Ook Mercedes gaan sy aanleg sluit weens corona

25 March 2020 | Sakenuus
Petrus Malherbe – Mercedes-Benz in Suid-Afrika het Maandag aangekondig hy gaan produksie aan nuwe motors by sy aanleg in Oos-Londen begin afskaal te midde van die Covid-19-pandemie.

In ’n verklaring sê die motorvervaardiger hy gaan produksie afskaal en uiteindelik alle bedrywighede by die aanleg op 9 April staak.

Hy beplan om die aanleg minstens vyf weke buite bedryf te hou.

Dié tydperk kan moontlik verleng word, afhangende van “verdere verwikkelinge”.

Intussen gee die maatskappy die versekering dat maatreëls in plek is om die gesondheid en veiligheid van sy werkers in Oos-Londen teen die nuwe coronavirus te beskerm.

Oos-Londen het oor die naweek die eerste stad in die Oos-Kaap geword waar ’n vrou positief vir Covid-19 getoets is.

Dié vrou het Maandag ook uit kwarantyn ontsnap nadat sy geweier het om ingeperk te word om die verspreiding van die virus te probeer keer.

Ook Ford het Maandag aangekondig hy gaan sy aanlegte in Suid-Afrika en elders in die wêreld weens die coronavirus sluit.

Ford se Silverton-aanleg in Pretoria en Stuandale-aanleg in Port Elizabeth sal op 27 Maart vir ’n “paar weke” sluit totdat die pandemie hopelik onder beheer gebring word.

Dit volg minder as ’n week nadat BMW soortgelyke sluitings aangekondig het wat ook sy Rosslyn-aanleg in Pretoria tot minstens 19 April raak.

Teen Maandagmiddag het Suid-Afrika 402 bevestigde gevalle van Covid-19 gehad. – Netwerk24

Soortgelyk

 

Etosha Sondagmiddag deur aardbewing geskud

10 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

10 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

11 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

12 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

12 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

23 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

23 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

23 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

23 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...