Onderwys spring om water en ligte aan te hou

'Ontydige' aksie in skole-eksamen

08 November 2018 | Plaaslik
Elvira Hattingh



Teen Vrydag behoort die Windhoekse munisipaliteit 'n betaling te ontvang op 'n aansienlike bedrag wat die direktoraat van onderwys, kuns en kultuur in die Khomasstreek aan hulle verskuldig is.

Dit moet vir eers keer dat die munisipaliteit Windhoek-skole se water- en elektrisiteitstoevoer weens 'n agterstallige rekening afsny - terwyl skoliere besig is om hul jaareindeksamens af te lê.

Die direkteur van onderwys vir die Khomasstreek, mnr. Gerard Vries, het gister aan Republikein bevestig die elektroniese oorbetaling van geld na die Windhoekse munisipaliteit word tans verwerk en behoort teen môre afgehandel te wees.

“Drie skole het tot dusver gebel en gesê hulle het kennisgewings vir die afsluiting van hul dienste ontvang. Die skole is die Sekondêre Skool Academia, Windhoek Hoërskool (WHS) en Concordia College,” het Vries gesê. Volgens hom het die munisipaliteit nog nie die dienste by skole afgesny nie.

“'n Brief is aan die munisipaliteit gestuur om te vra dat hulle eers moet wag met die afsny van die dienste by verskeie primêre en sekondêre skole,” het Vries gesê.

Vries sê die besluit om nóu openbare skole se water en elektrisiteit af te sny, kom op 'n “ontydige tyd” terwyl kinders in die Khomasstreek besig is met hul graad 9 nasionale semi-­eksterne eksamens, asook met graad 8 en 11 se Khomas-streekeksamen. “Die graad 7 Khomas-streek­eksamens moet op Maandag 12 November begin,” het hy gesê.

Vries wou nie bekend maak hoeveel geld aan die Windhoekse munisipaliteit vir water en elektrisiteit geskuld word nie. Hy het gesê dit hou verband met kliëntevertroulikheid. “Die direktoraat van onderwys, kuns en kultuur in die Khomasstreek skuld die Windhoekse munisipaliteit 'n aansienlike bedrag vir water en elektrisiteit,” is al wat hy gesê het.

Ondanks gerugte dat sowat N$15 miljoen vir eers aan die munisipaliteit oorbetaal sou word, het Vries gesê daar moet eers “formeel” op die presiese bedrag besluit word, waarna dit moontlik aan die media bekend gemaak sal word.

Op die vraag oor hoe die skuld afbetaal kan word en hoekom dit toegelaat is om so te vermeerder, het Vries gesê die terugbetalingskedule aan die munisipaliteit word bepaal deur die vrystelling van betalings deur die ministerie van finansies na die ministerie van onderwys, kuns en kultuur, en daarna na die Khomas-streeksraad - wanneer die geld beskikbaar raak.

Hy het bygevoeg sodra sy direktoraat geld ontvang, word dit binne drie tot vyf dae aan krediteure uitbetaal.

Die ministerie se totale begroting vir munisipale dienste vir die huidige boekjaar is sowat N$27,1 miljoen. Dié begroting is nie tydens die halfjaarhersiening vermeerder nie.

Begrotingsdokumente dui aan die totale bedrag wat die ministerie op munisipale rekeninge bestee, is minder as waarvoor begroot word.

In 2016-'17 is daar in totaal N$22,5 miljoen vir munisipale rekeninge begroot. Daarvan is slegs sowat N$17,2 miljoen of 76% bestee. Vir 2017-'18 is 'n totaal van N$19,01 miljoen vir die ministerie se munisipale dienste begroot. Die werklike besteding was N$15,6 miljoen of 82% van die begroting.

Soortgelyk

 

Hepatitis E woed landswyd voort

16 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

16 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

16 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

16 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

16 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

16 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

16 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

16 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

16 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...