Ongelukkefonds bederf gestremdes

Rolstoelpretloop gehou

20 November 2018 | Gebeure
Augetto Graig - Namibië se Padongelukkefonds (MVAF) het Vrydag sy jaarlikse rolstoelpretloop by die Wanderers-sportklub in Windhoek gehou.

Sowat 70 begunstigdes van dié fonds en rolstoelgebruikers is genooi om die geleentheid by te woon.

Me. Enstella Kharuxas, wat in Desember 2010 in ’n motorongeluk was, was een van die begunstigdes wat die pretloop bygewoon het.

Sy is ’n kwadrupleeg en haar man versorg haar.

In 2016 het die fonds toegesien dat Kharuxas se huis aangepas word sodat sy makliker daarin kan rondbeweeg.

Nog ’n begunstigde is me. Theopoldine Kandjou, ’n klerk in NamWater se finansiële afdeling.

Haar ruggraat is in Mei 2013 tydens ’n motorongeluk beseer.

Die MVAF het ook die aanpassing van haar huis gefinansier, asook bestuurslesse ná die ongeluk.

Sy het in Desember 2013 werk toe teruggekeer.

Mnr. Tony Bock is 19 en ’n tweedejaar- regstudent aan die Universiteit van Namibië (Unam).

Sy ruggraat is in 2012 in ’n motorongeluk beseer, maar met die MVAF se hulp kon hy ten spyte daarvan met sy studies voortgaan.

Onder meer was ’n rolstoel-basketbalspel en ’n skouspelagtige vertoning op die Kerspartytjie-program.

Me. Rosalia Martins-Hausiku, hoofbestuurder van die fonds, sê ongelukstatistieke van 1 Januarie tot 4 November vanjaar dui aan botsings het in vergelyking met 2017 met 9% afgeneem, beserings met 18% en sterftes met 31%.

Die fonds beoog om ongelukke teen 2020 met 50% te laat afneem, sê sy.

Dít sal moontlik wees as elke Namibiese padgebruiker verantwoordelikheid vir padveiligheid neem, het sy gesê.

“Elke jaar bring die fonds ernstig beseerde begunstigdes van oraloor die land bymekaar om gesellig te verkeer en hul lewenslesse met mekaar te deel vir die verbetering van hul omstandighede.

“Dit word op ’n ontspanne, prettige en stimulerende manier gedoen,” sê sy.

Met begunstigdes van die Khomas-, Omaheke- en Otjozondjupastreek teenwoordig het sy gesê die fonds is bewus van die maatskaplike en ekonomiese swaarkry wat met enige gestremdheid gepaard gaan.

“Ons kyk soms die vermoëns en potensiaal van gestremde mense mis,” sê sy.

Dit is hoekom vanjaar se tema “Don’t diss my ability” is, wat Namibiërs aanmoedig om gestremdes te respekteer.

In die toespraak wat die adjunkminister vir gestremdes in die presidensie, me. Alexia Manombe-Ncube, gelewer het, sê sy die MVAF ondersteun ook verskeie instansies wat gestremdes verteenwoordig.

Dit sluit in Disability Sport Namibia, die Onyose-trust en die Dagbreek Skool.

Die fonds ondersteun ook die rehabilitasie van ongelukslagoffers, sê Martins-Hausiku.

In die laaste vyf jaar het die MVAF 1 651 motorongelukbeseerdes uit 2 076 help rehabiliteer.

MVAF-statistiek toon ook dat 952 van hul begunstigdes na hul gemeenskappe teruggekeer het, 499 is terug werk toe en 200 terug skool toe, terwyl 99 se huise aangepas is.

Soortgelyk

 

‘Aarde lag deur haar gebarste gesig’

1 dag gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

1 dag gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

1 dag gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

1 dag gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

1 dag gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

2 dae gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

2 dae gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

2 dae gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

2 dae gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...