Onbekende aantal hengelaars beboet

02 January 2019 | Visserye
Erwin Leuschner – In ‘n ongewoon vroeë en uitgerekte kabeljou-stormloop in die omgewing van Hentiesbaai moes visinspekteurs al voor Kersfees bont staan.

Een span hengelaars het glo verby ‘n padblokkade probeer jaag, maar is deur beamptes voorgekeer.

Chaotiese toestande is uit sekere oorde gerapporteer. Visinspekteurs is oorweldig deur groot getalle hengelaars.

Volgens me. Rosalia Mupetami, hoofvisinspekteur in die ministerie van visserye en mariene hulpbronne is baie boetes gehef. Sy kon teen verlede week nie gedetailleerde statistiek verstrek nie.

“In die 21 jaar wat ek aan die kus hengel, het ek nog nie so-iets gesien nie,” het ‘n kranige hengelaar van Hentiesbaai gesê. Kabeljou het geloop by Solitude, Jakkalsputz, Myl 68, Myl 72 en gewilde plekke soos Sarah se Gat en Tolla se Gat.

‘n Padblokkade is volgens Mupetami noord van Hentiesbaai opgestel. “Ons het talle hengelaars gevang wat die daaglikse beperking oorskry het en te veel groot visse gehad het,” het sy gesê. Een hengelaar mag net twee kabeljoue van langer as 70 sentimeter in sy besit hê.

Dikwels word alternatiewe roetes gebruik of strandlangs gery om inspekteurs te pykpan. ‘n Groep hengelaars wat by die padblokkade teen ‘n stink spoed weggejaag het, is volgens Mupetami kort daarna vasgetrek. Die voertuig was vol groot visse.

Soortgelyk

 

Mense uit 33 lande onder 157 rampslagoffers

39 minute gelede | Ongelukke

Ronelle Rademeyer - Sover bekend was daar nie enige Namibiërs op rampvlug ET302 van Ethiopian Airlines nie.Familielede wat passasiers van die Ethiopiese lugdiens se vlug...

Ethiopiese vliegtuig met 157 aan boord stort neer

3 ure gelede | Ongelukke

‘n Boeing 737 van Ethiopian Airlines het vanoggend onderwegvanaf Addis Ababa na Nairobi in Kenia neergestort.Die Ethiopiese eerste minister, Abiy Ahmed, het in ‘n verklaring...

Geingob: Gelukkig Vrouedag, vroue

2 dae gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...