Nust help ministerie met waardetoevoeging
'n Plaaslike universiteit het navorsing oor beter benutting van plaaslike hulpbronne gedoen.
Augetto Graig
Die Namibië Universiteit vir Wetenskap en Tegnologie (Nust) het in opdrag van die ministerie van myne en energie ondersoek gedoen na beter benutting van natuurlike hulpbronne ten einde waarde tot die ekonomie te voeg.
Nust sal môre in die hoofstad sy konsepstrategie vir waardetoevoeging tot die mynboubedryf in Namibië voorlê. Verskeie Nust-professore sal oor die bevindings van hul navorsing uitwei en die uitvoerende direkteur van die ministerie, mnr. Simeon Negumbo, is een van die sprekers.
Volgens Nust moet Namibië onder meer meer rou materiaal en intermediêre hulpbronne verkry; navorsing, innovasie en vaardighede verbeter; beleggings lok en behou; toepaslike tegnologie en infrastruktuur aanskaf; handel dryf in produkte wat waarde toevoeg en dit ook bemark; en die omgewing met die oog op volhoubaarheid bewaar.
Volgens die navorsers is daar verskeie redes vir vertraagde ontwikkeling van waardetoevoeging in Namibiese nywerhede.
Dit sluit in: Hoë insetkoste; lae produktiwiteitsvlakke; die ongunstige nasionale posisie op kredietranglyste; die tekort aan rou materiaal en skaalvoordele; beperkte toegang tot vaardighede en 'n moeilike sakeomgewing. Boonop is dit moeilik vir plaaslike vervaardigers om finansiering te kry en die aanvraag na plaaslik verbeterde produkte is laag.
Die universiteit gaan voorstel die regering maak beleidsveranderinge om oplossings vir die probleme te vind. Een daarvan is dat 'n aansporingskema geskep word om beleggings in waardetoevoeging aan te spoor.
“'n Ideale aansporingskema in Namibië moet deursigtig en stabiel wees, en beleidsdoelwitte met 'n minimum verlies van belastinginkomste bereik,” lui die konsepdokument.
Die ministerie van finansies moet die aansporingskema bestuur om die kostes daarvan na behore te kan bereken. Finansiële aansporing op diskresie van amptenare moet vermy word. Algemene vrystelling van belasting vir sekere korporatiewe instansies moet stelselmatig gestaak word en enige aansporings moet tydsgebonde wees. Die doeltreffendheid van elke aansporingsmeganisme moet gedurig gemonitor word. Hierdie aanpassings moet vir die land bekostigbaar en eenvoudig wees, spesifieke nywerhede teiken, en gereeld hersien word,” sê die akademici.
Die potensiaal van verskeie hulpbronne is ondersoek.
Dit sluit in edelstene; halfedelstene; brandstofminerale; edelmetale; nie-edelmetale; batteryminerale; nywerheidsminerale en ysterlegerings.
Spesifieke aandag is gegee aan die moontlikhede wat diamante, koper, klei, silika, sout, kalksteen, gips, sink en fosfaat inhou.
[email protected]
Die Namibië Universiteit vir Wetenskap en Tegnologie (Nust) het in opdrag van die ministerie van myne en energie ondersoek gedoen na beter benutting van natuurlike hulpbronne ten einde waarde tot die ekonomie te voeg.
Nust sal môre in die hoofstad sy konsepstrategie vir waardetoevoeging tot die mynboubedryf in Namibië voorlê. Verskeie Nust-professore sal oor die bevindings van hul navorsing uitwei en die uitvoerende direkteur van die ministerie, mnr. Simeon Negumbo, is een van die sprekers.
Volgens Nust moet Namibië onder meer meer rou materiaal en intermediêre hulpbronne verkry; navorsing, innovasie en vaardighede verbeter; beleggings lok en behou; toepaslike tegnologie en infrastruktuur aanskaf; handel dryf in produkte wat waarde toevoeg en dit ook bemark; en die omgewing met die oog op volhoubaarheid bewaar.
Volgens die navorsers is daar verskeie redes vir vertraagde ontwikkeling van waardetoevoeging in Namibiese nywerhede.
Dit sluit in: Hoë insetkoste; lae produktiwiteitsvlakke; die ongunstige nasionale posisie op kredietranglyste; die tekort aan rou materiaal en skaalvoordele; beperkte toegang tot vaardighede en 'n moeilike sakeomgewing. Boonop is dit moeilik vir plaaslike vervaardigers om finansiering te kry en die aanvraag na plaaslik verbeterde produkte is laag.
Die universiteit gaan voorstel die regering maak beleidsveranderinge om oplossings vir die probleme te vind. Een daarvan is dat 'n aansporingskema geskep word om beleggings in waardetoevoeging aan te spoor.
“'n Ideale aansporingskema in Namibië moet deursigtig en stabiel wees, en beleidsdoelwitte met 'n minimum verlies van belastinginkomste bereik,” lui die konsepdokument.
Die ministerie van finansies moet die aansporingskema bestuur om die kostes daarvan na behore te kan bereken. Finansiële aansporing op diskresie van amptenare moet vermy word. Algemene vrystelling van belasting vir sekere korporatiewe instansies moet stelselmatig gestaak word en enige aansporings moet tydsgebonde wees. Die doeltreffendheid van elke aansporingsmeganisme moet gedurig gemonitor word. Hierdie aanpassings moet vir die land bekostigbaar en eenvoudig wees, spesifieke nywerhede teiken, en gereeld hersien word,” sê die akademici.
Die potensiaal van verskeie hulpbronne is ondersoek.
Dit sluit in edelstene; halfedelstene; brandstofminerale; edelmetale; nie-edelmetale; batteryminerale; nywerheidsminerale en ysterlegerings.
Spesifieke aandag is gegee aan die moontlikhede wat diamante, koper, klei, silika, sout, kalksteen, gips, sink en fosfaat inhou.
[email protected]
Kommentaar
Republikein
Geen kommentaar is op hierdie artikel gelaat nie