Onderwys in Afrika 70 jaar agter Asië, Europa

Een handboek, 10 laerskoolleerlinge

22 December 2016 | Onderwys
Henriette Lamprecht - Die vlak van onderwys in ontwikkelende Afrika-lande, veral dié in sub-Sahara Afrika, is 70 jaar agter dié van ontwikkelde e­konomieë soos Asië en Europa.

Volgens 'n verslag deur die Internasionale Kommissie vir die Finansiering van Globale Onderriggeleenthede sal ontwikkelende lande onderrig moet uitbrei om in die volgende 30 jaar by ontwikkelde ekonomieë op te vang.

Die voormalige Tanzaniese president, mnr. Jakaya Kikwete, het tydens 'n besoek aan president Hage Geingob gesê Namibië se studentebevolking sal na verwagting in die volgende 24 jaar van die huidige 650 000 verdubbel. Kikwete is huidig die kommissaris van die Internasionale Kommissie vir die Finansiering van Globale Onderriggeleenthede as deel van die Verenigde Nasies se spesiale gesant vir Globale Onderrig.



Toegang

Kikwete het gemaan Namibië moet toegang tot onderrig vir alle kinders verseker soos die bevolking groei.

Die verslag erken pogings deur Namibië om toegang tot kwaliteit-onderrig te verbeter en wat finansiering en die ontwikkeling van infrastruktuur insluit.

“Namibië behoort trots te wees op die land se huidige 100% toelating tot primêre onderrig,” het Kikwete gesê.

Sou huidige neigings voortduur, sê die verslag gaan honderde miljoene kinders en jongmense onderrig ontsê word in 'n tyd wanneer onderrig

meer as ooit vir hul toekoms noodsaaklik is.

Vandag is 263 miljoen kinders en jongmense nie op die skoolbanke nie. Dit in weerwil van die Millennium Ontwikkelingsdoelwitte van 2000 waarin die wêreld beloof het om teen 2015 te verseker dat alle kinders 'n primêre onderrig voltooi het. Volgens die verslag voltooi net 'n beraamde 67% van kinders primêre skool. Met die huidige koers sal dit tot die einde van die eeu duur om te verseker dat alle kinders in dié betrokke lande hul primêre onderrig voltooi.

In lae-inkomste lande is net drie uit tien skoolgaande kinders op koers om vaardighede op primêre vlak aan te leer. Die verslag voorspel voorts slegs vier uit tien kinders van skoolgaande kinders in lae- en middel-inkomste lande is op koers om teen 2030 die minimum vaardighede op sekondêre vlak aan te leer. Dit beteken uit die 1,4 miljard skoolgaande kinders in lae- en middel-inkomste land gaan 'n beraamde 420 miljoen teen 2030 nie op koers wees om die mees basiese vaardighede in hul kinderjare baas te raak nie. Ook gaan die reeds reusegaping tussen die armste en rykste lande met betrekking tot naskoolse opleiding, verder vergroot.

Hoewel die onderwyskrisis die armste inwoners die meeste sal raak, sê die verslag is daar 'n groot prys om hiervoor in die ekonomie te betaal. Volgens die verslag gaan die bruto binnelandse produk (BBP) per kapita in lae-inkomste lande in 2050 byna 70% laer wees as wat dit sou wees sou alle kinders onderrig ontvang het. Dit beteken 'n beraamde verlies van sowat US$1,8 triljoen vir lae-inkomste lande alleen. Die verliese vir middel-inkomste lande sou kinders hier nie onderrig word nie, sal egter veel groter wees.

Die verslag sê voorts die negatiewe invloed op inkomste en ekonomiese prestasie is maar net die begin, met die impak op gesondheid wat net so groot sal wees.

Vooruitskattings wys daarop dat die aantal lewens wat jaarliks verloor word weens lae vlakke van onderrig, sal teen 2050 gelykstaande wees aan dié wat vandag toegeskryf word aan MIV/vigs en malaria, twee van die mees dodelike siektes in die wêreld.

