Nuwe vervoerbeleid bekend gestel

Hervorming en liberalisering beoog

05 December 2018 | Ministeries
Augetto Graig - Namibië slaan 'n nuwe koers in wat plaaslike vervoer in die toekoms betref.

Die minister van werke en vervoer, mnr. John Mutorwa, het Maandag Namibië se vervoerbeleid vir 2018 bekend gestel.

Volgens plan sal die beleid teen 2035 geïmplementeer wees.

Dit behels dat vier vervoerafdelings omskep sal word, naamlik ­padvervoer, lugvervoer, seevervoer en spoorvervoer.

Volgens Mutorwa is “naatlose intermodale verbinding” noodsaaklik vir die toekoms van vervoer in Namibië.

Die nuwe beleid behels die liberalisering van 'n sektor van Namibië se ekonomie, wat deur staatsondernemings oorheers word, het hy gesê.

TransNamib kan met die hersiening van wetgewing wat hom magtig, gereed maak vir die einde van sy ­monopolie op spoorvervoer.

Namport sal ook sy posisie as die enigste hawe-onderneming in die land moet prysgee.

Wat lugvervoer betref, sal Namibië se lugruim oopgestel word, en Air Namibia se rol in die toekoms sal ook hersien word.

Die nuwe beleid stel verskeie veranderinge voor, wat onder meer die hersiening insluit van wetgewing wat op die Padfondsadministrasie (RFA) en die Paaieowerheid (RA) van ­toepassing is.

Nuwe wetgewing sal 'n padwet insluit, wat spesifiek oor die bou van paaie gaan, asook 'n padveiligheidsagentskap-wet om só 'n liggaam tot stand te bring.

Groot verandering sal aan tariewe vir padgebruik aangebring word.

In sy toespraak het minister Mutorwa klem op die toepassing van die beleid gelê.

Hy het die tydsberekening vir spesifieke verwikkelinge soos uiteengesit in die Harambee-plan uitgelig.

“Waar is ons nou?” het hy gevra.

Mutorwa het die bydrae van sy voorloper, minister Alpheus !Naruseb, tot die voorbereiding van dié beleid geloof en gesê hy is aan die ­praktiese uitvoering van die beleid toegewy.

Die direkteur van beleid en regulering in die ministerie, mnr. Cedric Limbo, het voorbereidings op die beleid bespreek, wat reeds in ­Januarie 2015 afgeskop het.

Volgens hom is meer as 200 ­belanghebbers om insette oor die nuwe beleid genader.

Daar is veral op tekortkominge en suksesse van 1995 se beleid gefokus, asook op wêreldwye goeie praktyke en nuwe vervoeruitdagings, het hy gesê.

Volgens Mutorwa neem die nuwe beleid ook aspekte soos geslag, ­gesondheid, gestremdheid en die ­omgewing in ag, wat voortaan op Namibië se vervoerbeleid van ­toepassing sal wees.

Mutorwa het die Duitse regering se bydrae tot die opstel van die nuwe beleid geloof.

Volgens die adjunkhoof van die Duitse sending na Namibië, me. Ellen Gölz, het Duitsland sedert 1995 Namibië al met meer as N$2 miljard vir die ontwikkeling van vervoer ­ondersteun.

“Namibië maak staat op 'n vervoerstelsel wat werk. Vir Namibiërs is vervoer 'n basiese noodsaaklikheid,” het sy gesê.

“Ons sien uit na samewerking om hierdie strategie vir die toekoms op dreef te kry,” het sy gesê.

Soortgelyk

 

Diego Cão se klip kruis kom huis toe

8 ure gelede | Geskiedenis

Ronelle Rademeyer - Die oorspronklike klip kruis wat 533 jaar gelede deur die Portugese ontdekkings­reisiger, Diego Cão, by Kaap Kruis opgerig is, kom huis toe.Hy...

Namibiërs stem op 27 November

1 dag gelede | Politiek

Denver Kisting - Namibiërs gaan 27 November vanjaar stembus toe om 'n president en lede van die Nasionale Vergadering (NV) te kies.Dié aankondiging is vanoggend...

Toekenning vir Namibiese TV-vrou

1 dag gelede | Kuns en vermaak

Die oud-Walvisbaaier, Linda de Jager (foto), is op 10 Mei met ‘n ATKV-toekenning bekroon vir die reeks, “Daar’s ‘n Plek met Coenie” vir Via.Via is...

From teacher to humble CEO

1 dag gelede | Mense

Leandrea Louw Bisey Uirab, the former CEO of the Namibian Ports Authority (Namport), will be heading to the Namibia Airports Company (NAC) in the...

Ek het hoop vir Rehoboth, sê Ellen Pakkies

1 dag gelede | Mense

Denver Kisting op Rehoboth – Kort nadat sy die tou stywer om haar 21-jarige seun se nek getrek het, het sy by God om vergifnis...

Psigiater vir onprofessionele gedrag ondersoek

1 dag gelede | Howe

Henriette Lamprecht – ‘n Voorlopige ondersoekkomitee van die mediese en tandheelkundige raad het bevind ‘n klagte van onprofessionele gedrag teen ‘n bekende psigiater van Swakopmund...

Hard work makes the dream work

1 dag gelede | Mense

Mariselle Stofberg Zenneth Oosthuizen is a senior associate at PricewaterhouseCoopers (PwC) who enjoys adventure and new opportunities. “I would describe myself as a quiet and...

Writing your own story

1 dag gelede | Mense

Mariselle StofbergOctavia Tsibes was born and raised in Otjiwarongo. Her family has always been interested in writing, and this passion is evident in this humble...

Kalender 17 Mei

1 dag gelede | Kuns en vermaak

Nou aan die gang» Namibië se beste bluesgroep, Roadhouse Blues, tree vanaand by The Loft (by die Warehouse-teater) op. Die groep maak al jare musiek...