Ons het wêreld vroegtydig oor virus gewaarsku – WHO

Só het prentjie in 3 maande verander

30 April 2020 | Internasionaal
Dr. Tedros Adhanom Ghebreyesus, direkteur-generaal van die Wêreldgesondheidsorganisasie (WHO), sê die organisasie het die wêreld betyds oor die koronavirussiekte (Covid-19) gewaarsku.

“Ons het nie die mag om ons advies af te dwing nie. Ons het op 30 Januarie reeds die siekte as ’n wêreldwye noodgeval afgekondig.”

Ghebreyesus sê toe dié aankondiging gemaak is, was daar nog net 82 gevalle van die virus buite China.



“Daar was geen gevalle in Latyns-Amerika nie, ook nie in Afrika nie. Slegs tien gevalle in Europa. Daar was ook geen sterftes in die res van die wêreld nie. Niks,” sê hy.

“Elke land kon sy gesondheidsmaatreëls in plek stel. Ons het gesê soek, toets en isoleer en doen kontakopsporing.”

Pres. Donald Trump van Amerika het egter Maandag gesê dat China die virus kon gekeer het voordat dit wêreldwyd versprei het en het bygevoeg dat sy administrasie “ernstige ondersoeke” onderneem na wat gebeur het.

Trump se kritiek was die jongste van sy administrasie oor China se hantering van die uitbreking van die virus, wat laat verlede jaar in Wuhan, China, sy oorsprong het en wat tot ’n wêreldwye pandemie gelei het.

Verlede week het die Amerikaanse minister van buitelandse sake, Mike Pompeo, gesê Amerika “glo sterk” dat Beijing nie die uitbreking vroegtydig aangemeld het nie en dat hy gevalle daarvan toegesmeer het.

“Ons doen baie ernstige ondersoeke. Ons is nie gelukkig met China nie,” het Trump op ’n inligtingsessie by die Withuis gesê.

“Daar is baie maniere waarop hulle aanspreeklik gehou kan word. Ons glo dat dit by die bron gestop kon word. Dit kon vinnig gestop word en dit sou nie oor die hele wêreld versprei het nie.”

Geng Shuang, woordvoerder van die Chinese ministerie van buitelandse sake, het aan verslaggewers in Beijing gesê dat sommige Amerikaanse politici lieg om die aandag af te lei van hul gebrekkige reaksie op die virus. Hy het nie spesifiek vir Trump of Pompeo by name genoem nie.

“Pogings om China die skuld te gee, sal nie China se pogings om op die virus te reageer, tot niet maak nie,” sê Geng.

Die pandemie het wêreldwyd reeds meer as 210 000 mense se lewe geëis, insluitend meer as 56 000 in Amerika, volgens ’n Reuters-verslag.

Peter Navarro, ’n adviseur van die Withuis, het China daarvan beskuldig dat hy vervalste koronavirusteenliggaam-toetsstelle na Amerika gestuur het en dat hulle ’n “woekerwinsbejag” uit die pandemie verdien.

Navarro sê meer toetse vir die virus, asook teenliggaampies is uiters belangrik om Amerikaners weer in staat te stel om werk toe te gaan.

“Dit is miskien waar ons mense kan vind wat immuun is, wat in ’n veiliger werksomgewing kan wees. Maar ons kan byvoorbeeld nie toelaat dat China daardie vals en nagemaakte toetsstelle inbring nie, want dit gaan baie ontwrigtend wees,” het Navarro in ’n onderhoud op Fox News gesê.

“Daar is baie van hierdie teenliggaamtoetse van lae gehalte wat valse lesings gee wat uit China kom.” –Nampa/Reuters

Soortgelyk

 

Hardap-sluise nóg groter getrek

11 ure gelede | Omgewing

Elvira Hattingh - Die Hardapdam se sluise is om 10:30 nóg groter oopgetrek sodat dit nou 300 m³ water per sekonde uitlaat – ‘n aanpassing...

La Niña skop dalk nóú in

11 ure gelede | Weer

Elvira Hattingh – Terwyl die weerkantoor ‘n weerwaak vir vandag vir wydverspreide donderbuie oor die westelike helfte van die binneland uitgereik het, meen ‘n weerkenner...

Selfdegeslaghuwelike ly neerlaag … vir nou

11 ure gelede | Howe

Jana-Mari Smith – Drie hoërhofregters het hulle gister sterk ten gunste van die wetlike erkenning van selfdegeslaghuwelike in Namibië uitgespreek, maar het nietemin die aansoeke...

Elisenheimrivier sleep motors weg

11 ure gelede | Weer

Augetto Graig – Die Elisenheimrivier het Woensdagaand motorvoertuie saamgesleep toe dit verby die Farmers Kitchen restaurant by Gastefarm Elisenheim oorstroom het. Me. Rentia van der...

Hardap loop gou vol

11 ure gelede | Weer

Elvira Hattingh – Die Hardapdam sou na verwagting laat gisteraand 70% van sy kapasiteit bereik, wat beteken dié suidedam se sluise sou oopgetrek moes word....

kykNET se ‘Wat Dit Vat’: Hier’s die kunstenaars

11 ure gelede | Byvoegsels

Dit was pret, dit was plesier en dit was ’n malligheid op note. Toe die briljante musikant en musiekvervaardiger Loki Rothman gesê het hy gaan...

Fees van klassieke musiek ten bate van kanker

11 ure gelede | Byvoegsels

Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om...

Working with high standards of technology

11 ure gelede | Mense

Wetumwene Shikage Not expecting to find a smooth and easy way of work, Romario Arnat describes his working experience as an eye-opener as to how...

Taking steady growing curves

11 ure gelede | Mense

Wetumwene Shikage Timothy Olivier’s passion and dedication has been a key driver in his success not only within Old Mutual, but throughout his...