Okahandja se burgemeester verwelkom donkieslagpale

Fokus op plaaslike en Chinese mark

20 March 2017 | Plaaslik
Catherine Sasman - Okahandja se burgemeester, mnr. Johannes Hindjou, het die oprigting van die voorgestelde donkieslagpale deur die Chinese maatskappy AgriNature Investment and Trading CC verwelkom en gesê die dorp het 'n dringende behoefte aan beleggers - veral ná die sluiting van die Meatco-aanleg.

“Dit is ons plig as raad om werk te skep. Ons verwelkom hierdie ontwikkeling, mits hulle die regte prosedures volg,” het Hindjou gesê.

'n Advertensie is op 15 Maart gepubliseer waarin Ritta Khiba Planning Consultants, AgriNature Investment and Trading se voorneme aankondig om aansoek te doen om spesiale goedkeuring vir die oprigting van 'n donkieslagpale op die dorp.

Die donkieprodukte is na bewering vir plaaslike en Chinese markte bestem.

Volgens die advertensie moet besware teen die projek binne 14 dae ná publikasie van die kennisgewing ingedien word.

Daar is steeds kwessies wat aangespreek moet word - onder meer die feit dat omgewingskommissaris, Theo Nghitila, gesê het sy kantoor het nie 'n aansoek om 'n omgewingsklaringsertifikaat ontvang nie.

Die beoogde slagpale is aanvanklik in September verlede jaar in 'n advertensie aangekondig, waarin CNM Environmental Consulting Services gesê het dit is deur AgriNature beveel om 'n omgewingsimpakstudie (EIA) en 'n omgewingsbestuursplan (EMP) te doen.

Mnr. Matengu Sitali, van CNM Environmental Consulting, het hierdie week gesê beide die EIA en EMP is voltooi en aan die ministerie van landbou, water en bosbou, asook die ministerie van die omgewing en toerisme voorgelê.

Erf 780, waarop AgriNature die slagpale wil oprig, is aanvanklik deur First Wall Investment, wat aan die Chinese burger Stina Wu behoort, by die munisipaliteit gekoop.

Wu het verlede week gesê sy verhuur die eiendom aan AgriNature, maar het beklemtoon dat haar maatskappy geensins by die voorgestelde donkieslagpale betrokke is nie.

'n Verteenwoordiger van AgriNature wou homself nie identifiseer of vrae oor die voorgestelde slagpale beantwoord nie.

Hy wou nie sê of die maatskappy 'n studie gedoen het oor die volhoubaarheid van die slagpale en oor die voorsieningsketting van donkies nie.

Hy het wel ontken dat AgriNature betrokke is by die Chinese maat­skappy wat vir grond aansoek gedoen het op Outjo vir soortgelyke slagpale.

Soortgelyk

 

Chinees van dieremishandeling aangekla

5 ure gelede | Misdaad

Francoise Steynberg - 'n Klag van dieremishandeling is deur die Dierebeskermingsvereniging (DBV) van Windhoek teen die eienaar van 'n Chinese konstruksiemaatskappy, Orient Dragon Construction (ODC),...

'Moenie in Kavango visvang'

5 ure gelede | Omgewing

Francoise Steynberg - Weens die uitbreking van miltsiekte in die Bwabwata Nasionale Park word die publiek gewaarsku om nie in die Kavangorivier vis te vang,...

Emotional intelligence = higher salary?

5 ure gelede | Onderwys

While IQ remains a very strong predictor of career success, research suggests that people with high emotional intelligence (EI) are more likely to have higher...

Nou aan die gang

5 ure gelede | Kuns en vermaak

» Namkid, in samewerking met die FNCC, bied met trots die Sosiale Splash-veldtog aan. Hierdie veldtog fokus daarop om Namibiërs te verenig en om saam...

Analysing the finance industry

5 ure gelede | Onderwys

Shona NgavaAgapitus Ipinge is an Investment Banking Analyst from Standard Bank, as a prerequisite is to make sure that he talks to company executives and...

NSFAF-begroting geblaas

5 ure gelede | Onderwys

Augetto Graig - Me. Erica Shafudah, permanente sekretaris van finansies, sê die Namibië Finansiële Hulpfonds vir Studente (NSFAF) het reeds met dié week se beskikbaarstelling...

Weer vir 20 Oktober 2017

5 ure gelede | Weer

WEERWAAK: Dit sal koel in die /Kharasstreek in die oggend wees. BINNELAND: Gedeeltelik bewolk en bloedig warm in die Noordooste met enkele donderbuie...

What Soft Skills Do PR Specialists Need?

5 ure gelede | Onderwys

Those who want to work as public relations specialists should have these soft skills, which are attributes one is either born with or gains through...

Phoniker Orchestra sweef deur dekades

5 ure gelede | Kuns en vermaak

Die bekende Namibiese groep The Phoniker Orchestra gaan die Warehouse-teater se verhoog met bekende internasionale treffers van die afgelope vyf dekades inkleur.Gehore kan uitsien...