Nuwe base in staatsdiens aangestel

12 February 2019 | Regering
Ronelle Rademeyer - Vier nuwe uitvoerende direkteure is in die ministeries van nywerheidsontwikkeling, handel en SME-ontwikkeling, binnelandse sake en immigrasie, die omgewing en toerisme, asook in die private kantoor van die president aangestel.

Die kantoor van die eerste minister, me. Saara Kuugongelwa-Amadhila, het in Desember aangekondig permanente sekretarisse sal voortaan as uitvoerende direkteure bekend staan.

Dr. George Simataa, kabinetsekretaris, het Vrydag bekend gemaak mnr. Steve Katjiuano is as die nuwe uitvoerende direkteur van nywerheidsontwikkeling, handel en SME-ontwikkeling aangestel. Hy was Namibië se hoë kommissaris in die Verenigde Koninkryk, en was vroeër in sy loopbaan ook die adjunksekretaris tot die kabinet, terwyl hy ook al diens gedoen het as permanente sekretaris van justisie en van sport, jeug en nasionale diens.

Mnr. Etienne Martiz, voorheen hoof van pres. Hage Geingob se private kantoor, is die nuwe uitvoerende direkteur van die ministerie van binnelandse sake en immigrasie.

Geingob het hom Vrydag in ’n verklaring as ’n bevoegde administrateur beskryf wat ’n reusebydrae gelewer het tot die werkvloei in die private presidentskantoor en die presidensie in die algemeen.

Hy het hom sterkte toegewens met sy nuwe taak en terselfdertyd vir mnr. Moses Pakote as die nuwe uitvoerende direkteur in die plek van Martiz verwelkom.

Pakote was voorheen die adjunk- uitvoerende direkteur in die kantoor van die visepresident, mnr. Nangolo Mbumba.

Mnr. Teofilus Nghitila, wat tot nou die omgewingskommissaris in die ministerie van die omgewing en toerisme was, sal voortaan dié ministerie as uitvoerende direkteur lei.

Hy vervang dr. Malan Lindeque, wat verlede jaar afgetree het.

Soortgelyk

 

Antjie Krog plaas gewraakte toespraak in konteks

21 minute gelede | Kuns en vermaak

Ronelle Rademeyer - Die veelbekroonde Suid-Afrikaanse digter, skrywer en akademikus, Antjie Krog, het in ’n radio-onderhoud die konteks verskaf vir ’n toespraak deur haar wat...

Hep E: 28 gevalle 'n dag

13 ure gelede | Gesondheid

Henriette LamprechtByna 30 nuwe gevalle van hepatitis E is in die laaste week van Julie daagliks oraloor die land aangeteken. Die siekte het boonop die...

Kaalkiekies saai amok aanlyn

13 ure gelede | Misdaad

Denver KistingSo onlangs soos gisteroggend moes die stadspolisie in Windhoek hulle na 'n toneel haas nadat 'n vrou haar lewe probeer neem het weens gelekte...

Die weer vir 8 Augustus 2019

13 ure gelede | Weer

BINNELAND: Gedeeltelik bewolk en koud tot matig in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en matig...

Ministerie steek stokkie voor mossel-oes

13 ure gelede | Ministeries

Erwin LeuschnerDie minister van visserye en mariene hulpbronne, mnr. Bernard Esau, het gister die oes van witmossels vir kommersiële gebruik verbied. Hy het dit by...

Ma hoop seuntjie leef nog ná 22 jaar ...

13 ure gelede | Misdaad

Denver Kisting – Meer as 22 jaar ná ’n negejarige seuntjie van die Kaapse Vlakte van sy ouerhuis verdwyn het, hoop sy ma hy lewe...

Dubbele moordenaar kry vyfde prokureur

13 ure gelede | Howe

font face="Verdana">Die man wat Dinsdag in die Windhoekse hoërhof skuldig bevind is aan die moord op twee vroue in Januarie 2016 het gister sy vyfde...

Bekendes belê groot in gasvryheidsbedryf

13 ure gelede | Toerisme

Ronelle Rademeyer - Die gewildheid van die drie Stellenbosch-restaurante in die Bougainvillea-sentrum in Klein Windhoek – The Stellenbosch Wine Bar, Tasting Room en Market –...

Polisie sing Kalahariwoestyn-lofliedere

13 ure gelede | Polisie

Denver Kisting Sedert die polisie verlede jaar met ander owerhede begin kragte saamsnoer het om misdaad te bestry, het misdaadbedrywighede met nagenoeg 9% afgeneem.So sê...