Oorlog tussen VSA, China slegte nuus vir SA

Trump glo handelsoorloë ‘werk’

13 May 2019 | Ekonomie
Bloomberg – Ekonome is bekommerd oor die uitwerking wat die verdiepende handelsoorlog tussen die VSA en China op die wêreldekonomie – en veral op ontluikende lande soos Suid-Afrika – gaan hê.

China het Vrydag weerwraak belowe nadat die VSA invoertariewe van 10% tot 25% verhoog het op 5 700 produkkategorieë wat vanuit China ingevoer word.

Dit wissel van gekookte groente en Kersliggies tot babastoeltjies en verteenwoordig nagenoeg $200 miljard se goedere.

Die invoertariewe is een van die mees dramatiese stappe wat pres. Donald Trump van die VSA ingestel het om toegewings uit China te wurg, en verdiep ’n konflik wat ’n lang skadu oor wêreld- ekonomiese groei gooi.

Die tariewe is ingestel ondanks die onderhandelinge tussen ’n hoëvlakafvaardiging van China na Washington. Onderhandelinge het Donderdag glo nie juis gevorder nie en sal Vrydag voortgesit word.

Liu He, China se adjunkpremier, Robert Lighthizer, die VSA se handelsverteenwoordiger, en Steven Mnuchin, minister van finansies, neem aan die gesprekke deel.

Trump het Donderdag gedreig om invoertariewe op nóg $325 miljard se Chinese invoerprodukte te verhoog, wat eintlik sal beteken alle Chinese invoer gaan aan hoër tariewe onderhewig wees.

Ekonome van Moody’s Analytics het dié week in ’n verslag gesê ’n volskaalse handelsoorlog hou ernstige gevolge in vir die VSA, China en die hele wêreldekonomie. Dit skep die risiko dat die Amerikaanse ekonomie teen einde 2020 in ’n resessies sal val – juis op die tydstip van die presidentsverkiesing.

Die stap kan ook ontluikende lande soos Suid-Afrika hard tref omdat dit “onsekerheid in die wêreldhandelomgewing vererger” en “bydra tot risiko-afkeer wêreldwyd” sê Michael Taylor van Moody’s Investors Service in Hongkong.

’n Risiko-afkeer beteken beleggers sal eerder in sogenaamde veilige hawens – die dollar en selfs goud – en in ontwikkelde lande belê en sal hulle aan ontluikende lande onttrek, wat dié lande se geldeenhede onder groot druk sal plaas.

Die nuwe tariewe is ingestel net vyf dae nadat China daaroor gewaarsku is – 25%-tariewe geld reeds op produkte wat $50 miljard se invoer verteenwoordig.

Ontleders is nie besonder optimisties dat ’n deurbraak Vrydag bereik gaan word nie.

Trump het aangedui dat hy pres. Xi Jinping van China dalk sal bel, maar geen oproep is nog geskeduleer nie.

Trump beskou onlangse goeie ekonomiese syfers as ’n aanduiding dat sy handelsoorloë “werk” en groei bevorder.

Trump voer aan “China betaal” miljarde dollars aan die hoër invoertariewe, maar ekonome reken die koste word bloot aan Amerikaanse maatskappye en verbruikers deurgegee.

Die spanning tussen die wêreld se twee grootste ekonomieë het finansiële markte wêreldwyd omgekrap. Die S&P 500-indeks van die 500 grootste Amerikaanse maatskappye het Donderdag vir die vierde opeenvolgende dag laer gesluit. – Bloomberg, verwerk/Netwerk24

Soortgelyk

 

Kalahariwoestyn keer terug

10 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

10 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

10 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

10 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

10 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

10 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...

Elfjarige glo deur oom (48) verkrag

10 ure gelede | Misdaad

’n Meisie (11) is Vrydag omstreeks 14:00 glo deur haar 48-jarige oom in die Etaneno-nedersetting naby Onankali verkrag.Die verdagte is in hegtenis geneem en sou...

An update for the design icon

10 ure gelede |

Familiarly known as Audi’s design icon, the Audi TT’s third generation takes the stage with a facelifted appearance: sporty and refined exterior design, higher-powered engines...

'Elke druppel tel'

10 ure gelede | Gesondheid

Henriette LamprechtAs alle babas onmiddellik ná geboorte direkte ­velkontak ontvang, vir ses maande uit­sluitlik geborsvoed word en tot op twee jaar bykomende voeding ontvang, sal...