Oorloopwater eis skoolseun (12) se lewe

15 September 2021 | Misdaad
Tanja Bause – “Hoe lyk hy? Is hy heel, is hy heel? Asseblief sê vir my die visse het hom nie gebyt en geëet nie,” het me. Miriam Simon gesê nadat die liggaam van David Sheya enkele minute vroeër uit die oorloop van die Goreangabdam gehaal is.

“Dank die Here hy is heel,” het sy gesê nadat sy ingelig is sy liggaam is ongeskonde.

Die 12-jarige Sheya het Maandag in die oorloop verdrink toe hy en twee vriende (beide 12 jaar oud) besluit het om te gaan swem. Hulle bly in 7de Laan in Otjomuise.

“Hy het 'n pienk dingetjie (opblaas-swemring) gehad en omdat dit syne was, het hy vir sy maats gesê hy sal eerste in die water gaan; hulle kan ná hom die dingetjie gebruik en ingaan.

“Hy het egter 'n paar meter van die oewer afgeval. Sy vriende het probeer om die dingetjie vir hom te gooi, maar hy kon dit nie vang nie. Hulle het daarna probeer om hul hande na hom toe uit te reik, maar hy was te ver. Hulle het gehardloop om 'n stok te gaan haal, maar die stok was te kort en hy het verdrink. Hulle het toe huis toe gehardloop om hulp te gaan soek.”

Sy beskryf hom as 'n baie stil seun wat in graad 6 in die Primêre Skool Otjomuise was.

“Sy ma verkoop lekkers en vetkoek om die familie te onderhou. Sy het vier kinders waarvan hy die enigste seun was. Sy is nie vandag hier nie, omdat sy geld moet maak sodat die res van die kinders kan eet. Ek het Dinsdag toe ek van die ongeluk hoor die polisie gebel en hulle het gesê hulle kan niks doen nie en die nommer van die duikman vir my gegee.”

Mnr. Percy Openshaw van Crisis Response International het gister na Sheya se liggaam in die oorloop gesoek. Ná 40 minute het hy die liggaam op 'n diepte van 39 meter opgespoor en uitgehaal.

“Die water was ontsettend koud en ek kon niks sien nie. Ek het ook verlede week Vrydag Ignatius Mathias (16) by die pyp in Goreangabdam uitgeduik wat ook die vorige namiddag verdrink het.”

Openshaw is die enigste duiker wat lyke uit die dam duik.

“Toe ek van die seun hoor, het ek al die duikers in die land gebel om te hoor of hulle my kan bystaan, aangesien die water so diep en donker is en almal het nee gesê.”

[email protected]

FOTO’s Tanja Bause
Percy Openshaw van Crisis Response International op soek na die liggaam van die 12-jarige drenkeling terwyl lede van die gemeenskap angstig toekyk.

Die gemeenskap draai geskok hulle rug toe Percy Openshaw die seun se liggaam gevind het.

Die “pienk dingetjie” (plastiek opblaasbare swemring) waarop David Sheya (12) in die water wou gaan.

Soortgelyk

 

Mariental-hospitaal kry suurstofaanleg

17 minute gelede | Gesondheid

Die Mariental-hospitaal het 'n skenking van N$7 miljoen van Namib Desert Diamonds (Namdia) ontvang. Die omgewingsvriendelike suurstofaanleg met 'n kapasiteit van 500 liter wat aan...

Kleuter sterf ná pot kookwater op hom val

41 minute gelede | Misdaad

'n Driejarige seuntjie van Mondesa, Swakopmund, is Sondag dood, nadat sy boetie (5) 'n pot kookwater op hom afgetrek het. Volgens die polisie in die...

Bordjies verhang in Duitse verkiesing

6 ure gelede | Internasionaal

Die Sosiaal-demokratiese Party (SPD) het volgens voorlopige uitslae gister se algemene verkiesing in Duitsland met 25,7% van die stemme gewen.Dit beteken egter nie mnr. Olaf...

Klein, maar getrain

13 ure gelede | Landbou

William Klazen junior (5) van Windhoek is gister aangewys as die beste kindertouleier by die Windhoek Skou in die afdeling vir nul tot ses jaar....

Tragedie tref ná rugbywedstryd

13 ure gelede | Plaaslik

Andrew Poolman – Die tragiese heengaan van Edwardo Nell kort ná ’n rugbywedstryd Saterdag is vir FNB Wanderers-klub en die rugbygemeenskap ’n diepe skok.“Ons is...

Nida probeer kraaines oor geldsake ontrafel

13 ure gelede | Ministeries

Jo-Maré Duddy – Die agentskap vir nywerheidsontwikkeling in Namibië (Nida) is besig om ‘n regsmening in te win oor sy wetlike verpligting om die mediesefondsbydraes...

Rowers buit byna ’n miljoen in Walvisbaai

13 ure gelede | Misdaad

Dani Booysen en Erongo-redaksie – Die Namibiese polisie het bevestig gewapende rowers het Saterdagoggend by Pupkewitz MegaBuild in Walvisbaai N$943 616,84 gesteel.Vyf mans – twee...

Naweekpret by ‘motorhuismark’

13 ure gelede | Gebeure

Windhoek Express (WE) se eerste Garage Market het Saterdag plaasgevind. Markgangers kon verskeie stalletjies met handgemaakte items en produkte deur plaaslike entrepreneurs besoek, musiek luister...

Weer vir 27 September 2021

13 ure gelede | Weer

BINNELAND: Gedeeltelik bewolk en warm in die //Kharas-, Kunene- en Khomasstreke. Elders gedeeltelik bewolk en baie warm.KUS: Gedeeltelik bewolk en matig met buie in die...