Noorweë en Namibië sing saam

12 October 2018 | Kuns en vermaak
Die onlangs bekroonde wêreldkampioenkoor, die Kollege van die Kunste (Cota) se jeugkoor, gaan op 13 Oktober, môreaand 2018 die verhoog met Femme Vocale Namibia en die Noorweegse Steinkjer-kamerkoor deel.

Dít onder die bekwame leiding van Fanie Dorfling.

Dié konsert sal om 19:00 by Pionierspark se NG-kerk plaasvind.

Kaartjies is slegs by die deure teen N$60 per persoon beskikbaar.

Die Cota-jeugkoor sal van die werke uitvoer wat deel van hul wêreldkoorspele-repertoire was, asook opwindende nuwe liedere.

Femme Vocale is ook onder Fanie Dorfling se leiding en het al groot sukses op buitelandse verhoë behaal.

Hul program het ’n ligter aanslag.

Die Steinkjer-kamerkoor bestaan sedert 1996 as die Steinkjer-kerk se amptelike koor.

Die doel van die koor is om spesiale konserte uit te voer, asook groter werke, vir spesiale geleenthede op die kerkkalender.

Die Steinkjer-kamerkoor het al verskeie geestelike werke uitgevoer, wat insluit Handel se Messias, Bach se Kersfees-oratorio en sy Johannes-passie, Steve Dobrogosz se jazz-geïnspireerde mis, Mozart se mis in C mineur, Louis Vierne se Messe Solennelle vir koor en twee orrels, en Duruflé se Requiem.

Die Steinkjer-koor het in 2011 ’n goue medalje by die Praga Cantat-Grand Prix, ’n internasionale koorkompetisie, ontvang.

In 2014 het dié koor ’n toer na Suid-Afrika onderneem.

Sedert 2012 is die koor onder Rudolf de Beer, ‘n gebore Suid-Afrikaner wat tans in Noorweë bly, se leiding.

De Beer lei ook die Tondhjems Studentersangforening, die Gladious Stor Band en is die Noorweegse koorvereniging in Nord Trondelag se mentor.

Hy het ook al instrumentele ensembles en orkeste gedirigeer, onder meer Trondheim Karok en die Nord-Trondela-kamerorkes.

Gedurende sy tyd in Suid-Afrika het Rudolf die Drakensbergse Seunskoor gedirigeer, asook die Schola Cantorum op Stellenbosch.

Hy was vakhoof en senior dosent in koordirigeervaardighede, hoof van musiekonderrig en kunsdirekteur van die Schola Cantorum aan die Universiteit Stellenbosch se musiekdepartment.

Hy het sy studies aan die Universiteit Potchefstroom voltooi.

Sy meestersgraad in koorleiding en musiekonderrig het hy aan die Universiteit van Oslo, in Noorweë, verwerf.

Sy doktorsgraad in dieselfde dissipline het hy aan die Nelson Mandela Metropolitaanse Universiteit in Port Elizabeth verwerf.

Dít in samewerking met die Noorweegse Staatsakademie van musiek in Oslo.

De Beer het onlangs ’n jaarkursus in komposisie aan die Noorweegse Universiteit vir Wetenskap en Tegnologie voltooi.

Die koor se program vir Windhoek sal uittreksels uit die volgende insluit:

• Motet - Lobet den Herrn (J.S. Bach)

• Fire salmer (E. Grieg)

• Quatre motets pour le temps de Noël (F. Poulenc)

• Magnificat (A. Pärt)

• Warning to the Rich (T. Jennefelt)

- Volksmusiek -

• Pål sine hønur (arr. K. Nystedt)

• Påls fuge (S. Tveit)

• Bruremarsj fra Sørfold (arr. B.-A. Drage)

• Et barn er født i Betlehem (arr. Ø. Matre)

Soortgelyk

 

Geingob vergader met Nanso oor studiegeld

38 minute gelede | Onderwys

Me. Ester Simon, president van die Namibiese Nasionale Studenteorganisasie (Nanso), het pas bevestig die organisasie vergader vandag by Staatshuis met pres. Hage Geingob...

Mexikaanse sakeman wil Erindi koop

2 ure gelede | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

3 ure gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

4 ure gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

4 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

6 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

15 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

15 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

15 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...