Nuwe klere, ketels kry weer plek in trollies

Volgehoue lae prysstygings

16 August 2019 | Afrika
Hanlie Stadler

Verbruikers koop weer klere, skoene, meubels, toestelle en selfs juweliersware. Nie baie meer nie, maar daar is tog tekens dat hulle weer meer as net basiese kosinkopies elke maand doen.

Verkope van klere en skoene was in Junie 4,8% hoër as ’n jaar gelede, meubels 5,2% hoër en verkope by “ander” kleinhandelaars 5,7% hoër, volgens die syfers wat Statistieke Suid-Afrika (SSA) Woensdag uitgereik het. Dis die beste of naasbeste groeikoerse vir dié kategorieë vanjaar.

“Ander” kleinhandelaars is ’n breë kategorie wat boeke, juweliersware en tweedehandse goedere insluit.

Kleinhandelverkope het met 2,4% gestyg, wat dit die derde maand in ’n ry maak van jaargroei bo 2%.

Die syfers is vir Junie 2019 vergeleke met Junie 2018 en gemeet in konstante 2015-rand, ’n manier om die uitwerking van prysstygings te verwyder.

Verkope was in die tweede kwartaal van die jaar 1,1% meer as in die eerste kwartaal. Dié baie belangrike syfer is ’n tentatiewe aanduiding dat die land nié in die tweede kwartaal in ’n resessie verval het nie.

As die syfer geannualiseer word tot 4,4%, wys dit kleinhandelverkope sal ’n stewige positiewe bydrae tot die bruto binnelandse produk (BBP) lewer, sê die FNB-ekonoom Siphamandla Mkhwanazi. In die eerste kwartaal was die groei -2,5%.

HOOGSTE GROEI NOG VANJAAR

Verbruikers se besteding verteenwoordig nagenoeg 60% van die land se BBP en kleinhandelverkope op sy beurt ’n groot hap daarvan.

In huidige randwaarde het kleinhandelverkope die afgelope jaar met 5% gestyg, wat die hoogste groei nóg vanjaar is.

Mkhwanazi sê dit bly kommerwekkend dat die verkoopsgroei vir die jaar tot dusver van 1,7%, minder as die helfte is van verlede jaar se 3,6%. Dit wys op die trae vraag. “Dit word ook getoon deur die volgehoue lae prysstygings, wat laer as verbruikersprysinflasie bly. Dit wys kleinhandelaars is nie in staat om prysstygings aan verbruikers oor te dra nie.

“Vraag word onderdruk deur volgehoue druk op verbruikers se besteebare inkomste, weens ’n swakker arbeidsmark en hoër inkomstebelasting.”

Die Investec-ekonoom Lara Hodes sê hoewel die syfers positief is, kom dit van ’n lae grondslag af. Die eerste kwartaal se groei was swak weens fase 4-beurtkrag en lae verbruikersvertroue.

Die Nedbank-ekonome Johannes Khosa en Dennis Dykes reken kleinhandelverkope sal vir die res van die jaar positief bly. “Die styging sal egter gedemp word deur verskeie dwarswinde wat verbruikers versigtig sal maak om aggressief op nie-noodsaaklike goedere en dienste te bestee.”

Swak wêreldgroei, die regering se swak fiskale posisie en voortslepende beleidsonsekerheid ondermyn beleggersvertroue, wat beteken maatskappye sal nie sommer uitbrei en meer mense aanstel - wat kleinhandelverkope kan help - nie.

“Huishoudings se geldsake sal boonop onder druk bly weens hoër geadministreerde pryse en streng leningskriteria.”

Geadministreerde pryse sluit krag, water en brandstofpryse in. – Netwerk24

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...