Onnie slaan kind glo

Ministerie ondersoek voorval

11 October 2019 | Misdaad
Henriette Lamprecht



'n Ministeriële ondersoek is van stapel gestuur ná 'n tienjarige seun glo Vrydag by 'n skool in Windhoek deur 'n onderwyser aangerand is.

Die seun se ouers het 'n klag van aanranding met die doel om ernstig te beseer teen die onderwyser by die Katutura-polisiekantoor in die hoofstad aan­hangig gemaak.

Die graad 4-leerling aan 'n laer­skool in Khomasdal is glo met 'n stok op die oor geslaan.

'n Hooggeplaaste bron in die ministerie van onderwys, kuns en kultuur het die ondersoek bevestig.

Met verwysing na die voorval het die bron gesê die skool se hoof was Vrydag by 'n vergadering vir skoolhoofde wat elke drie maande plaasvind. 'n Groot groep onderwysers by die skool was op dieselfde dag afwesig.

“Die kinders was glo rumoerig en het op die vlakte rondgehol. Die betrokke onderwyser moes die kinders in die klasse probeer kry en die uiteinde was 'n lat op die lyf. Die onderwyser was glo hoogs gefrustreerd en raadop,” het 'n bron gesê wat bevestig het die kind is ook oor die kop geslaan.

Die ministerie het Woensdag 'n vergadering met die leerling se ouers belê waar die skoolhoof, 'n raadslid en die inspekteur vir die Khomasstreek teenwoordig was.

Verslae oor die voorval deur elkeen wat daarby betrokke was, wat die onderwyser en die kind insluit, vorm deel van die ministerie se ondersoek.

Lyfstraf is nie net ongrondwetlik nie, maar word ook statutêr kragtens artikel 56 van die onderwyswet in beide staat- en private skole verbied.

“In die geval van lyfstraf is daar 'n proses wat gevolg moet word. Verslae word ingedien waarin die onderwyser ook die kans het om sy saak op skrif te stel.”

Die uitslag van die proses hang volgens die bron daarvan af of die onderwyser die oortreding ontken of erken.

“Daar is twee roetes wat gevolg moet word: Word die oortreding ontken, word 'n dissiplinêre komitee saamgestel wat tydens 'n verhoor 'n aanbeveling oor die gepaste straf maak indien daar 'n skuldigbevinding is.

“Word die oortreding erken, word die verslag en dokument na die kantoor van die uitvoerende direkteur gestuur wat 'n spesifieke straf voorstel.”

In dié geval het die betrokke onderwyser erken hy het die kind geslaan.

Volgens die bron word 'n indaba ook volgende week by die skool gehou waartydens die waarnemende direkteur van onderwys vir die Khomasstreek, die inspekteur vir die streek en ook die onderwyser oor die voorval sal vergader.

Volgens een van die kind se ouers is dit die eerste jaar wat die onderwyser uit Finland skoolgee en was hy glo nie bewus van die skool se beleid oor lyfstraf nie.

Tydens 'n vergadering Woensdag het die ouer gesê die meeste onderwysers was glo Vrydag afwesig en spanning het opgelaai.

Sy sê ook die onderwyser het haar kind met 'n boomtak op die blad en oor sy slaap geslaan.

Volgens haar het die dokter wat hom Maandag ondersoek het, gesê die houe was baie naby aan haar kind se oog.

Sy sê ook die onderwyser het haar kind nie om verskoning gevra nie.

Die kind het gehuil en bloed het uit die wond op sy oogbank geloop, sê sy. Sy sê sy is nie teen lyfstraf gekant nie, maar dan “op die hande en boude”.

- [email protected]

Soortgelyk

 

The rose among the thorns

18 ure gelede | Mense

Justicia Shipena It would be difficult to meet anyone who is as passionate about food and educating people about a vegan diet than 25-year-old...

A peek into the HR world

18 ure gelede | Mense

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

Fishrot-klankie tref korrupsie-indeks

18 ure gelede | Misdaad

Jo-Maré Duddy - Hoewel die Fishrot-skandaal in die jongste korrupsieverslag van 'n internasionale waghond vermeld word en Namibië vier plekke op 'n wêreldindeks moes inboet,...

Boere betáál vir ‘katkoppe’

18 ure gelede | In beeld

Veilingspryse vir tollies en verse bereik tans nuwe rekordhoogtes, met die hoogste prys van N$47,37 per kg wat vandeesmaand tydens ’n Blaauwberg-veiling op Grootfontein betaal...

Swartlys sy voorland, sê Hatuikulipi

18 ure gelede | Howe

Denver Kisting - Die eertydse uitvoerende hoof van Investec Asset ­Management en een van die sogenaamde Fishrot-beskuldigdes, mnr. James ­Hatuikulipi, sê sy bankrekening is N$150...

Bank Windhoek assigns Muukua with CSI and Stakeholder Engagement...

18 ure gelede | Gemeenskap

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

Investing in the people

18 ure gelede | Gemeenskap

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

Commit to be fit

18 ure gelede | Mense

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

The value of the journey

18 ure gelede | Mense

Mariselle Stofberg“So many times I focused on what I wanted to become, neglecting the process required to get there. As I matured, I realised the...