NLU wil werk vind vir droogteboere

13 March 2018 | Landbou
Ronelle Rademeyer - Tot soveel as 1 000 boere sit letterlik op moedverloor se vlakte nadat die droogte hulle al sedert 2013 verrinneweer.

Die Namibië Landbou-unie (NLU) gaan nou ingryp en vir van die boere werk probeer vind.

“Die droogte is op baie plekke in die land rééds ’n nasionale krisis. Dis nie meer net in die proses om een te word nie, dit is kláár een,” sê mnr. Roelie Venter, uitvoerende bestuurder van die NLU.

Hy het gister aan Republikein gesê die unie se uitvoerende raad het verlede week vergader om planne te beraam waarmee die uitgelewerde boere bygestaan kan word, deur vir hulle werk te vind sodat hulle ’n inkomste het.

“Baie van hierdie boere gaan reeds van 2013 af onder droogte gebuk en bewusmakingsaksies gaan van stapel gestuur word om die regering en die publiek in te lig oor hoe sleg dit gaan,” sê hy.

Die dele suid van Karasburg in die Warmbad-omgewing, kolle in die Grünau-gebied, die dele wes van Keetmanshoop by Bethanie en Helmeringhausen asook suid van Maltahöhe het geen weiding nie.

Net so is daar plase in die westelike dele van die Khomas Hochland, asook by Usakos, Karibib, Omaruru en selfs Kalkfeld en Kamanjab waar boerderytoestande ellendig is.

Hy sê in van hierdie distrikte het dit verlede jaar goed gereën, maar is die boere ná een jaar van herstel opnuut midde-in ’n droogte. “Hulle kontant-reserwes is uitgeput en hulle moes reeds hul kuddes verklein het.”

Venter sê verder word verwag dat minder hooi vanjaar vanweë hierdie nasionale droogte beskikbaar sal wees om boere by te staan.

“Ons moet dus eerder fokus op alternatiewe maniere om hierdie boere te help oorleef. Daarom is besluit om boere te versoek om CV’s op te stel met inligting oor hul opleiding, vaardighede en belangstellings en aan die NLU se streeksverteenwoordigers te stuur. Ons sal dan kyk of ons vir hulle werk kan kry,” sê hy.

Ofskoon dit baie moeilik is om te beraam hoeveel boere gehelp moet word, meen Venter dit kan tot 100 kommersiële boere en 1 000 opkomende en kommunale boere wees wat hulle in hierdie penarie bevind.

Mnr. Jaco Engelbrecht, ’n boer van Karasburg, het die naweek op Nambië Boere se Facebook-blad met die volgende plasing baie boere se nood verwoord: “Ek sit vanaand hier in my huis en luister hoe die suidwestewind om die huis se hoeke waai en ek sit met ’n beklemming in my. Ek is bang, baie bang! Nóg ’n droogtejaar. En ek weet ek sal dit nie hierdie jaar weer maak nie. Vorige droogtejare het die finansies (al) geknou.

“Dank God vir die bietjie reën wat al geval het. Here, ek is nie ondankbaar nie, ma’ dis te min. My medeboere in (die) Suide, sommer hier naby, het nog niks gehad nie. Ons is by middel-Maart en nog niks. Medeboere loop met sleepvoete. Mismoedig. . . God, wees ons genadig!”

Soortgelyk

 

SDFN houses at Kalkfeld nearing completion

4 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

4 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

4 ure gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

4 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

4 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

4 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

4 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...

Aanleg les binnekort weer dors

4 ure gelede | Regering

Elvira Hattingh - Windhoek se WinGoc-aanleg (Windhoek Goreangab Operating Company) sal na verwagting binne dae weer drinkwater aan Windhoekers kan verskaf. Terselfdertyd beplan die munisipaliteit...

Wetsontwerp terug parlement toe

4 ure gelede | Ministeries

Ogone Tlhage – Die wet op staatsondernemings sal na verwagting eersdaags weer in die Nasionale Vergadering (NV) vir finale insette voorgelê word, mnr. Leon Jooste,...