Nuwe rol wink vir Jerome by Westelike Provinsie

14 January 2019 | Sport
Leighton Koopman - Jerome Paarwater kan straks binnekort as die nuwe hoofafrigter van die Westelike Provinsie se SuperSport-uitdaagspan aangewys word.

Ofskoon dit nog nie amptelik is nie, het Rapport betroubaar verneem dat Paarwater by John Dobson sal oorneem.

Dobson het die span die afgelope paar seisoene met groot sukses gebrei, maar word glo geoormerk om vanjaar 'n groter rol in die Stormers se Superrugby-veldtog te vervul.

Die uitdaagspan word gebruik om die volgende geslag spelers vir die Curriebeker-reeks te ontwikkel, terwyl dit ook 'n voederspan vir die Superreeks is.

Paarwater is die WP se o.21-afrigter en die meeste van die spelers wat die Streeptruie in die SuperSport-uitdaagreeks verteenwoordig, sal vertroud wees met hom.

Die verandering kom met die WP wat tans onder groot druk is wat sy afrigterskorps betref.

Nie eens die Stormers se Super-bestuur is al amptelik bevestig nie met die span wat vandeesweek hul jaarlikse voorseisoense oefenkamp in Hermanus hou.

Die onsekerheid is glo weens die onduidelikheid oor wat vorentoe die Nieu-Seelandse hulpafrigter Paul Feeney se rol by die WP gaan wees.

Paarwater, 'n voormalige Vodacombeker-afrigter van die WP, sal glo met Nazeem Adams, Chris October en Rito Hlungwani die leisels van die SuperSport-uitdaagspan oorneem. Adams, hoofafrigter van die WP se o.19's, sal straks die agterlyn brei met Hlungwani, 'n voormalige WP-slot, wat met die voorspelers hulp sal verleen. October sal glo na die verdediging kyk.

Dis straks die eerste WP-span waarvan die afrigter vanjaar verander nadat die unie verlede seisoen 'n omvattende onafhanklike ondersoek rondom 'n afrigters-kwessie laat doen het.

Daar was die afgelope paar maande groot verwarring rondom die rolle van verskeie afrigters in die unie, maar die WP behoort eersdaags duidelikheid rondom al sy afrigters te gee.

– Netwerk24

Soortgelyk

 

Uis-aanvaller Charles Namiseb kry 63 jaar

2 ure gelede | Howe

Die eens voortvlugtende Charles Namiseb, wat saam met ‘n makker tereg gestaan het vir die gewelddadige gewapende rooftog op ’n bejaarde egpaar van Uis op...

Padgebruik al duurder

9 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Padgebruik al duurder

9 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Gesondheid: Advertensie vals

10 ure gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

20 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

20 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

20 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

20 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

20 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...