NMC: Lede steeds gedek vir nood

Kontrak met E-Med opgeskort

17 June 2019 | Gesondheid
Henriette Lamprecht – Alle lede van die mediese fonds Namibia Medical Care (NMC) word steeds ten volle vir noodontruimings, en soos gewoonlik teen 100% van die standaardtariewe van die Vereniging vir Namibiese Mediese Fondse (Namaf), gedek.

Die versekering volg nadat NMC aangekondig het lede sal voortaan eers kontant moet opdok as hulle van E-Med Rescue 24 se dienste gebruik wil maak.

Volgens me. Alison Begley, NMC se hoofbeampte, kan lede van enige diensverskaffer in Namibië gebruik maak wat dié tipe dienste lewer.

Sou NMC-lede verkies om van E-Med Rescue 24 se dienste gebruik te maak, sal hulle eers kontant hiervoor moet betaal.

Die lid sal dan volgens Begley teen 100% van die Namaf-tariewe hiervoor vergoed word.

Volgens haar het NMC nie ‘n kontrak vir toegang tot E-Med se 24 uur-beheerkamer hernu nie.

Die mediese fonds het ‘n vaste maandelikse fooi per lid betaal om toegang tot die beheerkamer te kry.

“NMC se raad van trustees het besluit om die kontrak met E-Med nie te hernu nie, omdat die fonds ‘n vaste maandelikse fooi per lid betaal het vir toegang tot die operateur se 24 uur-beheerkamer. Dit het tot oortollige uitgawes vir die fonds gelei,” het Begley gesê.

Sy het beklemtoon daar is ander diensverskaffers wat dieselfde diens met ten volle gekwalifiseerde personeel verskaf wat beheerkamers 24 uur per dag beman en ook reaksiespanne en vliegtuie het.

“As gevolg hiervan is dit nie nodig om ‘n eksklusiewe ooreenkoms met net een van die diensverskaffers in Namibië aan te gaan nie.”

NMC-lede is onder meer aangemoedig om Lifelink Emergency Rescue Services te gebruik en hul toep Rescue Me af te laai, wat lede onmiddellike toegang tot hul 24 uur-beheerkamer gee waar hulp, wat insluit brandweer-, polisie- of mediese dienste, onmiddellik uitgestuur word.

Begley het beklemtoon die mediese fonds het nie enige kontrakte gekanselleer nie.

“E-Med het ‘n toegangsfooi, in werklikheid ‘n subsidie, ontvang. Dié fooi is opgeskort en E-Med dring nou aan op vooraf kontant vir dienste aan NMC-lede,” het sy gesê.

Volgens Begley is nooddienste, insluitende redding in die duine, sowel as helikopter- en lugambulansdienste, steeds oraloor Namibië aan lede beskikbaar via ‘n netwerk van diensverskaffers wat wel NMC-lede aanvaar en wat direk van die mediese fonds eis.

“Dit is ook nie nodig om al die noodnommers te onthou nie. As jy ‘n diensverskaffer kontak wat nie in die spesifieke gebied is nie, sal die netwerk die oproep aktiveer of na die naaste diens aan die beller verwys.”

‘n Lys van alle diensverskaffers se kontakbesonderhede en vlak van nooddienste is op die NMC-toep en webtuiste by www.nmcfund.com beskikbaar.

NMC-lede se kritiek teen dié aankondiging is dat die fonds as diensverskaffer hul tariewe vir ‘n jaar aan Namaf moet voorlê.

Met E-Med Rescue 24 se dienste, wat nou slegs op ‘n kontantbasis aan lede beskikbaar is waar dit aanvanklik vir ‘n jaar deel van NMC-lede se voordele was, wil sommige ontstoke lede nou weet of hulle ‘n terugbetaling ontvang vir die sewe maande wat van die jaar oor is.

“My kontrak vir die jaar sê dié dienste is ingesluit. Is dit wettig om dié voordeel net weg te vat? Dit was deel van die pakket en kan nie net in die middel van die jaar gestop word nie,” was van die kommentaar op sosiale media.

Nog kritiek was van lede wat ver van dokters en hospitale af woon en juis by dié mediese fonds aangesluit het omdat noodvlugte deel van die pakket was.

Soortgelyk

 

Geval nr. 22 se toestand kritiek

8 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

8 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

8 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

8 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

8 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

8 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

8 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

8 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

8 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...