Nudo kritiseer Namibië se VN-besluit oor mosie
'n Politieke party sê die regering se besluit om nie 'n mosie oor volksmoord en misdade teen die mensdom te steun nie, is daarop gemik om vrae oor die mishandeling van mense in die gate van Lubango te vermy.
Die regering se besluit om nie vir 'n mosie in die Algemene Vergadering van die Verenigde Nasies (VN) te stem nie, is skerp deur die National Unity Democratic Organisation (Nudo) gekritiseer.
Die mosie, onder die opskrif: “Die verantwoordelikheid vir die beskerming en voorkoming van volksmoord, oorlogsmisdade, etniese suiwering en misdade teen die mensdom”, was tydens die VN se 72ste jaarvergadering in New York op die sakelys.
“Hierdie besluit van die Namibiese regering grens aan die hoogste graad van skynheiligheid en ernstige dubbele standaarde. Die regering kan nie voorgee om 'n verlosser te wees deur 'n beterweterige houding in te neem en aanspraak te maak daarop dat dit met 'n hoë mate van moraliteit die kwessie van die volksmoord en vergoeding van Duitsland hanteer nie.
“Terselfdertyd doen die einste regering alles moontlik om die donker geheim van mense wat deur hul eie amptenare gemartel is, weg te hou van die oë van die wêreld en die treurende familielede, wat antwoorde soek oor wat met hul naasbestaandes in die gate van Lubango gebeur het. Ons neem aan dat dit die hoofrede is waarom hulle nie hierdie mosie gesteun het nie,” lui 'n verklaring van Nudo.
Die party beskou ook die ministerie van internasionale betrekkinge en samewerking se verduidelikings vir die besluit om nie die mosie te steun nie, as onaanvaarbaar.
Nudo, wat destyds by monde van sy voormalige president, wyle opperhoof Kuaima Riruako, die mosie oor die volksmoord ter tafel gelê het, is van mening dat die regering dubbele standaarde toepas. Die party eis dat die regering as 'n saak van dringendheid antwoorde moet verskaf op wat Nudo as die “politieke plundering” van die land beskou. Die regering moet ook toesien dat Namibië se beeld in die oë van die internasionale gemeenskap in ere herstel word.
Die regering word ook gewaarsku dat besluite wat geneem word, nie daarop gemik moet wees om sekere individue of belange te beskerm nie, maar eerder in die beste belang van alle Namibiërs moet wees.
Nudo wil hê dat Duitsland aanspreeklik gehou word vir die dade van die verlede en dat die regering aktief aan die proses moet deelneem, eerder as om “vanweë die regering se eie gebrek aan sekuriteit Russiese roulette te speel”.
Die mosie, onder die opskrif: “Die verantwoordelikheid vir die beskerming en voorkoming van volksmoord, oorlogsmisdade, etniese suiwering en misdade teen die mensdom”, was tydens die VN se 72ste jaarvergadering in New York op die sakelys.
“Hierdie besluit van die Namibiese regering grens aan die hoogste graad van skynheiligheid en ernstige dubbele standaarde. Die regering kan nie voorgee om 'n verlosser te wees deur 'n beterweterige houding in te neem en aanspraak te maak daarop dat dit met 'n hoë mate van moraliteit die kwessie van die volksmoord en vergoeding van Duitsland hanteer nie.
“Terselfdertyd doen die einste regering alles moontlik om die donker geheim van mense wat deur hul eie amptenare gemartel is, weg te hou van die oë van die wêreld en die treurende familielede, wat antwoorde soek oor wat met hul naasbestaandes in die gate van Lubango gebeur het. Ons neem aan dat dit die hoofrede is waarom hulle nie hierdie mosie gesteun het nie,” lui 'n verklaring van Nudo.
Die party beskou ook die ministerie van internasionale betrekkinge en samewerking se verduidelikings vir die besluit om nie die mosie te steun nie, as onaanvaarbaar.
Nudo, wat destyds by monde van sy voormalige president, wyle opperhoof Kuaima Riruako, die mosie oor die volksmoord ter tafel gelê het, is van mening dat die regering dubbele standaarde toepas. Die party eis dat die regering as 'n saak van dringendheid antwoorde moet verskaf op wat Nudo as die “politieke plundering” van die land beskou. Die regering moet ook toesien dat Namibië se beeld in die oë van die internasionale gemeenskap in ere herstel word.
Die regering word ook gewaarsku dat besluite wat geneem word, nie daarop gemik moet wees om sekere individue of belange te beskerm nie, maar eerder in die beste belang van alle Namibiërs moet wees.
Nudo wil hê dat Duitsland aanspreeklik gehou word vir die dade van die verlede en dat die regering aktief aan die proses moet deelneem, eerder as om “vanweë die regering se eie gebrek aan sekuriteit Russiese roulette te speel”.
Kommentaar
Republikein
Geen kommentaar is op hierdie artikel gelaat nie