Ongeluk skok motorfietsgemeenskap

28 January 2019 | Ongelukke
Mariselle Stofberg - Die motorfietsgemeenskap is geskok oor mnr. Wickus Ras (32) se skielik dood Woensdagaand ná ’n motorfietsongeluk in Kleine Kuppe in die hoofstad.

Hoofinsp. Kauna Shikwambi, 'n polisiewoordvoerder van die Namibiese polisie, het bevestig die ongeluk het omstreeks om 20:02 op die hoek van Kleine Kuppeweg en Guinasstraat plaasgevind.

“Ras het glo in Kleine Kuppeweg gery en vir ’n aankomende voertuig uitgeswaai, wat wou afdraai. Hy het toe oënskynlik beheer oor die motorfiets verloor en het in 'n ander voertuig vasgery,” het Shikwambi gesê.

Volgens haar is die oorledene op slag dood, maar vriende van Ras sê hy het op pad na die Lady Pohamba Private Hospitaal gesterf.

Mnr. Johan Badenhorst en sy gesin was in die voertuig waarin Ras vasgery het.

“Die motorfiets het teen ’n geweldige spoed gery en daarná uitgeswaai vir die voertuig wat wou afdraai, waarna hy in ons vasgery het. Ek en my gesin is gelukkig ongedeerd,” het Bronkhorst gesê.

Ras se vriende en familie is erg geskok oor die voorval.

Me. Carla Rattay, Ras se vriendin, het op haar Facebook-blad geskryf: “My grootste vrees het waar geword toe ek jou verloor het. Jy het die mooiste siel gehad, en ek gaan jou verskriklik mis.”

Mnr. Diwie De Wet, een van Ras se goeie vriende, was hartgebroke oor die heengaan van sy vriend wat so lief was vir sy motorfiets.

“Hy was ’n biker brother, ’n vriend duisend, en was altyd daar vir sy vriende, maak nie saak wat nie. Hy was ’n wonderlike pa vir sy dogtertjie en sou enige iets vir haar doen,” het hy gesê.

Vriende en familie het Vrydagaand Ras se lewe in Windhoek gevier.

Sy pa, mnr. Nicky Ras, het Vrydag gesê sy seun se begrafnisreëlings is nog nie gefinaliseer nie.

Ras word buiten sy pa, ook deur sy ma, Ronel, broer, Nicky jr., en sy sewejarige dogtertjie Izemé oorleef.

Soortgelyk

 

‘Aarde lag deur haar gebarste gesig’

13 ure gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

13 ure gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

1 dag gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

1 dag gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

1 dag gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

1 dag gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

1 dag gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

1 dag gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

1 dag gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...