Ontvoerde peuter gevind
Die peuter wat kort voor Kersfees glo deur sy ma se vriendin ontvoer is, is gevind.
Jessica Botes
Te danke aan die samewerking van familielede is ‘n peuter wat kort voor Kersfees ontvoer is, deur lede van die Namibiese polisie in die noorde van die land gevind.
Volgens hoofinsp. Erastus Iikuyu van die Namibiese polisie in die Erongostreek, het die polisie vir Miguel Ndakula Hinaunye Aluvilu (een jaar en 11 maande oud) Woensdag in ’n dorp naby Outapi opgespoor. ’n Vrou en haar kêrel wat na bewering vir Aluvilu ontvoer het, is onmiddellik in hegtenis geneem en maak vandag (Vrydag) hul eerste verskyning in die landroshof op Swakopmund.
“Dit gaan goed met Aluvilu en hy word vandag met sy ma, Ndahafa Namweya, herenig. Die verdagtes is in aanhouding en staar klagte van ontvoering in die gesig,” het Iikuyu gesê.
Volgens hom sal die verdagtes met hul aankoms op Swakopmund deur lede van die polisie ondervra word om te bepaal of bykomende klagte teen hulle aanhangig gemaak moet word.
Die vrou wat ’n goeie vriendin van Namweya was, het na bewering op 21 Desember vir Aluvilu by sy ma se huis in Mondesa gaan haal.
“Ek was by die kliniek toe sy my kind by my huis gaan haal het. Dit was nie buitengewoon nie. Sy het hom gereeld gaan haal om tyd saam met hom te spandeer,” het Namweya gesê.
Sy het glo vir die vrou toestemming gegee om die peuter te vat sodat hulle saam pizza in die dorp kon gaan eet. Die verdagte het egter nooit weer vir Aluvilu na sy ma se huis terug gevat nie en toe Namweya haar probeer bel het, het sy nie haar telefoon geantwoord nie.
Namweya het onmiddellik ’n saak van ontvoering teen Nangula by die polisie aanhangig gemaak. Sy het ook die boodskap oor haar kind wat vermis is op sosiale media en Facebook versprei.
Te danke aan die samewerking van familielede is ‘n peuter wat kort voor Kersfees ontvoer is, deur lede van die Namibiese polisie in die noorde van die land gevind.
Volgens hoofinsp. Erastus Iikuyu van die Namibiese polisie in die Erongostreek, het die polisie vir Miguel Ndakula Hinaunye Aluvilu (een jaar en 11 maande oud) Woensdag in ’n dorp naby Outapi opgespoor. ’n Vrou en haar kêrel wat na bewering vir Aluvilu ontvoer het, is onmiddellik in hegtenis geneem en maak vandag (Vrydag) hul eerste verskyning in die landroshof op Swakopmund.
“Dit gaan goed met Aluvilu en hy word vandag met sy ma, Ndahafa Namweya, herenig. Die verdagtes is in aanhouding en staar klagte van ontvoering in die gesig,” het Iikuyu gesê.
Volgens hom sal die verdagtes met hul aankoms op Swakopmund deur lede van die polisie ondervra word om te bepaal of bykomende klagte teen hulle aanhangig gemaak moet word.
Die vrou wat ’n goeie vriendin van Namweya was, het na bewering op 21 Desember vir Aluvilu by sy ma se huis in Mondesa gaan haal.
“Ek was by die kliniek toe sy my kind by my huis gaan haal het. Dit was nie buitengewoon nie. Sy het hom gereeld gaan haal om tyd saam met hom te spandeer,” het Namweya gesê.
Sy het glo vir die vrou toestemming gegee om die peuter te vat sodat hulle saam pizza in die dorp kon gaan eet. Die verdagte het egter nooit weer vir Aluvilu na sy ma se huis terug gevat nie en toe Namweya haar probeer bel het, het sy nie haar telefoon geantwoord nie.
Namweya het onmiddellik ’n saak van ontvoering teen Nangula by die polisie aanhangig gemaak. Sy het ook die boodskap oor haar kind wat vermis is op sosiale media en Facebook versprei.
Kommentaar
Republikein
Geen kommentaar is op hierdie artikel gelaat nie