NTB-werkers pak ministerie

16 July 2018 | Toerisme
Werknemers van die Namibië Toerismeraad (NTB) het Woensdag 'n vreedsame optog by die ministerie van die omgewing en toerisme se hoofkantoor in die hoofstad gehou.

Hulle eis dat hul uitvoerende hoof, mnr. Digu ||Naobeb, uit sy pos verwyder moet word en dat sy ongeouditeerde kantoorrekening deur die ministerie of die Teenkorrupsiekommissie (ACC) ondersoek word.

Hulle het ook geëis dat die direksie ontbind word en dat die minister 'n nuwe rekenmeester aanstel.

Dié optog volg op 'n soortgelyke een wat verlede Dinsdag gehou is, waar dieselfde versoeke en eise gestel is. Daar was toe egter geen direksielid wat die groep se klagskrif ontvang het nie, derhalwe hul besluit om na die ministerie se hoofkantoor op te ruk.

Die voorsitter van die vakbond se verteenwoordigende komitee, mnr. Theo Kamatoto, het die klagskrif namens die werknemers gelees en beklemtoon hulle is ontevrede oor onregverdige arbeidspraktyke en wanbestuur sedert 2011.

Kamatoto het verduidelik klagtes wat aan die direksie gerig is oor kommer oor viktimisasie is deur ||Naobeb na hom (Kamatoto) terugverwys om opgelos te word, "wat my die speler en die skeidsregter tegelykertyd maak".

Die werknemers beweer voorts direksielede is ook eienaars van toerismeondernemings, wat 'n konflik van belange behels.

“Wie reguleer ons as die direksievoorsitter met 'n ongeregistreerde maatskappy (Wild Africa Travel) wegkom, waaraan tenders toegeken is, en hy steeds as voorsitter aangewys is?” vra hulle.

Die ministerie is tot 18 Julie die geleentheid gegun om op die klagskrif te reageer.

Indien nie, sal meer optogte volgens die groep gehou word en 'n dispuutsaak by die arbeidskommissaris aanhangig gemaak word.

Die klagskrif is namens die minister, mnr. Pohamba Shifeta, deur die direkteur van toerisme, dr. Sem Shikongo, ontvang. - Nampa

Soortgelyk

 

Brand breek uit by Spar op Keetmanshoop

1 uur gelede | Ongelukke

'n Brand woed tans by die Spar op Keetmanshoop. 'n Leser het enkele minute gelede dié foto vir Republikein gestuur. Meer inligting is nie tans...

Elfjarige byna ontvoer

2 dae gelede | Misdaad

Henriette Lamprecht – ‘n Elfjarige laerskoolmeisie is Woensdag helder oordag voor haar huis byna deur ‘n groep mense in ‘n motor gedwing en ontvoer. ‘n...

Tendertafel net vir buitelanders gedek

2 dae gelede | Infrastruktuur

Ronelle Rademeyer - Die voorwaardes waaraan kontrakteurs moet voldoen om in aanmerking te kom vir twee reuse-konstruksietenders van byna N$4 miljard, is van só ’n...

Storm los by Unam-eksamen

2 dae gelede | Onderwys

Denver Kisting - Die Universiteit van Namibië (Unam) het teen gistermiddag steeds skouers opgetrek oor ’n eksamen wat eergisteraand skeefgeloop het.Nagraadse regstudente verbonde aan die...

Kalender 21 September

2 dae gelede | Kuns en vermaak

Nou aan die gang» Erfenisweek 2018 is goed op dreef by die Franko-Namibiese Kultuursentrum (FNCC) . Namibië se belangrikste erfenisinstellings het saamgespan om dié...

’n Mannekoor en wyn vir die pyn

2 dae gelede | Kuns en vermaak

Die Windhoeker Männerchor (WMC) en ‘n uitgesoekte groep musikante nooi die publiek na die Wynfees/Winzerfest uit. Dít vind op 6 Oktober by die SKW...

Vanjaar reeds 29 renosters in Namibië gestroop

2 dae gelede | Omgewing

Francoise SteynbergAltesaam 21 swart- en agt witrenosters is al vanjaar in Namibië vir hul horings afgemaai.Uit dié 21 swartrenosters is 13 in die Etosha Nasionale...

Gif in waterkrip dalk stropers se werk

2 dae gelede | Misdaad

Henriette Lamprecht Watermonsters van 'n krip in 'n munisipale kamp wes van Omaruru is vir ontleding na 'n private laboratorium gestuur om te bepaal...

Breek die mure af

2 dae gelede | Kuns en vermaak

Yolanda Nel – Indien die klank van kabaret, Evita of die Rocky Horror Picture Show jou aandag trek, moet jy môre geen planne maak nie.Shades...