Ombepo wek krag vir nasionale netwerk

14 November 2017 | Energie
Tanja Bause – Die Ombepo-windplaas by Lüderitz het al verskeie kere 120 megawatt se krag op ’n dag opgewek.

“Dit beteken dat Ombepo ’n volle 5 MW konstant vir 24 uur geproduseer het. Dit is die eerste keer in Namibië dat ’n moderne, hernubare energiepark sonder onderbreking vir 24 uur krag opgewek het,” het mnr. Jan-Barend Scheepers, projekbestuurder van InnoSun, gesê.

Sedert 13 Augustus voer die windplaas krag in die nasionale kragnetwerk in en is dit ten volle operasioneel.

Die Ombepo-windplaas buite Lüderitz is die eerste van sy soort in die land. Dit is ’n ontwikkeling deur die Namibies-geregistreerde maatskappy InnoSun wat uit Namibiese en Franse aandeelhouers bestaan. Die Lüderitz-dorpsraad besit 5% aandele in die windplaas.

InnoSun het ’n kragaankoop-ooreenkoms van 25 jaar met NamPower deur die Elektrisiteitsbeheerraad (ECB) se ReFIT-program (hernubare energieterugvoer-tarief) onderteken.

ReFIT gee aanlegte toegang wat hernubare energie-tegnologie voorsien, en laat toe dat hulle krag teen ’n vasgestelde prys aan die elektrisiteitsnetwerk verkoop.

InnoSun is ook op die oomblik besig met die oprigting van ’n sonkragprojek by Aussenkehr. Dié projek sal aan die einde van die maand voltooi wees en bestaan uit sowat 19 000 sonpanele. Dit sal die druiweboere van daardie omgewing van krag voorsien.

“Die nuwe aanleg sal genoeg krag aan sowat 10 000 gemiddelde Namibiese huishoudings kan voorsien,” het hy gesê.

Die projek is ’n vennootskap tussen InnoSun en Aussenkehr Energy.

Volgende jaar sal InnoSun die #Oab-windplaas naby die Elizabeth myn buite Lüderitz oprig.

Soortgelyk

 

Man sterf op Walvisbaai-Swakopmund-pad

5 ure gelede | Ongelukke

Die 27-jarige Franico Esly Huseb is vandag omstreeks 07:30 dood, nadat die bakkie waarin hy op reis was op die pad tussen Swakopmund en Walvisbaai...

Eksamenuitslae dán bekend

6 ure gelede | Onderwys

Die voorlopige uitslae vir graad 10 (JSC) en graad 12 (NSSC) hoë vlak vir voltydse en deeltydse kandidate word aanstaande Donderdag (20 Desember) amptelik bekendgemaak....

Drie meisies verdrink in sandputte

7 ure gelede | Ongelukke

Die Namibiese polisie in die Ohangwenastreek het ‘n beroep op kontrakteurs gedoen om sandputte toe te stoot wat geskep is met die uitgrawe van sand...

1,6 miljoen toeriste besoek Namibië in 2017

7 ure gelede | Toerisme

Altesaam 2,2% meer toeriste het Namibië in 2017 as in die vorige jaar besoek met meer as 1,6 miljoen buitelandse toeriste wat die land ingestroom...

Studente betaal meer by Unam

8 ure gelede | Onderwys

Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land, het die universiteitsraad genoop om klasgelde...

Plunderwoude: Ministerie ontken ongerymdhede

18 ure gelede | Plaaslik

Elvira Hattingh - Die ministerie van landbou, water en bosbou sê die meerderheid permitte wat vir die oes en vervoer van hout uitgereik is, is...

Polisie op sy knieë

18 ure gelede | Polisie

Denver Kisting – Die inspekteur-generaal van die Namibiese polisie, lt.genl. Sebastian Ndeitunga, sê die land se finansiële verknorsing het die mag op sy knieë.Ndeitunga het...

Avihe-moordenaar het dalk landuit gevlug

18 ure gelede | Misdaad

Denver Kisting – As Avihe Cheryl Ujaha (9) nie deur iemand in haar binnekring vermoor is nie, is haar moordenaar(s) waarskynlik al landuit.Só sê die...

Weer vir 13 Desember 2018

18 ure gelede | Weer

BINNELAND: Gedeeltelik bewolk en baie tot bloedig warm met geïsoleerde buie plek-plek in die noordelike en sentrale dele. Elders sal dit sonnig en baie tot...