Nuwe sorgeenheid op Hentiesbaai

Lions-klub sit hand by

21 December 2018 | Plaaslik
Die inwyding en oorhandiging van die Wallace Theron-sorgsentrum vir verswaktes deur Hentiesbaai se Lions-klub het ‘n nuwe era in gesondheidsorg op dié vakansiedorp ingelei.

Hentiesbaai het nie net as vakansiedorp nie, maar die afgelope paar jaar ook tot gewilde aftreeplek ontwikkel en dít sonder noodsaaklike geriewe soos ‘n hospitaal.

Om in die behoefte van gesondheidsorg te voorsien, is op tuisversorging gefokus – ‘n rol wat vir jare deur suster Joey Malan vertolk is.

Malan was ‘n pionier op dié gebied en het inwoners tuis vir mediese sorg besoek. Haar onbaatsugtige diens het 14 jaar gelede gelei tot die ontstaan van die Hentiesbaaise vereniging vir die versorging van verswaktes, ‘n welsynorganisasie deur die gemeenskap, vir die gemeenskap.

Die vereniging het hom beywer vir die oprigting van ‘n gebou met die nodige geriewe om as ‘n versorgingeenheid na die behoeftes van plaaslike pasiënte om te sien, wat nie meer tuis versorg kan word nie.

Sowat 12 jaar gelede het 11 Hentiesbaaiers bymekaargekom en die Lions-klub van Hentiesbaai gestig, wat onder meer op gesondheidsorg en gemeenskapsontwikkeling fokus.

‘n Groep afgetrede verpleegsters het op hul beurt Nurses on Wheels gestig, wat tuisversorging op die dorp ondersteun, wat meer as 700 pensioenarisse huisves.

Danksy ‘n erflating deur mnr. Wallace Theron is dit vir die Lions-klub op die dorp moontlik om ‘n erf naby die huidige sentrum te koop en ‘n bykomende, moderne sorgeenheid op te rig. Dit bied 15 bykomende beddens en ‘n totaal van 43 beddens vir inwoners wat hier versorg kan word.

Die verskillende fasette van gesondheidsorg word na gelang van die gemeenskap se behoeftes deur die plaaslike dokter, die intensiewesorgeenheid, ‘n 24 uur-ambulansdiens, sowel as Nurses on Wheels bedien.

Die eenheid word gratis deur die Lions aan die vereniging beskikbaar gestel, wat sodoende bekostigbare sorg aan pasiënte kan bied.

‘n Ernstige behoefte het intussen ook ontstaan vir die oprigting van ‘n alzheimers-sentrum, met ‘n erf wat naby die huidige sentrum reeds vir dié doel aangekoop is.

Om die sowat N$3,5 miljoen vir die alzheimers-projek in te samel, kan skenkings gemaak word aan Frail Care Association, rekeningnommer SAV 2000246918, takkode 481972, verwysing alzheimers-projek, of aan die Lions-projekrekening, rekeningnommer 8001301612, takkode 48972, verwysing alzheimers-projek.

Soortgelyk

 

Mense uit 33 lande onder 157 rampslagoffers

35 minute gelede | Ongelukke

Ronelle Rademeyer - Sover bekend was daar nie enige Namibiërs op rampvlug ET302 van Ethiopian Airlines nie.Familielede wat passasiers van die Ethiopiese lugdiens se vlug...

Ethiopiese vliegtuig met 157 aan boord stort neer

3 ure gelede | Ongelukke

‘n Boeing 737 van Ethiopian Airlines het vanoggend onderwegvanaf Addis Ababa na Nairobi in Kenia neergestort.Die Ethiopiese eerste minister, Abiy Ahmed, het in ‘n verklaring...

Geingob: Gelukkig Vrouedag, vroue

2 dae gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...