Nudo gee president groen lig

‘Kapitaliseer op transaksie’

26 March 2020 | Politiek
Denver Kisting – Mense wat reken die National Unity Democratic Organisation (Nudo) beplan om voortaan na die regering se pype te dans, sit die pot mis.

So sê die sekretaris-generaal van Nudo, mnr. Josef Kauandenge. “Ons sal so streng wees as ons kan. Ons sal met alternatiewe vorendag kom.”

Hul president, dr. Esther Muinjangue, sal uitgesproke bly oor kwessies soos die volksmoord en reparasies, sê Kauandenge. “Sy sal nie stilbly nie.”

Sy opmerkings kom nadat Muinjangue Sondag deur pres. Hage Geingob as adjunkminister van gesondheid en maatskaplike dienste aangestel is.

Die party se nasionale voorsitter, mnr. Elia Kandjii, het gesê hulle verwelkom Muinjangue se aanstelling.

Kauandenge sê: “Sy dien nie in ’n Swapo-regering nie. Sy dien in ’n Namibiese regering. Nudo kan nie met geld omgekoop word nie.”

Boonop kan sy uittree as sy voel sy word in ’n hoek gedruk, sê hy.

“Ons deel in dieselfde koek van die onafhanklikheid van dié land.”

Kandjii het gister gesê Nudo is dankbaar vir Geingob wat hulle die geleentheid gee om “’n direkte mandaat in die uitvoering van staatsbeleid te hê”.

Volgens hom moet Namibiërs besef hoewel die staatshoof sy kabinet uit lede van die Nasionale Vergadering (NV) moet saamstel, vereis die Grondwet nêrens dat hy nét lede van die regerende party moet aanstel nie.

Hy maan mense moet eerder opvoeding bo middelmatigheid en afguns vier.

“Dr. Muinjangue is geen liggewig nie en het haar doktorsgraad verdien. Kom ons vier dit eers. Niks in haar karakter dui daarop dat sy met geld gekoop kan word om haar party se agenda en beginsels agterweë te laat nie – dit is nie in haar DNS nie.”

Die politieke ontleder mnr. Graham Hopwood het gister by navraag gesê hy voorsien spanning.

“Wat gebeur wanneer Nudo ’n ander standpunt as die regering het? Hoe sal dit op plaaslike en streekvlak werk as Muinjangue as partyleier teen Swapo veldtogte moet hê?”

Maar, sê hy, die reëling kan in die kort termyn vrugte afwerp “aangesien daar ’n behoefte is aan nasionale eenheid te midde Covid-19, en sy kan ’n belangrike rol speel om bewusmaking rondom die gevare van die virus te help skep”.

Muinjangue, ’n ouddosent in maatskaplike werk aan die Universiteit van Namibië (Unam), het in Desember haar doktorale verhandeling suksesvol aan die Universiteit Stellenbosch verdedig.

[email protected]

Soortgelyk

 

Geld rol vir ramp

3 ure gelede | Regering

Jo-Maré Duddy – Die regering se N$8-miljardvoorskrif teen die ekonomie se Covid-koors is gister deur ekonome verwelkom, veral omdat dit amptelik as die eerste fase...

Baba jongste Covid-19-geval

3 ure gelede | Gesondheid

Henriette Lamprecht - ’n Nege maande oue baba is saam met sy pa die nuutste twee gevalle van Covid-19 in Namibië. Dit bring die nasionale...

Só werk landbou in inperkingstyd

3 ure gelede | Landbou

Elvira Hattingh - Tydens die inperkingstyd mag naweekboere nie heen en weer vanaf hul plase en wonings in dorpe beweeg nie. Voltydse boere en plaaswerkers...

NMH skenk toerusting, kospakkies vir padblokkades

3 ure gelede | Gesondheid

In ’n poging om die vinnige vloei van noodsaaklike vragverkeer by die vier padblokkades na die Khomasstreek te bewerkstellig, het Namibia Media Holdings (NMH) gister...

Noodtoestand: ‘Niks is normaal’

3 ure gelede | Regering

Denver Kisting - Me. Yvonne Dausab, die minister van justisie, sê Namibiërs bevind hulle midde-in ’n buitengewone situasie. “Ons is in ’n noodtoestand. So, niks...

Weer vir 2 April 2020

3 ure gelede | Weer

BINNELAND: Mooi weer en baie warm in die Weste. Elders sal dit gedeeltelik bewolk en baie tot bloedig warm wees met enkele donderbuie in die...

Pandemie slaan toerismebedryf hard

3 ure gelede | Toerisme

Francoise Steynberg - Die toerismebedryf gaan heel waarskynlik die hardste deur die Covid-19-pandemie getref word. Só sê die uitvoerende hoof van die Gasvryheidsvereniging van Namibië...

Fishrot-hokaairoeper glo gedreig, vergiftig

3 ure gelede | Misdaad

Catherine Sasman – Mnr. Jóhannes Stefánsson, hokaairoeper in die internasionale korrupsieskandaal, oftewel die Fishrot-sage, het aan Yslandse verslaggewers gesê hy is al verskeie kere vergiftig...

Fitch gradeer SA banke verder in rommel in

3 ure gelede | Afrika

Nellie Brand-Jonker - Fitch het die vyf groot banke van Suid-Afrika naamlik Absa, FirstRand, Investec, Nedbank en Standard Bank verder in rommel afgradeer.Alle nasionale langtermyngraderings...