Nimt-werkers heraangestel

44 moet onmiddellik vir diens aanmeld

12 September 2018 | Ministeries
Henriette Lamprecht – Die 44 werknemers van die Namibiese Instituut vir Mynwese en Tegnologie (Nimt) wat afgelê is, moet in hul poste heraangestel word.

Dié opdrag kom van die minister van hoër onderwys, opleiding en vernuwing, dr. Itah Kandjii-Murangi, wat die betrokke werknemers ook gevra het om onmiddellik weer vir diens aan te meld.

Kandjii-Murangi het die oorhandiging van die afleggingsbriewe as ‘n “ongelukkige voorval” beskryf en gesê ander kostebesparingsmaatreëls moet eerder ingestel word.

Sy het tydens ‘n besoek aan Nimt se kampusse aan die kus en in die Noorde beklemtoon die regering sal in die lig van die finansiële uitdagings wat die sentrums in die gesig staar, nie toelaat dat instellings soos Nimt sink nie.

Volgens haar is die finansiële uitdagings wat dit tans ervaar, nie uniek aan dié instelling nie.

Kandjii-Murangi het die versekering gegee haar ministerie is bewus van die finansiële uitdagings wat sommige van die agentskappe onder haar ministerie beleef.

In die lig hiervan beraadslaag haar ministerie met die ministerie van finansies om te sien hoe die finansiële situasie beredder kan word.

Sy het voorts gemaan verandering by die instelling is onvermydelik om te verseker Nimt word meer volhoubaar bestuur. Afleggings moet ook die laaste uitweg wees.

Kandjii-Murangi het die belangrike rol wat Nimt in die ontwikkeling van beroepsgerigte en tegniese vaardighede beklemtoon, wat kritiek is om werkloosheid en armoede in die land te takel.

Die minister het gemaan nou is nie die tyd om die “skip” te verlaat nie en alle werknemers moet eerder saamwerk vir Nimt om te oorleef.

Soortgelyk

 

Hepatitis E woed landswyd voort

17 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

17 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

17 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

17 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

17 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

17 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

17 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

17 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

17 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...