Nuwe petrol in Namcor-tenk
Die staat se petroleumonderneming beoog om sterk tot brandstofkleinhandel toe te tree.
Augetto Graig - Die minister van myne en energie, mnr. Tom Alweendo, het Donderdag ’n nuwe voorsitter vir die raad van Namibië se Nasionale Petroleumkorporasie (Namcor) aangestel.
Mnr. Engelhardt Kongoro is nou die leier van dié raad, wat ook mnr. Onni-Ndangi Iithete as raadslid ryker geword het.
“Beide mnr. Kongoro en mnr. Iithete verryk die raad met hul ervaring,” het Alweendo gesê.
“Mnr. Kongoro is lank reeds in die oliebedryf met ’n loopbaan wat oor meer as twee strek, meestal op uitvoerende vlak. Mnr. Ithete is ’n ervare prokureur, wat beide die private en openbare sektor dien,” het Alweendo gesê.
Die minister het klem gelê op raad se verantwoordelikhede en belang in die maatskappy se prestasies.
“Verbeel jou ’n raad stel ondoeltreffende toekomsstrategieë en planne in? Verbeel jou ’n raad verontagsaam sakebestuur of etiek? Geen maatskappy kan presteer of homself onderhou as die raad nie daarin slaag om sy belangrike rol doeltreffend te speel nie.
“Dit is dus van belang vir belanghebbers, wat vir die aanstelling van die verantwoordelik is, om te verseker slegs diegene met die nodige vaardighede word aangestel. Net dié met die moed om altyd in die onderneming se beste belang op te tree, moet aangestel word,” het hy gesê.
Namcor se vorige raadsvoorsitter, die prokureur mnr. Patrick Kauta, het in Oktober 2018 bedank ná ’n wolk van omstredenheid oor die staatsondermening se bestuur, gelei deur die besturende direkteur, mnr. Imms Mulunga, gehang het.
Kauta se raad het ondersoek na beweringe van korrupsie ingestel en die ouditeursfirma Deloitte se verslag is hierna aan die minister oorhandig.
Alweendo het egter nie Mulunga se afdanking ondersteun nie.
Vandeesweek het Mulunga gesê Kongoro se aanstelling is veral goeie nuus vir Namcor se plan om die kleinhandel-oliemark in Namibië met mening te betree.
“Ons strategie is al jare lank om die kleinhandelmark te teiken. Ons het dit nou uiteindelik in werking gestel. Ons handelsmerk is reeds sigbaar op ons vulstasie by die lughawe. Ongwediva en Otavi volg binnekort.
“Ons wil aggressief groei in die kleinhandelmark, omdat ware wins daar gemaak kan word. Ek is dus dankbaar vir Engelhardt en hoop om moontlik 10 nuwe vulstasies in twee jaar op te rig, eerder as een op ’n slag,” het hy gesê.
Me. Anna Libana, die waarnemende direkteur van energiesfondse in die ministerie, het goeie nuus vir Namibiese verbruikers gedeel.
Sy sê die nasionale energiefonds, wat die prys van brandstof in die land subsidieer, is baie stabiel. Volgens haar is die fonds se balans tans meer as ’n miljard dollar.
“Verlede Augustus tot November is ons aan internasionale olieprysskommelings blootgestel, maar nou is die pryse stabiel,” het sy gesê.
Libana is ’n bestaande raadslid, saam met me. Barbara Dreyer-Omoregie, dr. Roger Swart en me. Lorentha Harases.
Saam met Kongoro en Iithete sal hulle tot 30 September vanjaar op die raad dien.
Mnr. Engelhardt Kongoro is nou die leier van dié raad, wat ook mnr. Onni-Ndangi Iithete as raadslid ryker geword het.
“Beide mnr. Kongoro en mnr. Iithete verryk die raad met hul ervaring,” het Alweendo gesê.
“Mnr. Kongoro is lank reeds in die oliebedryf met ’n loopbaan wat oor meer as twee strek, meestal op uitvoerende vlak. Mnr. Ithete is ’n ervare prokureur, wat beide die private en openbare sektor dien,” het Alweendo gesê.
Die minister het klem gelê op raad se verantwoordelikhede en belang in die maatskappy se prestasies.
“Verbeel jou ’n raad stel ondoeltreffende toekomsstrategieë en planne in? Verbeel jou ’n raad verontagsaam sakebestuur of etiek? Geen maatskappy kan presteer of homself onderhou as die raad nie daarin slaag om sy belangrike rol doeltreffend te speel nie.
“Dit is dus van belang vir belanghebbers, wat vir die aanstelling van die verantwoordelik is, om te verseker slegs diegene met die nodige vaardighede word aangestel. Net dié met die moed om altyd in die onderneming se beste belang op te tree, moet aangestel word,” het hy gesê.
Namcor se vorige raadsvoorsitter, die prokureur mnr. Patrick Kauta, het in Oktober 2018 bedank ná ’n wolk van omstredenheid oor die staatsondermening se bestuur, gelei deur die besturende direkteur, mnr. Imms Mulunga, gehang het.
Kauta se raad het ondersoek na beweringe van korrupsie ingestel en die ouditeursfirma Deloitte se verslag is hierna aan die minister oorhandig.
Alweendo het egter nie Mulunga se afdanking ondersteun nie.
Vandeesweek het Mulunga gesê Kongoro se aanstelling is veral goeie nuus vir Namcor se plan om die kleinhandel-oliemark in Namibië met mening te betree.
“Ons strategie is al jare lank om die kleinhandelmark te teiken. Ons het dit nou uiteindelik in werking gestel. Ons handelsmerk is reeds sigbaar op ons vulstasie by die lughawe. Ongwediva en Otavi volg binnekort.
“Ons wil aggressief groei in die kleinhandelmark, omdat ware wins daar gemaak kan word. Ek is dus dankbaar vir Engelhardt en hoop om moontlik 10 nuwe vulstasies in twee jaar op te rig, eerder as een op ’n slag,” het hy gesê.
Me. Anna Libana, die waarnemende direkteur van energiesfondse in die ministerie, het goeie nuus vir Namibiese verbruikers gedeel.
Sy sê die nasionale energiefonds, wat die prys van brandstof in die land subsidieer, is baie stabiel. Volgens haar is die fonds se balans tans meer as ’n miljard dollar.
“Verlede Augustus tot November is ons aan internasionale olieprysskommelings blootgestel, maar nou is die pryse stabiel,” het sy gesê.
Libana is ’n bestaande raadslid, saam met me. Barbara Dreyer-Omoregie, dr. Roger Swart en me. Lorentha Harases.
Saam met Kongoro en Iithete sal hulle tot 30 September vanjaar op die raad dien.
Kommentaar
Republikein
Geen kommentaar is op hierdie artikel gelaat nie