Okahandja-Windhoek-pad: Fase twee oor 'n jaar voltooi
Die RA se vyfjaar- strategiese plan tot 2022 sal altesaam N$20,3 miljard kos, het die Paaieowerheid gister tydens 'n hoflikheidsbesoek aan die goewerneur van die Khomasstreek gesê.
Elvira Hattingh
Opgraderingswerk aan die Windhoek-Okahandja-pad wat van die Döbra-rivier tot by die Omakunde-kruising strek, behoort teen volgende jaar Augustus afgehandel te wees.
Daarna sal die laaste fase van die pad gepak word.
Terselfdertyd kan werk aan die lughawepad volstoom voortgaan omdat genoeg geld vir die voltooiing daarvan nou beskikbaar is.
Die Paaieowerheid (RA) het gister 'n hoflikheidsbesoek aan die goewerneur van die Khomasstreek, me. Laura McLeod-Katjirua, afgelê om dele van hul strategiese plan vir 2018 tot 2022 te bespreek, wat betrekking op die Khomasstreek het.
Dít behels opgraderingswerk aan die Windhoek-Okahandja-pad, asook die lughawepad.
Die uitvoerende hoof van die Paaieowerheid (RA), mnr. Conrad Lutombi, het gesê sodra dié twee nasionale padprojekte in en om die hoofstad voltooi is, sal die stad se verkeersvloei verbeter en langafstandverkeer sal by Windhoek kan verbygaan sonder om met stedelike verkeer te meng.
Hy het verduidelik die twee padprojekte behels ook die bou van die Gobabis-, Frankie Fredericks-, Robert Mugabe- en Sam Nujoma-padwisselaars, waar langafstandverkeer op die snelweg kan hou, wat hulle eindelik verby die hoofstad sal neem, terwyl afritte na onderskeie dele van die stad ook aangebring sal word.
Hy het gesê die wisselaars behoort 'n mate van verligting vir verkeersopeenhopings te bring, maar die padnetwerk binne dorpe en stede is die munisipaliteite se verantwoordelikheid.
VORDERING
Lutombi het gesê drie van die vier fases van die Okahandja-Windhoek-pad is reeds voltooi. Die laaste fase sal ná Augustus volgende jaar aangepak word, sodra genoeg geld vir die opgraderingswerk beskikbaar is.
“Dié pad sal dan eindelik van Oshana af agterom Okahandja loop en by die reedsbestaande kruising na Otjiwarongo aansluit,” het hy verduidelik.
Lutombi het gesê 'n advertensie vir tenders om die volgende fase van die lughawepad te bou, sal van 11 Julie af gepubliseer word.
“Die volgende fase strek van Sam Nujomarylaan af tot by Dordabis. Die laaste fase is vanaf Dordabis tot by die Internasionale Lughawe Hosea Kutako. Daar is genoeg geld vir die voltooiing van hierdie pad ná die Chinese regering 'n skenking aan Namibië gemaak het,” het hy gesê.
'n Ander sleutelprojek sluit in dat ingenieursontwerpe vir 'n dubbelpad na Rehoboth opgetrek is, terwyl 'n pad van Windhoek af na Dordabis gebou sal word en moontlik in September vanjaar voltooi sal wees.
Lutombi het verduidelik die uiteindelike doel is dat Namibië 'n logistieke kern moet wees.
Die beplanning van nasionale paaie gaan daaroor dat Walvisbaai se hawe 'n deurgangspunt vir die groter SADC kan word.
“Die idee is nie net om veiligheid op paaie te verbeter nie, maar ook om vervoerkoste te verminder,” het hy gesê.
VYFJAARPLAN
Die RA se vyfjaar- strategiese plan, wat in Mei vanjaar uitgereik is en tot 2022 geldig is, stel ten doel om altesaam 800 km se paaie tot Bitumen-standaarde op te gradeer, om 250 km se paaie na gruisspaaie op te gradeer, om 279 km se paaie, asook nege brûe te rehabiliteer en om 1 800 km se paaie te herverseël.
Verder moet 6 500 km se gruispaaie nuwe gruis kry en niks meer as 10% van teerpaaie en 40% van gruispaaie mag in 'n onaanvaarbare toestand wees nie.
Die plan behels verder om seker te maak 99,3% van vragmotors se gewig val binne die aanvaarde standaarde en dat kliëntetevredenheid by Natis tot 85% styg. Om dié plan uit te voer, sal altesaam N$20,3 miljard kos.