Teen 2050 sal die bevolkingsgroei ten minste 15% hoër wees, sou alle kinders onderrig ontvang.



Stabiliteit

Die verslag wys voorts daarop sou kinders en jongmense die geleentheid weerhou word en sou ongelykheid in onderrig voortduur, die implikasies vir stabiliteit ook geweldig sal wees. Lae vlakke van sekondêre onderrig onder jong mans hou sterk verband met hoër vlakke van maat­skaplike onrus en geweld. Onrus is die duidelikste sigbaar waar die gaping die grootste is tussen die verwagtinge van jongmense oor die geleent­hede wat vir hulle beskikbaar moet wees en die werklikhede wat hulle in die gesig staar. In lae- en middel-­inkomste lande is daar gemiddeld 'n 32%-gaping tussen die armstes en die rykstes wat primêre skoolopleiding voltooi. Vir dié wat wel skoolgaan, sal 54% van die rykste kinders die basiese vaardighede aanleer, teenoor die 35% van die armste kinders. Minder as 20 arm, plattelandse meisies in sub-Sahara Afrika is op koers om hul sekondêre opleiding te voltooi, sewe keer minder as middelklas, stedelike seuns. Met betrekking tot kinders met gestremdhede is meer as die helfte van die beraamde 65 miljoen primêre en laer-sekondêre leerlinge nie op die skoolbanke nie.

Soortgelyk

 

Rivierrommel besmet Nubuamis

6 ure gelede | Omgewing

Tanja Bause - ’n Rivier wat deur verskillende kleinhoewes by Nubuamis, buite Windhoek, vloei, laat inwoners les opsê.Die rivier, wat verlede week Vrydag vir die...

Bankamptenaar erken reusebedrog

6 ure gelede | Howe

Jacqueline Louw - Mark Wayne van Wyk (29) se liefde vir partytjies en onthaal is deur gesteelde geld gefinansier, het hy gister voor regter Naomi...

Weer vir 17 Januarie 2018

6 ure gelede | Weer

BINNELAND: Gedeeltelik bewolk en baie tot bloedig warm met enkele tot geïsoleerde donderbuie. Dit sal winderig oor die binneland wees. KUS: Gedeeltelik bewolk...

Op die leeuspoor ná slagting by die Witvrou

6 ure gelede | Ministeries

Des Erasmus - Nkosi, die diereryk se koning van die Ugabvallei, en sy vrou, die parmantige Cheeky, is die hoofverdagtes in die slagting van die...

Slenter: Nampol vul nié poste

6 ure gelede | Misdaad

Nampol is nié besig om kadette aan te stel nie. Die Namibiese Polisie het gister 'n nuusverklaring uitgereik waarin hy homself van advertensies op sosiale...

Hoë VN-poste vir Namibiese vroue

6 ure gelede | Afrika

Elvira Hattingh en Estelle de Bruyn - Adv. Bience Gawanas, voorheen Namibië se ombudsman en later kommissaris van die Afrika-unie (AU), is deur die sekretaris-generaal...

Hoofman Dawid Fredericks oorlede

6 ure gelede | Mense

Die hoofman van die !Aman Nama, mnr. Dawid Fredericks, is Vrydag in die ouderdom van 85 jaar op Keetmanshoop in die hospitaal dood. Hy...

Onsekerheid oor lenings aan studente

6 ure gelede | Onderwys

Augetto Graig - Die Nasionale Hulpfonds vir Studente (NSFAF) is tans besig om met verskeie belanghebbendes te onderhandel en kan tans nie terugvoering bied aan...

Winkelinbraak: 227 selfone gesteel

6 ure gelede | Misdaad

Altesaam 227 selfone en ander goedere is die naweek helder oordag tydens 'n inbraak by Pep Stores op Usakos gesteel.Volgens adj.komm. Erastus Iikuyu, die Namibiese...