Oorgehaal vir laaste Song Night

29 November 2019 | Byvoegsels
Die gewilde gratis platform vir jong en opkomende musikante, die Rand Merchant Bank (RMB) Song Night, is besig met die laaste voorbereidings vir die finale konsert vir die jaar.

Die vertoning vind op Woensdag 4 Desember by die Franco-Namibiese Kultuursentrum (FNCC) plaas.

Kollig het met Lize Ehlers, die stigter van RMB Song Night, oor die afgelope jaar en laaste show gesels.

As jy haar vra hoe sy voel na afloop van die jaar, is daar verligting, maar ook opgewondenheid in haar stem.

“Ek voel terselfdertyd hartseer en bly om te weet ons doen binnekort ons laaste Song Night. Die jaar was baie lank en ons het goeie en hoëgehalteproduksies gelewer, maar dit was rof. Die Song Night-span is almal baie opgewonde, veral oor om te sien hoe alle voorbereidings vir die aand bymekaarkom. Ons het geweldig hard gewerk,” sê Ehlers.

“2019 was vir ons oorweldigend. Dis wonderlik om te sien hoe die platform kunstenaars bemagtig en uiteindelik beter sangers maak. Ons doel is om kunstenaars aan te moedig en konstant by te staan. En dit is presies wat ons reggekry het. Mense moet weet dat musiek as ‘n loopbaan in Namibië beskou kan word,”

Van die hoogtepunte van 2019 was Treza Cooper, Song Night-ambassadeur, wat haar eerste enkelsnit bekend gestel het.

“Ons is baie dankbaar vir RMB wat dit opname geborg het. Dit was ‘n groot oomblik vir haar én vir ons. RMB is goed vir ons. Hulle betaal die venue, die band, die stilis en allerlei benodigdhede.”

Ehlers sê min mense besef hoe baie werk ‘n produksie van dié aard verg.

“Dit vereis baie fokus en uithouvermoë. Dis nie altyd maklik nie, maar dis altyd belowend.”

Die laaste show se tema is “Ke December” en die gasheer is die bekroonde akteur Adriano Visagie.

Mense kan uitsien na ‘n wye verskeidenheid musiek.

“Dit gaan 'n kombinasie van house, hip-hop, soukous-kwasa en selfs ‘n paar Kersliedjies wees. Ons gaan ook die nuwe ambassadeur vir 2020 aankondig.”

Volgens Ehlers vier RMB Song Night in 2020 sy negende bestaansjaar.

“Ons beoog om die Song Night-verhoog tot 2021 aan die gang te hou en sodoende tien jaar in die bedryf kan vier. ‘n Groot droom vir ons. Ons is vol hoop.”

Met die Warehouse-teater wat vroeër vanjaar sy deure gesluit het, is die hoop dat die FNCC Song Night se ‘huis’ vir die volgende twee jaar kan wees.

“Ek nooi die publiek uit om te kom kyk watter natuurlike sangtalent binne ons landsgrense skuil.”

Kaartjies kos N$100 by die deure en die show begin om 20:00

Soortgelyk

 

Eksamen 'nie 'n mooi prentjie'

7 ure gelede | Ministeries

Henriette LamprechtNet drie uit meer as 400 mediese studente het 'n onlangse eksamen vir internskappe geslaag.Die betrokke eksamen word deur die Raad vir Gesondheidsberoepe (HPCNA)...

Ou liefde roes nie

7 ure gelede | In beeld

Op 31 Januarie vanjaar het tannie Igna (78) en oom Piet (84) Liebenberg 61 jaar gelede in die NG kerk op Mariental ewige trou aan...

Waarskuwing dat Kunene dalk oorstroom

7 ure gelede | Weer

Elvira Hattingh - Gemeenskappe wat teenaan die Kunenerivier woon, is gister teen moontlike oorstroming gewaarsku.Dit omdat die rivier by Ruacana teen 1 136,7 m³/s gevloei...

Kalender 14 Februarie

7 ure gelede | Kuns en vermaak

Nou aan die gang» Joe’s Beerhouse bied vanaand ‘n Valentynsgeleentheid aan. Komplimentêre sjokolade sal uitgedeel word, en ‘n professionele fotograaf sal jou en jou metgesel...

DHPS hou makietie

7 ure gelede | Kuns en vermaak

Die Deutsche Höhere Privatschule hou op Saterdag 29 Februarie ’n Career Fair and Summer Festival.Die loopbaanekspo, voorheen bekend as Opedag, gaan hierdie jaar ‘n nuwe...

Paratus en stadsraad stamp koppe

7 ure gelede | Regering

Yolanda Nel - Werknemers van die telekommunikasiemaatskappy Paratus wat gister besig was om gate in die hoofstad te grawe om veselkabelverbinding aan te lê, moes...

Weer, Vrydag 14 Februarie 2020

7 ure gelede | Weer

BINNELAND: Gedeeltelik bewolk en warm tot bloedig warm in die Suidweste en Noord­ooste. Elders gedeeltelik bewolk en warm tot bloedig warm met enkele tot geïsoleerde...

Namibiese dramaturg keer triomfantelik terug

7 ure gelede | Kuns en vermaak

Ná hy vyf jaar van die toneelwêreld afwesig was, het hy nou sy eerste politieke hofdrama met ‘n satiriese inslag voltooi. Die ironies getitelde drama...

Andeline vat ‘n kans op liefde

7 ure gelede | Kuns en vermaak

Yolanda Nel Die skoonheidskoningin Andeline Wieland waag ‘n kans om haar mnr. Reg te vind. Sy gaan vir sy liefde meeding op die nuutste seisoen...