Nuwe begin 'n reusesukses

Wanneer dit kom by die verkoop en verhuring van huise, is mnr. Dirk van Niekerk van Otjiwarongo Brokers cc dié plek om aan te klop.Die makelaarsagentskap is reeds dekades lank op die dorp bekend en Van Niekerk vertel dat hy reeds in 1979 vir die eerste keer in die kantoor was wat hy vandag sy eie noem.“Toe het mnr. JJ Terblanche, wat destyds die burgemeester was, ’n onderhoud met my gevoer om ’n pos as tesourier by die munisipaliteit te vul.”Wie sou toe kon raai dat Van Niekerk meer as 20 jaar later Otjiwarongo Brokers sou oorneem en vandag aan die ander kant van die tafel sit.Toe hy in 2002 die besigheid oorgeneem het, moes hy inderhaas sy eiendomsagent-eksamen aflê en hy besluit om sy boekhou- en versekeringsagent eksamens terselfdertyd te skryf. Hy en sy span staan dus nie terug om boekhouding vir besighede te hanteer nie.Van Niekerk en sy personeel van ses stap graag die ekstra myl vir kliënte en sal selfs kwotasies vir opknappingswerk aan huise namens klante aanvra. “Dit verg tyd en moeite, maar dit is ook deel van ons sukses. Dít en my personeel wat so doeltreffend is,” het hy gesê. “Die aantal huurders op Otjiwarongo het geweldig toegeneem, wat beslis ’n invloed op ons groei het, en dit is natuurlik vir ons as besigheid baie voordelig,” het van Niekerk gesê. Daar is egter ook uitdagings. “Behuising is ’n groot probleem op Otjiwarongo. Hoewel daar ’n reuse-aanvraag is, is hier eenvoudig niks beskikbaar nie. En sonder huise, kan ’n eiendomsagent nie sy beste diens lewer nie,” sê hy.

Nuwe begin 'n reusesukses

Kommentaar

Republikein 2022-05-24

Meld asseblief aan om kommentaar te lewer

Nuwe begin 'n reusesukses

Kommentaar

Republikein 2022-05-24

Meld asseblief aan om kommentaar te lewer

MELD AAN