Oliesoektog: Publiek moet sê oor seismiese opnames

ReconAfrica-verslag by Omgewingskommissaris

12 April 2021 | Omgewing
Ronelle Rademeyer – Die Kanadese olie- en gasmaatskappy Reconnaissance Energy Africa (ReconAfrica) se ondersoek na wat die impak van sy voorgenome tweedimensionele (2D) seismiese opnames op die omgewing in die Kavango sal wees, is afgehandel.

Die ministerie van die omgewing, bosbou en toerisme het Saterdag in 'n verklaring gesê die omgewingsimpakstudie (EIA), die voorlopige omgewingsbestuursplan (EMP) en die nodige aanvullende dokumente is by die Omgewingskommissaris, mnr. Timoteus Mufeti, ingedien.

Dit vorm deel van ReconAfrica se aansoek vir 'n omgewingsklaringsertifikaat (ECC). Daarsonder kan hy nie met die seismiese opnames voortgaan nie.

ReconAfrica het dr. Sindila Mwiya van Risk-Based Solutions aangestel om die ondersoek te doen en die nodige dokumente vir die aansoek (vir 'n ECC) voor te berei.

ReconAfrica, wat nog nooit tevore 'n olie- en gasbron ontgin het nie, voer aan elektromagnetiese data toon die noordoostelike deel van Namibië en die noordwestelike deel van Botswana wat grens aan die Okavango-delta – 'n wêrelderfenisgebied – beskik oor 'n sedimentêre kom met olie- en gasvolumes gelykstaande aan die Midland-kom in Texas in die VSA.

ReconAfrica het reeds begin om drie stratigrafiese gate te boor om die geografie van die aardkors te ontleed. Die seismiese opnames is die tweede stap in sy oliesoektog.

Mwiya het vroeg in Februarie tydens 'n openbare vergadering in Windhoek verduidelik die eksplorasie is in sy kinderskoene en as die proses “met 'n rit vanaf Windhoek na Rundu vergelyk kan word, trek ReconAfrica nog nie eens by Okahandja nie”.



VOORDELE EN NADELE

Dit blyk uit die verslag ReconAfrica gaan 'n Explorer 860-voertuig gebruik omdat dit die grond en omgewing die minste versteur. Dit is van die nuutste tegnologie wat beskikbaar is.

Aan die positiewe kant word 'n inkomste vir die staatskas, meer werksgeleenthede, 'n groter vraag na openbare dienste en beter kennis van ondergrondse bronne soos water, minerale en geotermiese energie uitgewys.

Die verdere negatiewe impak is geraas en vibrasies langs die 450 km bestaande paaie waar die seismiese opnames gedoen gaan word. 'n Tydelike kamp gaan opgerig word en meer voertuie sal langs daardie roetes beweeg. Verder sal daar meer stof wees omdat baie van die paaie nie geteer is nie. Dít, tesame met meer brandstofdampe, sal die lugkwaliteit nadelig raak.

Volgens die verslag sal geen bome verwyder word om die kamp op te rig nie. Verder is die gebiede waar die opnames gedoen gaan word nie op olifanttroppe se migrasieroetes tussen die nasionale parke van die Khaudum en Mangetti nie, lui die verslag.

Wat grondwaterbesoedeling betref, toon die studie die voorgenome opnamegebied en die tydelike kamp val buite gebied die beskermde grondwatergebied.

Volgens mnr. Romeo Muyunda, woordvoerder van die omgewingsministerie, het belanghebbende partye tot 17:00 op Vrydag 23 April tyd om die verslag te bestudeer en insette te lewer.

Stuur 'n e-pos na Muyunda by [email protected] vir 'n skakel na die Dropbox-lêer waar die dokumente beskikbaar is. Dit kan ook afgehaal word by die ministerie se hoofkantoor in Windhoek by kamer D2-11 op die eerste vloer.

– [email protected]

Soortgelyk

 

Skoolhoof van Swakop sterf aan Covid-19

10 ure gelede | Mense

Ronelle Rademeyer – Huldeblyke het gister uit onderwys- en ander kringe ingestroom nadat die skoolhoof van Pro-Ed Akademie se hoër­skool op Swakopmund, mnr. Henry McCarthy,...

ReconAfrica voor hof gedaag

10 ure gelede | Howe

Ronelle Rademeyer – Reconnaissance Energy Africa (ReconAfrica) het sonder konsultasie of vooraf kennisgewing die natuurlike woud en landerye wat wettiglik deur 'n familie by Mbambi...

Weer vir 10 Mei 2021

10 ure gelede | Weer

BINNELAND: Sonnig en warm tot baie warm in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en warm...

Nog NBC-werkers keer terug

10 ure gelede | Arbeid

Hoewel die NBC-staking landswyd voortduur, het 74 werknemers intussen teruggekeer werk toe en is die Engelse radiodiens, National FM, weer terug op die lug. Die...

Noodkreet teen misdaadvlaag

10 ure gelede | Misdaad

Tunohole Mungoba op Oshakati – Die Oshakati-stadsraad het Donderdag 'n openbare vergade­ring in Okandjengeni-Suid op dié dorp gehou waar verskeie veiligheidskwessies geopper en klagtes teen...

Dwelms van amper N$2 miljoen gekonfiskeer

10 ure gelede | Misdaad

Volgens die Namibiese polisie is in April meer mense in besit van dwelms in hegtenis geneem as gedurende Maart. In Maart is 106 mense in...

Nuwe lewe in onooglike kraghuis geblaas

10 ure gelede | Kuns en vermaak

Claudia Reiter – Die kunstenaars Kat en Lens het die mure van 'n transformator-substasie in Conrad Ruststraat in Klein Windhoek geverf en verfraai. “Ons ry...

Geen partytjie vir Nujoma

10 ure gelede | Gemeenskap

Die kantoor van die stigterspresident Sam Nujoma het aangekondig hy gaan nie op 12 Mei sy 92ste verjaardag met 'n openbare byeenkoms vier nie. Dié...

Betaaldag hier vir Air Namibia se personeel

10 ure gelede | Vervoer

Ogone Tlhage – Die minister van openbare ondernemings (SOE's), mnr. Leon Jooste, het bevestig die regering het 'n gedeelte betaal van die N$278 miljoen wat...