Okahandja-krisis verdiep

Nuwe uitbreiding langsaan ashoop

11 September 2020 | Infrastruktuur
Augetto Graig - Behuising in Okahandja is by ’n krisispunt. Die mank plaaslike owerheid skarrel om ’n versnelde grondleweringsproses uit te voer, terwyl minister Erastus Uutoni van stedelike en landelike ontwikkeling vandag sy poging tot uitsetting van honderde onwettige Okahandja informele nedersetting huisgesinne, in die Windhoek hoërhof moet verdedig.

Okahandja se munisipaliteit het Maandag hul nuwe versnelde grondleweringsproses bekendgestel. Hul assistent-dorpsbeplanner, me. Lucia Nashongo, sê daar is reeds sowat 8 000 aansoeke vir grond deur die plaaslike owerheid ingesamel en dat Ekunde uitbreiding 5 reeds in 297 plotte, elk tussen 316 m² tot 475 m², verdeel is.

“Die kadasteropname is gedoen en die dorpsraad sien om na die skoonmaak van die padreserwes, saam met die uitmerking en nommertoekenning vir die plotte,” sê sy.

“Teen volgende week sal ’n tydelike waterlyn met tydelike ablusiegeriewe geïnstalleer word en hopelik binnekort ook die toekenning van die begunstigdes in daai gebied,” sê sy. Volgens Nashongo is dié net die eerste fase van die proses. Kragvoorsiening aan die nuwe Ekundi uitbreiding 5 sal in ’n gesamentlike vennootskap tussen Cenored en die munisipaliteit verskaf word, sê sy.

Die dorpsraad wil terselfdertyd die formalisering van die nedersettings Oshetu 1, 2 en 3 ook voltooi. Volgens Nashongo is dit reeds in die staatskoerant gepubliseer en is formalisering van hierdie woonbuurte deur die nedersettingsraad goedgekeur. Sowat 600 huisgesinne sal binnekort, danksy Juniemaand se opheffing van die moratorium op grondverkope in Okahandja, hul eie eiendom kan bekom, sê sy.

Die moratorium is reeds in 2015 ingestel, te midde van korrupsiebeweringe, wanbestuur en binnegevegte by die dorpsraad. Die oudminister van stedelike en landelike ontwikkeling, mnr. Peya Mushelenga, het vroeër vanjaar die dorpsraad geskors.

Die ministerie se verteenwoordiger op Okahandja, mnr. Linus Garoeb, wou nie uitbrei oor die huidige stand van sake met verband tot die dorpsraad nie. Hy het egter bevestig dat die nuwe grondleweringsproses gesamentlik deur die plaaslike owerheid en die ministerie gefinansier word.

Op besoek aan die perseel waar Ekunde uitbreiding 5 ontwikkel word, kan mens nie die toneel of die reuk van die munisipale stortingsterrein langs die pad na Swakopmund mis nie. Die vullishope lê en rook binne 100 meter van die wit lyne van uitgemerkte nuwe plotte. Volgens Garoeb is die munisipaliteit besig om die stortingsterrein te verskuif en het wag net op die aankoms van swaar toerusting.

Volgens ’n gemeenskapaktivis, mnr. Johannes /Gerub /Gaseb van die Promised Land gemeenskapsorganisasie, is dit ’n skande dat Okahandja inwoners vyf kilometer uit die dorp en langs die ashoop verskuif. Hy sê inwoners sal nie verskuiwing na Ekunde uitbreiding 5 duld voordatdie stortingsterrein verwyder is en ’n omgewingsimpakstudie eers voltooi is nie.

/Gaseb is ook sentraal in die teenstand wat minister Uutoni se uitsettingsplan vandag in die hof moet oorkom. Hy sê dit was organisering van grondgrypers op die dorp en ’n vreedsame vergadering met die minister wat tot die opheffing van die moratorium gelei het. Nou word die proses gekaap om arm inwoners te benadeel en korrupte grondooreenkomste te bevorder, sê hy.

/Gaseb het aan die koerant dokumentasie gewys wat aandui die Promised Land grond is reeds laas jaar, in midde van die moratorium, deur die munisipaliteit verkoop. “Ons verwerp hierdie situasie en sal nie toelaat dat ons mense, bloot omdat hulle arm en haweloos is, hier langs die ashoop gestort word nie,” sê hy.

Hy het ook mnr. Alfons Tjombe en sy vrou me. Thusnelda Hamases gehelp om ’n nuwe sinkhuis langs hul bestaande pondok op Promised Land te bou. Dit was Tjombe se beëdigde verklaring wat net betyds ingedien is om vandag se hoërhofverhoor te verseker. Aanvanklik het regter Collins Parker die uitsitbevel toegestaan, mits geen beswaar daarteen ingedien sou word nie.

- [email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...