Omaruru se kaas- en vleispotte stoot vol

14 June 2018 | Kuns en vermaak
Des Erasmus



Die aanvanklike plan was bloot om Namibië se losse kaasmakersbedryf te orden.

Norme moet neergelê word waaraan die produk getoets kan word.

As dit vir kaas gedoen word, kan die kringetjie 'n bietjie wyer getrek word om terselfdertyd ook die grense van kontreikos af te baken.

Me. Tinkie Cornelissen, van die plaas Zanja net buite Omaruru, self 'n kaasmaker van aansien, het die saadjie geplant.

Vir haar was proekommentaar van “jou kaas is lekker” nie meer genoeg nie. Sy soek 'n uitspraak deur deskundiges. Feitlik onmiddellik het haar plan aanklank by ander kaasmakers van Namibië gevind. Die tafel vir 'n fees was gedek en toe het die bereiders van kontreikos ook hul flessies en kommetjies op die fees­tafels kom plak.

Nou kom die eerste nasionale kaas- en kontreikosfees op 22 en 23 Junie op die einste Zanja, sowat 5 km buite Omaruru.

Duidelike bordjies langs die teerpad tussen Omaruru en Kalkfeld gaan as wegwysers dien. By die aanvanklike plan van beoordeling op 22 Junie en 'n ope dag vir Jan Alleman op Saterdag 23 Junie word gehou. Maar nou gaan alles oorspoel tot by 'n oop boeremark die Saterdagoggend, 'n Schlachtefest, gevolg deur 'n Eisbein-smullery deur die Duitse skool en 'n dansparty die aand van 23 Junie met die gewilde Chicken wat die musiek gaan verskaf.

Cornelissen sê die boeremark kom as aanvullend tot die aanvanklike aanbod van 'n verskeidenheid van kaas- en kon­treikossoorte wat op die ope dag aan­gebied gaan word.

Van die kaassoorte uit Namibië wat ­beoordeel gaan word, is mozzarella-, ­camembert-, blou-, Limburger-, gouda-, cheddar-, emmental-, feta- en haloumikaas. Joan Berning van Plettenbergbaai, een van Suid-Afrika se voorste kaaskenners, sal een van die beoordelaars wees.

Sy onderneem die reis na Omaruru ­spesiaal vir dié geleentheid.

Ander beoordelaars is De Wet Viljoen van Suid-Afrika, Elsabé Marais van Outjo, Dallas Orr, 'n sjef van Swakopmund en David Thomas, 'n sjef van Windhoek.

Onder kontreikossoorte val onder meer patees, vleisdisse en seekos. 'n Derde kategorie onder kontreikos is vir gedroogde geregte soos beskuit, koekies en lekkers.

Oor vleissoorte wat deur sjefs beoordeel gaan word, sê Cornelissen opvallend is die klem wat deelnemers op vleis­produkte plaas wat volgens die tradisionele Duitse metodes voorberei is.

Die deelnemers is verteenwoordigend van die ganse Namibië met die Suide (Aranos), Kamanjab, Otjiwarongo, Seeis, Witvlei, Hochfeld, Kalkfeld, Wilhelmstal en Gobabis wat daar gaan wees.

Cornelissen het self nie geweet Namibië het so baie kaasmakers nie. Tot 10 kan hulle aanmeld om te hoor of hul produkte aan die voorgeskrewe vereistes voldoen. Benewens die 10 is daar nog baie ander kaasmakers wat 'n bietjie onverhoeds betrap was en voornemens het om aanstaande jaar deel te neem.

Ook uit die Suide neem 'n vrou deel met bereide vleis volgens die oorspronklike Duitse metodes. Oor die Schlachtefest het Cornelissen gesê een bewering is dat die Duitse skool 300 Eisbeins vir die ete bestel het. Sy wonder selfs of dit genoeg gaan wees.

Opvallend is ook inskrywings deur Namibië se eie wynmakers, onder wie 'n vrou as hoeweboer in die Swakopvallei. Bierbrouers gaan ook kom toets of hulle die kuns tuis bemeester het.

Sy waarsku wel dat streng by die voor­skrif van 22 Junie (Vrydag) as geslote dag vir beoordeling en Saterdag (23 Junie) as ope dag gehou gaan word.

Soortgelyk

 

Polisie konfiskeer kerk se luidsprekers in Oshakati

6 ure gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

6 ure gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

9 ure gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

19 ure gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

19 ure gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

19 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

19 ure gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

19 ure gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

19 ure gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...