Nou vra jy my hoekom ek swets

16 May 2019 | Rubrieke
Die twee belangrike dinge van vloekwoorde is natuurlik, nommer een, dat intelligente mense dit gebruik, en nommer twee, dat dit op sy beste met ’n luidkeelse trots verkondig behoort te word.

Want dit was nog nooit koel om binnensmonds te vloek sodat niemand dit hoor nie. ’n Saggiese skelwoord is ’n euwel – werp dit so ver as moontlik van jou af weg. Andrew 17:5.

Is jy iemand wat maklik ’n ou kragwoordjie vind wanneer jy jou frustrasie met ’n situasie moet uitdruk?

Vind jy soms dat “koolkop!” nie sterk genoeg uiting aan jou gevoelens teenoor sekere padgebruikers gee nie?

Soek jy soms vergeefs deur die hele Afrikaanse en Engelse woordeskat na die regte “skoon” beskrywende uitroep wanneer jy onverwags op ’n Lego-blokkie trap? Vir die vierde keer vandag?

Hoe gereeld kyk jy op jou horlosie en sien dis al [email protected]$^$# twee minute voor elf?

Vind jy dat gekruide taal jou gesprek meer kleurvol maak?

Eerder as blote vloekwoorde, kom ons noem hulle liewer “konsepversterkings” . . . net vir beklemtoning. Boonop sonder enige ekstra kalorieë.

Wees nou maar eerlik . . . watter een klink beter: absoluut of abso-&^%$#-luut?

Moenie terughou nie.

Vertel ons hoe jy RÊRIG voel.

Dra die boodskap oor met ’n begrip wat almal verstaan, sodat die stommerik weet jy is ernstig sonder dat jy hom aan die strot hoef te gryp.

Sê iets wat Samuel L. Jackson sou sê om die konfliksituasie te eskaleer. Gee aanstoot. Wys jy is nou al ’n groot seun.

Dit is immers nie verniet dat jou beste vloekwoorde as ’n selfstandige naamwoord, byvoeglike naamwoord, bywoord, verbindingswoord, en/of voornaamwoord gebruik kan word nie. Daai drie- of vier- of twaalfletterkeuses het méér veelsydige gebruike as sommer net ’n tussenwerpsel.

Sommige mense gebruik dit selfs as leestekens. (Net vir die onthalwe van volsinne . . . dan gee dit jou die gevoel asof jy in curs-ief praat).

Toegegee – dit mag wees dat passief-aggressief meer jou styl is en dat jy dink stilbly is ook ’n antwoord. Nie almal van ons se ouers was in die vloot, waar dit mos basies ’n verpligte eksamenvak is nie.

Meningspeilings het uitgewys dat “goeiste”, “vervlaks”, “deksels” en “verbrands” met die jare heeltemal hul skop verloor het en deur ’n nuwer geslag vervang moes word.

Net hier en daar kry jy nog ’n tannie wat “tjoklits!” gebruik wanneer jy haar skrik maak.

Na my mening het Afrikaanse koerantskrywers ’n soort verantwoordelikheid om elke moontlike geleentheid te gebruik om in berigte oor ’n gewapende roof of ’n plaasaanval na “swerkaters” en “swernote” te verwys.

Want sekerlik wonder niemand van ons of dit dalk ’n “boosdoener” was wat by jou kar ingebreek en die radio uitgesteel het nie.

’n Kollega sê sy het ’n tyd lank “Son of a Beachball” probeer . . . totdat die jong kinders gesê het dis “lame”.

So, nou vloek sy maar weer.

Soortgelyk

 

Bank en depot sal nie sluit nie, sê Peya

22 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

30 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

11 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

11 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

11 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

11 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

11 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

11 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

11 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...