Die regering sal N$7,6 miljard bydra, terwyl die Padfondsadministrasie (RFA) sowat N$10,9 miljard sal instoot en skenkings en lenings die ander N$1,7 miljard sal moet dek.
Opgraderingswerk aan die Windhoek-Okahandja-pad wat van die Döbra-rivier tot by die Omakunde-kruising strek, behoort teen volgende jaar Augustus afgehandel te wees.
Daarna sal die laaste fase van die pad gepak word.
Terselfdertyd kan werk aan die lughawepad volstoom voortgaan omdat genoeg geld vir die voltooiing daarvan nou beskikbaar is.
Die Paaieowerheid (RA) het gister 'n hoflikheidsbesoek aan die goewerneur van die Khomasstreek, me. Laura McLeod-Katjirua, afgelê om dele van hul strategiese plan vir 2018 tot 2022 te bespreek, wat betrekking op die Khomasstreek het.
Dít behels opgraderingswerk aan die Windhoek-Okahandja-pad, asook die lughawepad.
Die uitvoerende hoof van die Paaieowerheid (RA), mnr. Conrad Lutombi, het gesê sodra dié twee nasionale padprojekte in en om die hoofstad voltooi is, sal die stad se verkeersvloei verbeter en langafstandverkeer sal by Windhoek kan verbygaan sonder om met stedelike verkeer te meng.
Hy het verduidelik die twee padprojekte behels ook die bou van die Gobabis-, Frankie Fredericks-, Robert Mugabe- en Sam Nujoma-padwisselaars, waar langafstandverkeer op die snelweg kan hou, wat hulle eindelik verby die hoofstad sal neem, terwyl afritte na onderskeie dele van die stad ook aangebring sal word.
Hy het gesê die wisselaars behoort 'n mate van verligting vir verkeersopeenhopings te bring, maar die padnetwerk binne dorpe en stede is die munisipaliteite se verantwoordelikheid.
VORDERING
Lutombi het gesê drie van die vier fases van die Okahandja-Windhoek-pad is reeds voltooi. Die laaste fase sal ná Augustus volgende jaar aangepak word, sodra genoeg geld vir die opgraderingswerk beskikbaar is.
“Dié pad sal dan eindelik van Oshana af agterom Okahandja loop en by die reedsbestaande kruising na Otjiwarongo aansluit,” het hy verduidelik.
Lutombi het gesê 'n advertensie vir tenders om die volgende fase van die lughawepad te bou, sal van 11 Julie af gepubliseer word.
“Die volgende fase strek van Sam Nujomarylaan af tot by Dordabis. Die laaste fase is vanaf Dordabis tot by die Internasionale Lughawe Hosea Kutako. Daar is genoeg geld vir die voltooiing van hierdie pad ná die Chinese regering 'n skenking aan Namibië gemaak het,” het hy gesê.
'n Ander sleutelprojek sluit in dat ingenieursontwerpe vir 'n dubbelpad na Rehoboth opgetrek is, terwyl 'n pad van Windhoek af na Dordabis gebou sal word en moontlik in September vanjaar voltooi sal wees.
Lutombi het verduidelik die uiteindelike doel is dat Namibië 'n logistieke kern moet wees.
Die beplanning van nasionale paaie gaan daaroor dat Walvisbaai se hawe 'n deurgangspunt vir die groter SADC kan word.
“Die idee is nie net om veiligheid op paaie te verbeter nie, maar ook om vervoerkoste te verminder,” het hy gesê.
VYFJAARPLAN
Die RA se vyfjaar- strategiese plan, wat in Mei vanjaar uitgereik is en tot 2022 geldig is, stel ten doel om altesaam 800 km se paaie tot Bitumen-standaarde op te gradeer, om 250 km se paaie na gruisspaaie op te gradeer, om 279 km se paaie, asook nege brûe te rehabiliteer en om 1 800 km se paaie te herverseël.
Verder moet 6 500 km se gruispaaie nuwe gruis kry en niks meer as 10% van teerpaaie en 40% van gruispaaie mag in 'n onaanvaarbare toestand wees nie.
Die plan behels verder om seker te maak 99,3% van vragmotors se gewig val binne die aanvaarde standaarde en dat kliëntetevredenheid by Natis tot 85% styg. Om dié plan uit te voer, sal altesaam N$20,3 miljard kos.
Die regering sal N$7,6 miljard bydra, terwyl die Padfondsadministrasie (RFA) sowat N$10,9 miljard sal instoot en skenkings en lenings die ander N$1,7 miljard sal moet dek.
Kommentaar
Republikein
Geen kommentaar is op hierdie artikel gelaat nie