Ons land is in ’n verknorsing
GIEL BOSHOFF SKRYF:
Ek wil my graag wend na die media, omdat ek dit my plig ag om sekere inligting deur te gee na my mede-landgenote.
Dit verbaas my keer op keer om te sien hoe veronderstel gekwalifiseerde amptenare planne beraam en dit tot uitvoering bring.
’n Paar jaar gelede het ek gesien hoe ’n erg beskadigde teerpad tussen Rundu en Divundu vol slaggate in opdrag van ons Paaieowerheid (RA) herstel word. Eers het die kontrakteur die wit lyne kom verf, oor die slaggate en ou teer. Toe kom die volgende een en hy spuit die nuwe laag teer bo-oor die slaggate en die nuwe wit lyne. Daarna kom die volgende span en hulle kap groot blokke van die teerpad uit en vul dit op.
As dit nie agterstevoor is nie, loop ek seker maar op my kop.
Hier waar ek woon in Boesmanland is ons Paaieowerheid besig met aktiwiteite ver bo my denke.
Die pad tussen Grootfontein en Tsumkwe is in ’n haglike toestand met gereelde ongelukke. Net verlede week het drie vroue op hierdie pad gesterf.
Ons land is in ’n erge droogtetoestand en ’n mens sou dink dat in beplanning liewer na besparing gekyk sou word en die geld gebruik word vir droogteslagoffers, maar nee, die bane langs die gruispad word geskraap. Terwyl die pad self onrybaar is. Terwyl daar nie 'n grassprietjie of bossie groei nie. Terwyl hulle tydsberekening so is dat dit juis hierdie tyd van die jaar moet gebeur wanneer die gifblaarplante lowergroen in hierdie sones staan.
Genadiglik nie meer so gevaarlik nie, omdat die blare al hard word en die diere dit nie so maklik vreet nie. Hierdie plant groei egter soos kweekgras en vermeerder as dit beskadig word. Met die gevolg dat nuwe plantjies nou gaan uitkom. Lowergroen tussen die niks en dorre aarde, met gevolglike vrektes onder ons veekuddes en finansiële verliese.
Is dit nou sinvolle beplanning?
As ’n mens verder kyk na die kostes van hierdie skrapery, moet in ag geneem word dat die kontrakteur per kilometer vir elke lembreedte betaal word. Langs die pad word 12 lembreedtes geskraap. Drie keer in een rigting, die drie keer weer terug aan weerskante van die pad, terwyl die gruispad net vier lembreedtes wyd is. Maak die som en kyk of dit nou sinvol is.
Ons land is in ’n verknorsing met miljoene wat gesteel word. Korrupsie wat hoogty vier. Uiters swak beplanning en ’n erge droogte. God sal vir ons weer reën stuur en die weivelde sal weer wuif in die wind, maar oor al hierdie ander dinge kan ons net bid en vra: “Here, red ons dierbare land en wees die arme mense genadig, want hulle weet nie wat hulle doen nie.”
Ek wil my graag wend na die media, omdat ek dit my plig ag om sekere inligting deur te gee na my mede-landgenote.
Dit verbaas my keer op keer om te sien hoe veronderstel gekwalifiseerde amptenare planne beraam en dit tot uitvoering bring.
’n Paar jaar gelede het ek gesien hoe ’n erg beskadigde teerpad tussen Rundu en Divundu vol slaggate in opdrag van ons Paaieowerheid (RA) herstel word. Eers het die kontrakteur die wit lyne kom verf, oor die slaggate en ou teer. Toe kom die volgende een en hy spuit die nuwe laag teer bo-oor die slaggate en die nuwe wit lyne. Daarna kom die volgende span en hulle kap groot blokke van die teerpad uit en vul dit op.
As dit nie agterstevoor is nie, loop ek seker maar op my kop.
Hier waar ek woon in Boesmanland is ons Paaieowerheid besig met aktiwiteite ver bo my denke.
Die pad tussen Grootfontein en Tsumkwe is in ’n haglike toestand met gereelde ongelukke. Net verlede week het drie vroue op hierdie pad gesterf.
Ons land is in ’n erge droogtetoestand en ’n mens sou dink dat in beplanning liewer na besparing gekyk sou word en die geld gebruik word vir droogteslagoffers, maar nee, die bane langs die gruispad word geskraap. Terwyl die pad self onrybaar is. Terwyl daar nie 'n grassprietjie of bossie groei nie. Terwyl hulle tydsberekening so is dat dit juis hierdie tyd van die jaar moet gebeur wanneer die gifblaarplante lowergroen in hierdie sones staan.
Genadiglik nie meer so gevaarlik nie, omdat die blare al hard word en die diere dit nie so maklik vreet nie. Hierdie plant groei egter soos kweekgras en vermeerder as dit beskadig word. Met die gevolg dat nuwe plantjies nou gaan uitkom. Lowergroen tussen die niks en dorre aarde, met gevolglike vrektes onder ons veekuddes en finansiële verliese.
Is dit nou sinvolle beplanning?
As ’n mens verder kyk na die kostes van hierdie skrapery, moet in ag geneem word dat die kontrakteur per kilometer vir elke lembreedte betaal word. Langs die pad word 12 lembreedtes geskraap. Drie keer in een rigting, die drie keer weer terug aan weerskante van die pad, terwyl die gruispad net vier lembreedtes wyd is. Maak die som en kyk of dit nou sinvol is.
Ons land is in ’n verknorsing met miljoene wat gesteel word. Korrupsie wat hoogty vier. Uiters swak beplanning en ’n erge droogte. God sal vir ons weer reën stuur en die weivelde sal weer wuif in die wind, maar oor al hierdie ander dinge kan ons net bid en vra: “Here, red ons dierbare land en wees die arme mense genadig, want hulle weet nie wat hulle doen nie.”
Kommentaar
Republikein
Geen kommentaar is op hierdie artikel gelaat nie