Nog klagte teen psigiater
'n Pasiënt moes glo Ritalin, Valium- en Ativan-tablette drink voor 'n konsultasie met 'n bekende psigiater aan die kus.
Henriette Lamprecht
'n Klag van poging tot moord is by die klagstaat teen 'n bekende psigiater van Swakopmund gevoeg wat na bewering in November 2015 'n pasiënt in sy spreekkamer op die dorp verkrag het.
Dr. Pieter van der Westhuizen het glo die getroude ma van twee eers bedwelm en toe verkrag.
Van der Westhuizen het Donderdag in die hoërhof in Windhoek op vyf aanklagte verskyn. Dit sluit 'n klag van onsedelike aanranding en drie klagte van verkragting in. Die klag van poging tot moord is alternatiewelik die oortreding van artikel 16 van die wet op die bestryding van immorele praktyke en wel die gebruik van sekere middele om 'n vrou te verdoof of die oorhand vir immorele doeleindes te kry.
Volgens die hofstukke het Van der Westhuizen na bewering aan die vrou 'n oordosis Ritalin-, Valium- en Ativan-tablette gegee. Die slagoffer is glo ook alkohol ingegee.
Die aanklag van onsedelike aanranding hou verband met Van der Westhuizen wat na bewering homself aan die slagoffer ontbloot het. Volgens die hofstukke het die drie klagte van verkragting betrekking op Van der Westhuizen wat na bewering die slagoffer se vagina met sy vinger gepenetreer, sy penis in haar mond en later in haar vagina gesit het. Die slagoffer was ten tye van die beweerde verkragtings “hulpeloos” weens die pille wat sy moes drink. Van der Westhuizen het glo ook fisieke krag tydens die verkragtings gebruik.
Die slagoffer was vir meer as twee jaar 'n pasiënt van Van der Westhuizen. Sy het volgens hofstukke op 6 November 2015 van Otjiwarongo af na Swakopmund vir 'n konsultasie met Van der Westhuizen vertrek. Tydens die konsultasie het hy gesê sy moet die volgende dag vir sekere prosedure na sy praktyk terugkeer. Hy het medikasie voorgeskryf wat sy die oggend van 7 November voor die konsultasie moes drink, wat die slagoffer gevolglik gedoen het.
Volgens hofstukke het sy 'n paniekaanval gehad nadat sy die pille gedrink het en wat daartoe gelei het dat sy na sy spreekkamer gehaas is. By die praktyk het Van der Westhuizen haar glo nog medikasie ingegee en aan haar vriendin wat haar gebring het, gesê om die slagoffer alleen by hom te los.
Volgens Van der Westhuizen sou hy haar ná afloop van die prosedure bel. Die beweerde verkragtings en onsedelike aanranding het toe plaasgevind. Na bewering was die klaagster so bedwelm toe haar vriendin haar later die middag kom oplaai, dat Van der Westhuizen en die vriendin haar na die motor moes dra.
Verskeie klagte van onprofessionele gedrag word ook teen Van der Westhuizen deur die Raad vir Gesondheidsberoepe in Namibië (HPCNA) ondersoek.
Die raad is nie in 'n posisie om die misdaad van verkragting te ondersoek nie, maar ondersoek wel Van der Westhuizen se gedrag in die tyd wat die beweerde misdade plaasgevind het. Die saak is tot 21 Junie uitgestel.
'n Klag van poging tot moord is by die klagstaat teen 'n bekende psigiater van Swakopmund gevoeg wat na bewering in November 2015 'n pasiënt in sy spreekkamer op die dorp verkrag het.
Dr. Pieter van der Westhuizen het glo die getroude ma van twee eers bedwelm en toe verkrag.
Van der Westhuizen het Donderdag in die hoërhof in Windhoek op vyf aanklagte verskyn. Dit sluit 'n klag van onsedelike aanranding en drie klagte van verkragting in. Die klag van poging tot moord is alternatiewelik die oortreding van artikel 16 van die wet op die bestryding van immorele praktyke en wel die gebruik van sekere middele om 'n vrou te verdoof of die oorhand vir immorele doeleindes te kry.
Volgens die hofstukke het Van der Westhuizen na bewering aan die vrou 'n oordosis Ritalin-, Valium- en Ativan-tablette gegee. Die slagoffer is glo ook alkohol ingegee.
Die aanklag van onsedelike aanranding hou verband met Van der Westhuizen wat na bewering homself aan die slagoffer ontbloot het. Volgens die hofstukke het die drie klagte van verkragting betrekking op Van der Westhuizen wat na bewering die slagoffer se vagina met sy vinger gepenetreer, sy penis in haar mond en later in haar vagina gesit het. Die slagoffer was ten tye van die beweerde verkragtings “hulpeloos” weens die pille wat sy moes drink. Van der Westhuizen het glo ook fisieke krag tydens die verkragtings gebruik.
Die slagoffer was vir meer as twee jaar 'n pasiënt van Van der Westhuizen. Sy het volgens hofstukke op 6 November 2015 van Otjiwarongo af na Swakopmund vir 'n konsultasie met Van der Westhuizen vertrek. Tydens die konsultasie het hy gesê sy moet die volgende dag vir sekere prosedure na sy praktyk terugkeer. Hy het medikasie voorgeskryf wat sy die oggend van 7 November voor die konsultasie moes drink, wat die slagoffer gevolglik gedoen het.
Volgens hofstukke het sy 'n paniekaanval gehad nadat sy die pille gedrink het en wat daartoe gelei het dat sy na sy spreekkamer gehaas is. By die praktyk het Van der Westhuizen haar glo nog medikasie ingegee en aan haar vriendin wat haar gebring het, gesê om die slagoffer alleen by hom te los.
Volgens Van der Westhuizen sou hy haar ná afloop van die prosedure bel. Die beweerde verkragtings en onsedelike aanranding het toe plaasgevind. Na bewering was die klaagster so bedwelm toe haar vriendin haar later die middag kom oplaai, dat Van der Westhuizen en die vriendin haar na die motor moes dra.
Verskeie klagte van onprofessionele gedrag word ook teen Van der Westhuizen deur die Raad vir Gesondheidsberoepe in Namibië (HPCNA) ondersoek.
Die raad is nie in 'n posisie om die misdaad van verkragting te ondersoek nie, maar ondersoek wel Van der Westhuizen se gedrag in die tyd wat die beweerde misdade plaasgevind het. Die saak is tot 21 Junie uitgestel.
Kommentaar
Republikein
Geen kommentaar is op hierdie artikel gelaat nie