Oorsaak van robvrektes moontlik gevind

Veranderende visbewegings lei tot voedseltekort

04 March 2021 | Omgewing
Elvira Hattingh – Wetenskaplikes is nou redelik seker 'n ernstige voedseltekort was die oorsaak van die massavrektes onder Kaapse pelsrobbe teen die sentrale kusgedeeltes van Namibië, wat die wêreld verlede jaar Oktober laat kopkrap het.

Dit volg op die toetsuitslae wat vanaf Onderstepoort in Suid-Afrika ontvang is nadat monsters van dooie robwelpies ontleed is. Geen tekens van gifstowwe of siekte is in die monsters gevind nie.

Dit bevestig vermoedens wat plaaslike wetenskaplikes tevore aan Republikein geopper het.

Mnr. Naude Dreyer van Ocean Conservation Namibia (OCN) het onlangs op hul Facebook-blad geskryf dat abnormale weerpatrone, soos 'n sterk La Niña-siklus, die bewegings van pelagiese vis teen ons kusgebiede geraak het.

“Dragtige robbe was erg ondervoed en hulle het in alle waarskynlikheid die fetusse geaborteer om self te oorleef. Data wat oor die afgelope 30 jaar bygewerk is, wys dat massavrektes voorheen ook tesame met dié weerpatroon voorgekom het,” het hy verduidelik.

Dit volg nadat 'n geskatte 10 000 dooie Kaapse pelsrobbe tydens die gebeurtenis vanaf Lüderitz tot verby Hentiesbaai opgemerk is. Ongeveer 5 000 geaborteerde robfetusse is by Pelikaanpunt alleen getel.

Toe reeds het dr. Simon Elwen, direkteur van navorsing by die Namibiese Dolfynprojek (NDP) aan Republikein gesê navorsers is redelik seker 'n gebrek aan genoeg kos is een van die faktore wat bygedra het tot die massa-aborsies en vrektes onder die robbe.

Die pelsrobbe, wat endemies aan Suider-Afrika se kuslyn is en vanaf die suidelike Angolese kus tot so ver as Algoabaai voorkom, het egter net in Namibië gevrek.

OPLEWING

Dreyer het teen die einde van Oktober verlede jaar tydens 'n lugopname opgemerk dat vrektes en aborsies onder die robbe afgeneem het en hulle was weer besig om visse te jag.

Lüderitz Marine Research het ook voorheen gesê massa-aborsies het oor die afgelope drie dekades onder robbe voorgekom in jare wanneer daar uiterste voedseltekorte was, wat verbind is met onreëlmatighede in oseanografiese toestande, soos lae suurstofvlakke in die water of 'n Benguela Niño-gebeurtenis.

BEDREIGINGS

Intussen het die OCN in hul jongste nuusbrief gesê gevalle kom al hoe meer voor waar robbe in allerhande mensgemaakte items verstrengel raak. Dit is ook 'n moontlike aanduiding van besoedeling van die oseaan.

Hulle het in 2020 alleen 600 verstrengelde robbe gehelp en gered en plaas gereeld video's van hul reddingspogings in die sosiale media.

- [email protected]

Soortgelyk

 

Pryse van petrol, diesel styg

3 ure gelede | Energie

Die prys van petrol en diesel styg aanstaande week met onderskeidelik 50 sent elk per liter. Die verhoging tree om middernag op 7 April in...

Baie nuwelinge kry viskwotas

3 ure gelede | Visserye

Ondernemings wat tevore visvangkwotas besit het, maak 29% van suksesvolle aansoekers uit, het die minister van visserye en mariene hulpbronne, dr. Albert Kawana, vanmiddag aangekondig.Dit...

WHO vra vir verdere studies oor oorsprong van SARS-CoV-2-virus

4 ure gelede | Gesondheid

Die verslag van die internasionale span van die Wêreldgesondheidsorganisasie (WHO) oor hul ter plaatse besoek aan Wuhan is vandag bekendgemaak, met die WHO se direkteur-generaal...

Sewe sterftes, 221 nuwe gevalle

5 ure gelede | Gesondheid

Namibië het nou 520 Covid-19-verwante sterftes, nadat nog sewe - twee in Windhoek en een elk in Walvisbaai, Outjo, Omaruru, Walvisbaai en Rundu - aangeteken...

Windhoekers met agterstallige rekeninge se water en ligte gaan...

6 ure gelede | Infrastruktuur

Die Windhoekse munisipaliteit sê inwoners van die hoofstad wie se water- en ligterekeninge 30 dae en meer agterstallig is, het tot Dinsdag 6 April om...

Sluitingsdatum vir Shining Light verleng

6 ure gelede | Kuns en vermaak

Die sluitingsdatum vir die Shining Light juweliersontwerpkompetisie is tot 30 April verleng. Me. Helena Mootseng, woordvoerder van die Namibian Diamond Trading Company (NDTC) sê...

Hoërskool Rehoboth gesluit tot ná Paasnaweek

10 ure gelede | Onderwys

Hoërskool Rehoboth is vanaf vandag tot Dinsdag 6 April gesluit. Volgens die bestuur van die skool sal dié tyd gebruik word om die skoolperseel deeglik...

Waarskuwingskote stuit vermeende diewe

21 ure gelede | Misdaad

Vermeende diewe is vroeër vandag in Robert Mugabelaan naby Bank of Namibia in die hoofstad in hegtenis geneem nadat skote afgevuur is. "Twee waarskuwingskote is...

Robberts bly in aanhouding

21 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...