dink net, die beeldmateriaal wat vasgevang word, kan selfs help om ontslae te raak van vuil of ongeoorloofde spel in wedstryde. Almal weet dit gaan soms rof in die skrums.

Maar vir eers is ek diep dankbaar vir dit wat Saterdag afgespeel het en bereik is. Dit is beslis ’n groot pluspunt vir regverdigheid en die geskied van geregtigheid op die veld.

Ek dink die feit dat duisende o? jou dophou en jy weet dit, laat minder ruimte vir ongerymdhede tydens ’n wedstryd.

Op die ou einde van die dag het dit die beste in alle betrokkenes uitgebring en rugby kon met mening seëvier.

Soortgelyk

 

Oorvol Oranje sorg vir skade

15 ure gelede | Omgewing

Toerismebestemmings geleë op die oewers van die Oranjerivier in die Suide van die land, is aan die ontvangkant van die oorvloei van water. Monique Adams...

21 sterftes, 373 nuwe gevalle

16 ure gelede | Gesondheid

Covid-19-sterftes styg met 21 tot 3 804. Geen van die gevalle was ingeënt nie. Gister is 373 nuwe gevalle aangemeld, 'n positiwiteitskoers van 13,4%....

Landless People's Movement onttrek twee raadslede van Keetmanshoop-munisipaliteit

18 ure gelede | Regering

Twee raadslede van die Keetmanshoop-munisipaliteit wat die Landless People's Movement verteenwoordig het, is met onmiddellike effek verwyder en hul verteenwoordiging opgehef. Sydney Skakana en Willie...

Drie van Okahandja se bestuurskomitee vas vir korrupsie

20 ure gelede | Misdaad

Die Teenkorrupsiekommissie van Namibië (ACC) het drie lede van die bestuurskomitee van die munisipaliteit op Okahandja vir korrupsie vasgetrek. Die drie, Gideon Uwu-Khaeb (voormalige voorsitter),...

Graad 11- en 12-uitslae middel Februarie verwag

22 ure gelede | Gesondheid

Die uitslae van voltydse kandidate vir die Nasionale Senior Sekondêre Sertifikaat Gewone Vlak (NSSCO) en Gevorderde Vlak (AS) sal in middel-Februarie vrygestel word. Volgens 'n...

Boggelrug rus teen die rotse

1 dag gelede | Omgewing

'n Boggelrugwalvis het gister laatmiddag by Langstrand Uitbreiding 1 tussen Swakopmund en Walvisbaai uitgespoel. Volgens 'n inwoner het die dooie walvis met laegety teen 'n...

Geen toetse vir ingeëntes

1 dag gelede | Gesondheid

Henriette Lamprecht – Namibië het gister ’n reusetree gegee om in pas te kom met die nuwe wêreldneiging waar reise deur inentingstatus eerder as ’n...

Families getraumatiseer ná verkeerde liggaam begrawe word

1 dag gelede | Mense

Adam Hartman op Swakopmund – Twee families in rou is verder getraumatiseer nadat hul geliefdes se liggame per ongeluk omgeruil is – klaarblyklik by die...

Risikoskaal vir boere swaar gelaai

1 dag gelede | Landbou

Ronelle Rademeyer - Skerp stygings in insetkoste, ’n “ontploffing” in veediefstalle en onsekerheid oor of die reënval vanjaar voldoende sal wees vir goeie weiding, is...