NWU-Pukke het 'n sterk Namibiese geur

10 January 2019 | Sport
Die Namibiese Wêreldbeker-haker Louis van der Westhuizen is aangewys om vanjaar die NWU-Pukke se Varsitybekerspan se leisels as kaptein oor te neem, met die skrumskakel Chriswill September as sy adjudant.

Van der Westhuizen, ook bekend op die bynaam “Chukkie”, het sy land by die 2015 Wêreldbekertoernooi in Engeland verteenwoordig en is 'n redelike seker keuse om vanjaar weer vir die Wêreldbeker in Japan gekies te word.

Hy en September is albei ervare provinsiale spelers wat gesamentlik al meer as 80 keer vir die Luiperds gespeel het.

Die Pukke se kaptein verlede jaar was die flank Tiaan Bezuidenhout, wat egter intussen sy onderwysstudies voltooi het. In die 2018 Varsitybeker het die NWU-span ses uit agt wedstryde gewen om tweede op die puntelys te eindig. Die onoorwonne Maties het hulle egter in die eindstryd op Stellenbosch met 40-7 oordonder.

Die gewese UJ-kaptein en ook 'n Namibiese toetsspeler, die flank Wian Conradie, sal dié seisoen in Puk-kleure aantree.

Conradie, wat ook die 2015 Wêreldbeker agter sy naam het, behoort 'n groot aanwins vir die span van Potchefstroom te wees.

Met die jong senter/vleuel Justin Newman, slot Johan Retief en stut Nelius Theron wat ook almal verlede jaar vir beide die Pukke en toetsrugby vir Namibië gespeel het, word uitgesien na nog 'n wedersyds voordelige verstandhouding tussen dié twee unies.

Ontluikende Namibiese spelers insluitend die heelagter André van der Berg (voorheen WHS en Namibië o.21) en die stut Jurgen-Leigh Human (WAP 2018) is ook vanjaar aan Pukke verbonde.

Die senter Johan Deysel, Namibiese rugbykaptein tydens verlede jaar se dominerende opmars na die Rugby Afrika Goue Beker, het tevore ook lank vir die Pukke en die Luiperds gespeel.

Die Pukke skop hul veldtog die eerste Maandag in Februarie in Johannesburg teen hul aartsvyand, die Universiteit van Johannesburg (UJ), af. Dieselfde aand speel Maties teen Wits, Tuks teen CUT Ixias, en UCT Ikey Tigers teen die Universiteit van die Wes-Kaap (UWK).

– Bygewerk van Suparugby

Soortgelyk

 

Geingob vergader met Nanso oor studiegeld

5 ure gelede | Onderwys

Me. Ester Simon, president van die Namibiese Nasionale Studenteorganisasie (Nanso), het pas bevestig die organisasie vergader vandag by Staatshuis met pres. Hage Geingob...

Mexikaanse sakeman wil Erindi koop

6 ure gelede | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

7 ure gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

8 ure gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

9 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

10 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

20 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

20 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

20 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...