Noa kap na ‘leunstoel-kritici’

Publiek moet ACC help

05 December 2019 | Misdaad
Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié waghondliggaam oor die viskwota-korrupsie-ondersoek kritiseer, moet hulle liefs met inligting na vore kom.

Hy het gister in ’n verklaring fel te velde getrek teen die insinuasies en aanvalle op die integriteit van die ACC deur sommige ontleders en kritici wat beweer die kommissie “ignoreer die ondersoeke”.

Hy sê dit is onwaar en voer aan dit is ’n skande dat “geen enkele mens in Namibië tot dusver na vore gekom het en aan die ACC inligting verskaf het om hom met hierdie ondersoek te help nie”.

Noa sê in die verklaring dit is nodig om die publiek oor die ondersoek in te lig aangesien die ACC daarvan beskuldig word dat hy bewerings van korrupsie in die visbedryf geïgnoreer het.

Volgens hom is ’n beëdigde verklaring van ’n hokaairoeper eers op 5 Junie vanjaar in die buiteland bekom.

“Dit is gedoen nadat alle relevante bewerings aan die ACC verskaf is en reëlings getref kon word vir die hokaairoeper om ’n verklaring onder eed af te lê.”

Noa wou nie gister by navraag bevestig dat mnr. Jóhannes Stefánsson, ’n voormalige werknemer van Samherji in Namibië, die hokaairoeper is wie se verklaring bekom is nie.

Stefánsson het in die Al Jazeera-dokumentêr Anatomy of a Bribe gesê sy gewete het hom aangekla oor die grootskaalse korrupsie met viskwotas tussen die Yslandse vismaatskappy Samherji en die staatsbeheerde vismaatskappy Fishcor.

Dit het hom genoop om as hokaairoeper na vore te kom en groot volumes stawende dokumente aan WikiLeaks te oorhandig.

Noa sê ná die verklaring bekom is, kon die ACC eers begin om handelsbanke en ander instellings te dagvaar om die bankrekenings en -state van die individue en entiteite wie se name deur die hokaairoeper openbaar gemaak is, te bekom.

“Die ACC is nie daarvan oortuig dat daar geen mense in Namibië is wat van die korrupte praktyke in die visbedryf geweet het nie. Pleks daarvan om patrioties te wees en by te dra tot die stryd teen korrupsie deur die ACC in hierdie ernstige saak by te staan, verminder mense hulself eerder tot leunstoel-kritici,” sê hy.

Volgens hom bring dit mee dat die ACC op inligting uit die buiteland moet steun, wat die proses vertraag en die ondersoek duur maak.

Noa sê bankstate is die ander inligtingsbron, maar dit is ’n tydsame proses om dit te bekom.

Hy sê die ander uitgerekte proses is om ’n forensiese oudit van banktransaksies en ander toepaslike dokumentasie van verskeie kantore en instellings aan te vra.

“Korrupsie lei tot armoede, en armoede skep woede en maak ’n land onregeerbaar,” het Noa gister aan Republikein gesê en benadruk dit is belangrik dat hierdie ondersoek slaag.

Hy sê wat die publiek nie altyd besef nie, is dat elke stap in die ondersoek deur bewyse ondersteun word wat in die hof toelaatbaar sal wees.

“Ons moet die bewerings bo redelike twyfel bewys. Ons moet al die stukke (van die legkaart) bymekaar voeg. En dit is nie te sê al die dokumentasie is toelaatbaar (in die hof) nie.

“Daarom moet mense ophou kritiseer en ons help om hierin te slaag,” is sy pleidooi.

- [email protected]

Soortgelyk

 

The rose among the thorns

1 dag gelede | Mense

Justicia Shipena It would be difficult to meet anyone who is as passionate about food and educating people about a vegan diet than 25-year-old...

A peek into the HR world

1 dag gelede | Mense

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

Fishrot-klankie tref korrupsie-indeks

1 dag gelede | Misdaad

Jo-Maré Duddy - Hoewel die Fishrot-skandaal in die jongste korrupsieverslag van 'n internasionale waghond vermeld word en Namibië vier plekke op 'n wêreldindeks moes inboet,...

Boere betáál vir ‘katkoppe’

1 dag gelede | In beeld

Veilingspryse vir tollies en verse bereik tans nuwe rekordhoogtes, met die hoogste prys van N$47,37 per kg wat vandeesmaand tydens ’n Blaauwberg-veiling op Grootfontein betaal...

Swartlys sy voorland, sê Hatuikulipi

1 dag gelede | Howe

Denver Kisting - Die eertydse uitvoerende hoof van Investec Asset ­Management en een van die sogenaamde Fishrot-beskuldigdes, mnr. James ­Hatuikulipi, sê sy bankrekening is N$150...

Bank Windhoek assigns Muukua with CSI and Stakeholder Engagement...

1 dag gelede | Gemeenskap

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

Investing in the people

1 dag gelede | Gemeenskap

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

Commit to be fit

1 dag gelede | Mense

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

The value of the journey

1 dag gelede | Mense

Mariselle Stofberg“So many times I focused on what I wanted to become, neglecting the process required to get there. As I matured, I realised the...