Nuwe bakkies is hier

GWM se P-reeks bekend gestel

11 January 2021 | Sakenuus
Augetto Graig – Die spoggerige P-reeks GWM-bakkies het in Windhoek aangekom en Pupkewitz het Saterdag die heel luuksste van die reeks, die Luxury Tourer (LT) outomatiese agt-rat 4x4, voor sy perseel op Onafhanklikheidslaan uitgestal.

Die blink bakkie was beskikbaar om te besigtig of vir toetsbestuur, vir diegene wat wou. Verskeie entoesiaste het die geleentheid aangegryp om die deure oop te maak en op die sagte sitplekke te sit.

Die verkoopshoof van ­Pupkewitz GWM en Haval, me. Bianca Weak­ley, het die gasvryheid beklemtoon en was gretig om haar insette oor die nuwe dubbelkajuitvoertuie met belangstellendes te deel.

Saam met die LT is daar ook reeds 'n SX 2x4 en 'n SX 4x4 in die land van Pupkewitz beskikbaar, terwyl die res van die reeks sonder lang vertraging uit Suid-Afrika bestel kan word. Sy sê hierdie reeks verskil baie van die Steed-bakkies wat reeds hul merk op Namibiese stofpaaie agtergelaat het.

Weakley sê die P-Series LT is meer gepas vir 'n uitstappie Grove Mall toe, of om die langpad see toe met gemak en selfvertroue aan te pak. Wie sou so 'n mooi masjien wou vuil maak?

Die agteruitsigkameras help maak die lengte en breedte van die voertuig maklik hanteerbaar, terwyl die swaar agterklap se veerskokstutte die bak se oopmaak versag.

Die toepassing van tegnologie vir veiliger bestuur is 'n kenmerk van hierdie nuwe benadering tot luukse bakkies. Waarskuwings terwyl van baan verwissel word, asook 'n stelsel wat help om die bakkie selfs op spoed in die middel van die baan te hou, kom standaard saam met 'n stelsel om teen voetgangers en fietsryers te waarsku.

Radar word ingespan om verkeer agter die voertuig raak te sien en ook te verhoed dat die bestuurder teen iets bots wanneer jy agteruit ry. Remme werk outomaties wanneer 'n moontlike ongeluk bespeur word.

In die geval van die SX-weergawes benodig die afslaan van daai agterklap beslis meer mannekrag. Die SX is die P-reeks se antwoord vir werkverrigting en word ook vir meer kom­mersiële doeleindes ingerig. Die tweeliter-dieselenjin kan tot 120 kW uitskop en die agterwielgedrewe vragdraer kom standaard met stabiliteitsbeheer, trekbeheer en kragstuur.

ABS-remme en 'n wielbanddruk- en afblaasmonitorstelsel is ook standaard.

Teen minder as N$380 000 vir die 2x4 SX GWM P-reeks bakkie, en onder N$550 000 vir die luukse LT, is 'n nader kykie van hierdie voertuie die moeite werd.

[email protected]

Soortgelyk

 

Gesondheidswerkers, leerlinge en onderwysers deel van 343 nuwe gevalle

48 minute gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

16 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

16 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

16 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

16 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

16 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

16 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

16 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

16 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...