Nog geld vir droogte geskenk

‘Verwagtinge oortref’

02 July 2019 | Landbou
Elvira Hattingh - Ná ‘n skenking van N$371 000 deur die Saroa Lodge uit die Nina-gebied die afgelope Woensdag het die Dare to Care-droogterampfonds op N$6,1 miljoen te staan gekom.

Tydens die geleentheid het die Namibië Landbou-unie se president, mnr. Ryno van der Merwe, gesê die geld is in Mei vanjaar tydens Saroa Lodge se amptelike opening ingesamel.

“Die lodge-eienaar, mnr. Albert Hufnagel, het vir my gesê hy wil minstens N$300 000 tydens die geleentheid insamel. Daar was sowat 100 mense teenwoordig en ek het gesê hy moet die teiken eerder op N$30 000 stel.”

Van der Merwe sê sy verwagtinge is oortref toe die Hufnagels selfs meer geld as wat beoog is deur ‘n wynveiling ingesamel het.

“Ek sit in dieselfde situasie as talle ander boere wat tans voer vir hul diere moet aankoop. Dit is beslis nie gerieflik vir almal nie en daarom wou ons ‘n bydrae maak om diegene te help waar die behoefte groot is,” het Hufnagel tydens die tjekoorhandiging gesê.

Intussen het Agra ook N$100 000 aan Dare to Care oorhandig. Dit volg nadat die maatskappy se werknermers by takke oraloor die land besluit het om ‘n gedeelte van hul eie salarisse te skenk om landbouprodusente te steun wat onder die droogte gebuk gaan.

“Landbou is Agra se lewensaar waarsonder ons nie ‘n bestaan sou kon voer nie. Daarom is dit noodsaaklik dat ons boere ondersteun. Deur hierdie nederige bydrae hoop die personeel om dié droogtehulpfonds te help om hul teiken van N$10 miljoen te bereik,” het Agra se woordvoerder, me. Ndapewa Neshila, gesê.

Agra self het vroeër vanjaar ook N$500 000 aan die droogtehulpfonds geskenk.

Beide kommersiële en kommunale boere baat by die droogterampfonds se subsidies vir veevoer. Dit word ook gesamentlik deur twee landbou-unies bestuur – die NLU en die Namibië Ontluikende Kommersiële Boere-unie (NECFU).

Intussen het die Turkse ambassade in Namibië die afgelope Woensdag kos ter waarde van N$30 000 aan die Namibiese regering vir die nasionale droogtehulpplan geskenk. Die kospakkies is aan die People’s Primary School gegee.

Nampa berig die Turkse ambassadeur, me. Berin Tulun, het gesê haar ambassade beplan om voort te gaan om die regering se droogtehulpinisiatiewe oor die volgende ses maande te steun.

Sy het bygevoeg haar ambassade het gemeenskappe op Outjo en Otjiwarongo die afgelope jaar gesteun, wat deur droogte geraak is.

Sy het bygevoeg die Turkse Koöperasie en Koördinasie-agentskap (Tika) het ook kos aan 700 families in Windhoek versprei.

Tydens die bekendstelling van die jongste kabinetsbesluite het die regering gesê hy het tot dusver sowat N$39,8 miljoen aan die nasionale droogteverligtingsprogram bestee.

Dit is vir kosverskaffing, watervoorsienning en as deel van die lewendehawe- ondersteuningsprogram aan begunstigdes aangewend.

Die regering het ook aangedui verskeie skenkings en beloftes van skenkings is uit internasionale en streekkringe ontvang, asook van plaaslike organisasies en instansies.

Soortgelyk

 

Weduwee en haar eks lank tronk toe vir moord...

2 ure gelede | Howe

Denver Kisting – Rachel Rittman (48) en haar 35-jarige eks, Ryno du Preez, is vanoggend onderskeidelik lewenslange tronkstraf en 30 jaar opgelê vir die moord...

Spuite, pille nie by klinieke

12 ure gelede | Ministeries

Henriette Lamprecht – Tekorte aan voorbehoedmiddels wat voorbehoedpille en –inspuitings insluit, word tans by openbare gesondheidsgeriewe in die land ondervind.Die direkteur van die ministerie van...

Sakkepakke op Lüderitz

12 ure gelede | In beeld

Tanja Bause - Die eerste trein in meer as 20 jaar het Lüderitz in Augustus vanjaar binnegery. Die trein, wat uit twee lokomotiewe en 20...

Gróót oë op Jan Taks

12 ure gelede | Ministeries

Jo-Maré DuddyVerbruikers wat voortaan BTW van 15% op suiker sal moet betaal, is een van die rits belastingaankondigings wat in vanmiddag se halfjaar-begrotingshersiening verwag word.Kenners...

Drie dae, sewe kinders glo verkrag

12 ure gelede | Misdaad

Sewe minderjarige meisies, waarvan die jongste vier en die oudste 15 jaar oud is, het na bewering binne ’n kwessie van drie dae die jongste...

Pushing the boundaries

12 ure gelede | Skole

Ester Kamati “I enjoy coming up with ideas, often random, often impractical, but occasionally valuable,” says young businesswoman of the year Hilja Eelu. Eelu is...

Children need to move

12 ure gelede | Onderwys

Children spend the majority of their day sedentary, behind desks or in front of a screen.The power of movement has been stolen from these children....

Weer vir 22 Oktober

12 ure gelede | Weer

BINNELAND: Gedeeltelik bewolk en bloedig warm in die Noordooste, andersins sonnig en baie tot bloedig warm. Winderige toestande sal oor die binneland voortduur. KUS: Gedeeltelik...

Elke refleks ’n spesifieke doel

12 ure gelede | Onderwys

Henriette Lamprecht - Primitiewe refleksbewegings wat baba vanaf bevrugting en dwarsdeur hul eerste lewensjaar uitvoer, bedraad die brein en versterk die liggaam.Vir elke refleks is...