Ondersoek staatskaping, eis amptelike opposisie
Die amptelike opposisie dring aan op ’n openbare kommissie van ondersoek na die kaping van staatsbates.
Ronelle Rademeyer - Die sluier van geheimhouding oor Namib Desert Diamonds (Namdia) en berigte dat mnr. Tom Alweendo, minister van myne en energie, nie geweet het dit behoort aan die staat nie, toon die regering wou sy “afstootlike diefstal” uit die oog van belastingbetalers hou.
Namibië se amptelike oppposisie, die Popular Democratic Movement (PDM), sê hy “raak al meer daarvan oortuig die Namibiese staatsmasjienerie is gekaap” en dring op ’n ondersoek aan.
Mnr. Nico Smit van dié party het gisteroggend ’n beroep op pres. Hage Geingob gedoen om in die lig van die Namdia-diamantskandaal ’n openbare kommissie van ondersoek soortgelyk aan die Zondo-kommissie in Suid-Afrika aan te stel.
“’n Duidelike patroon is besig om te vorm van hoe die regering die private sektor deur middel van hierdie ontluikende sogenaamde private maatskappye kaap. Hierdie maatskappye is met belastingbetalersgeld gestig om met maatskappye in die private sektor mee te ding,” sê Smit.
Volgens die PDM lyk dit of die regering die ekonomie doelbewus laat verkrummel het om aan die droom van ’n sosialistiese staat voor onafhanklikheid gestalte te gee.
Die party daag Geingob uit om die nasie se vrese te besweer deur ’n openbare kommissie van ondersoek in Namibië aan te stel. Dié kommissie moet mense kan dagvaar om voor hom te getuig.
Volgens Smit het die kantoor van die ombudsman en die Teenkorrupsiekommissie (ACC) “nie die wil, voorneme of die geld om mense in hoë poste wat die land vernietig, aan te vat nie”.
Die PDM het tydens ’n nuuskonferensie in Windhoek verwys na beweringe deur ingeligte bronne dat Namdia op ’n onderduimse wyse as die kontantkoei van ’n groep uitgesoekte mense bedryf word.
“Die regering het reeds die beherende aandeel in Namdeb. Hoekom het hy dan ’n ander diamantverkoper nodig en dít boonop ’n geheime een?” wil die PDM weet.
Dié party wil verder weet waarom Namdia diamante aan ’n groepie spesiale kliënte teen slegs US$500 per karaat verkoop, sodat dié kliënte dit teen US$2 500 per karaat kan herverkoop en die wins in hul eie sak kan steek.
Dít terwyl Namdeb se bemarkingsarm dit in die eerste plek teen US$2 500 aan dieselfde kopers kon verkoop en ’n geraamde US$2 miljard vir Namibië kon verdien het.
“Dit is onmoontlik om nie te vermoed die mense in beheer van hierdie regering, soos sommige van die ministers, was nie deel van hierdie reusediefstal van staatsbates nie,” meen die PDM.
Namdia het twee jaar gelede stil-stil tot stand gekom.
Namibië se amptelike oppposisie, die Popular Democratic Movement (PDM), sê hy “raak al meer daarvan oortuig die Namibiese staatsmasjienerie is gekaap” en dring op ’n ondersoek aan.
Mnr. Nico Smit van dié party het gisteroggend ’n beroep op pres. Hage Geingob gedoen om in die lig van die Namdia-diamantskandaal ’n openbare kommissie van ondersoek soortgelyk aan die Zondo-kommissie in Suid-Afrika aan te stel.
“’n Duidelike patroon is besig om te vorm van hoe die regering die private sektor deur middel van hierdie ontluikende sogenaamde private maatskappye kaap. Hierdie maatskappye is met belastingbetalersgeld gestig om met maatskappye in die private sektor mee te ding,” sê Smit.
Volgens die PDM lyk dit of die regering die ekonomie doelbewus laat verkrummel het om aan die droom van ’n sosialistiese staat voor onafhanklikheid gestalte te gee.
Die party daag Geingob uit om die nasie se vrese te besweer deur ’n openbare kommissie van ondersoek in Namibië aan te stel. Dié kommissie moet mense kan dagvaar om voor hom te getuig.
Volgens Smit het die kantoor van die ombudsman en die Teenkorrupsiekommissie (ACC) “nie die wil, voorneme of die geld om mense in hoë poste wat die land vernietig, aan te vat nie”.
Die PDM het tydens ’n nuuskonferensie in Windhoek verwys na beweringe deur ingeligte bronne dat Namdia op ’n onderduimse wyse as die kontantkoei van ’n groep uitgesoekte mense bedryf word.
“Die regering het reeds die beherende aandeel in Namdeb. Hoekom het hy dan ’n ander diamantverkoper nodig en dít boonop ’n geheime een?” wil die PDM weet.
Dié party wil verder weet waarom Namdia diamante aan ’n groepie spesiale kliënte teen slegs US$500 per karaat verkoop, sodat dié kliënte dit teen US$2 500 per karaat kan herverkoop en die wins in hul eie sak kan steek.
Dít terwyl Namdeb se bemarkingsarm dit in die eerste plek teen US$2 500 aan dieselfde kopers kon verkoop en ’n geraamde US$2 miljard vir Namibië kon verdien het.
“Dit is onmoontlik om nie te vermoed die mense in beheer van hierdie regering, soos sommige van die ministers, was nie deel van hierdie reusediefstal van staatsbates nie,” meen die PDM.
Namdia het twee jaar gelede stil-stil tot stand gekom.
Kommentaar
Republikein
Geen kommentaar is op hierdie artikel gelaat nie