Nujoma vier sy 90ste saam met Chinese

17 May 2019 | Gebeure
Francoise Steynberg - Stigterspresident Sam Nujoma het sy 90ste verjaardag op 12 Mei by die Chinese ambassade in Windhoek gevier.

Die Chinese ambassadeur, mnr. Zhang Yiming, het foto's van die vieringe die aand op sy Facebook-blad geplaas en geskryf dit was 'n vrolike geleentheid wat Nujoma saam met sy familie en Chinese vriende geniet het.

“Dit was 'n groot eer dat Nujoma gekies het om sy 90ste verjaardag by ons ambassade te herdenk, wat 'n teken van die diep vriendskap met die Chinese regering en sy mense is,” het Zhang geskryf.

Dit volg nadat Nujoma 'n amptelike partytjie van die regering van die hand gewys het. Volgens 'n mediaverklaring verlede week van Staatshuis se woordvoerder, dr. Alfredo Hengari, wou Nujoma nie hê dat staatshulpbronne in die huidige ekonomiese omstandighede en die droogte op sy verjaardagvieringe bestee word nie.

Tydens die aandete het die ambassa­deur 'n brief van gelukwensing van die voorsitter van die portefeulje­komitee van China se Nasionale Volkskongres, mnr. Li Zhanshu, oorhandig.

“Ek is baie bly dat die stigters­vader nog steeds gesond is en Chinese cuisine soos Peking-eend geniet,” het Zhang gesê.

“Nujoma is die geliefde vader van die Namibiese mense en 'n toonbeeld vir Afrika om vir onafhanklikheid en vryheid te veg. Hy is ook 'n ou vriend van die Chinese mense en 'n bekende naam in China.”

Zhang het gesê Nujoma het China al 17 keer besoek en vriendskappe met baie Chinese leiers gesmee, rotsvaste betrekkinge tussen China en Namibië gevestig, en 'n aansienlike bydrae tot die ontwikkeling van betrekkinge tussen die twee lande gelewer.

“'n Chinese gesegde lui dat 'n rewolusionêr altyd jonk bly. Ek hoop dat Nujoma gelukkig en gesond sal wees en nog lank sal lewe. Ek hoop China en Namibië sal die tradisionele vriend­skap tussen China en Namibië ontwikkel waaraan Nujoma so toegewyd is,” was Zhang se wense.

Verskeie amptenare van die ministerie van internasionale ­betrekkinge en samewerking, asook Nujoma se seun en die minister van grond­hervorming, mnr. Uutoni Nujoma, was ook by die feesvieringe.

Soortgelyk

 

Vermeende gemsbokstroper gewond

5 ure gelede | Misdaad

'n Vermeende gemsbokstroper is Donderdag op 'n plaas in die Omaruru-distrik in die been gewond. Volgens die Namibiese polisie is 'n 49-jarige man omstreeks 17:00...

Kolonel, onderwyser vas oor wild

6 ure gelede | Misdaad

'n Weermagkolonel (51) van die Otavi-weermagbasis en 'n onderwyser is vanoggend omstreeks 01:00 met twee duikers, twee hase, twee springhase en een wildsbok by...

Leerlingdokters, -tandartse by staatshospitale uitgeplaas

7 ure gelede | Gesondheid

’n Totaal van 131 leerlingdokters is by verskeie hospitale dwarsoor die land uitgeplaas om met hul internskap van twee jaar te begin. Die leerlingdokters sal...

Hof: Minister skuldig aan korrupsie

22 ure gelede | Howe

In 'n geskiedkundige eerste vir Namibië is me. Katrina Hanse-Himarwa, die minister van onderwys, kuns en kultuur, vandag in die hoërhof in Windhoek skuldig bevind...

Voortrekker: “Namibië nie ’n desperate land”

22 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

22 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

22 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

22 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

22 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...