Nigeriese president vandag in SA

03 October 2019 | Afrika
Sarel van der Walt - Enkele weke ná die gewelddadige aanvalle op buitelanders in Suid-Afrika sal pres. Muhammadu Buhari van Nigerië vandag ’n staatsbesoek aan Suid-Afrika bring.

Hy sal by die Uniegebou in Pretoria deur pres. Cyril Ramaphosa ontvang word.

Die besoek is lank voor die aanvalle gereël en is die eerste staatsbesoek deur ’n buitelandse staatshoof sedert die verkiesing in Mei.

Ramaphosa het ná die aanvalle twee spesiale gesante, oudminister Jeff Radebe en dr. Khulu Mbatha, die president se spesiale raadgewer oor internasionale betrekkinge, na onder meer Nigerië gestuur om die leiers daar te gaan paai oor die onlangse aanvalle in Suid-Afrika.

Die eiendom van Suid-Afrikaanse maatskappye in Nigerië is uit protes teen die aanvalle op buitelanders in Suid-Afrika beskadig. Die Suid-Afrikaanse hoë kommissariaat en die konsulaat in dié land moes tydelik gesluit word ter wille van die veiligheid van die personeel.

’n Groot getal Nigeriërs het ná die aanvalle van Suid-Afrika na Nigerië teruggekeer.

Buhari se staatsbesoek is gister deur ’n bilaterale vergadering van dr. Naledi Pandor, minister van internasionale betrekkinge en samewerking, en haar Nigeriese ampsgenoot, Geoffrey Onyeama, voorafgegaan. Dié vergadering is by die departement van internasionale betrekkinge en samewerking (Dirco) se hoofkantoor in Pretoria gehou.

Die binasionale kommissie tussen dié twee lande, waar sake van gemeenskaplike belang op politieke, ekonomiese, maatskaplike en tegniese gebied bespreek word, is vanjaar 20 jaar oud. Daar is reeds meer as 30 amptelike ooreenkomste tussen die twee lande, wat in verskillende fases van implementering is, sê die presidensie.

Die presidensie sê verder in ’n verklaring Suid-Afrika en Nigerië het sedert 1994 noue bande op politieke, ekonomiese en maatskaplike gebied. Verskeie Nigeriese maatskappye doen hier sake – van telekommunikasie en toerisme tot die landbou en die mynbedryf. Op sy beurt voer Suid-Afrika hoofsaaklik masjinerie, meganiese toerusting, mynboutoerusting en chemiese middels na Nigerië uit.

Die handel tussen die twee lande het verlede jaar byna R51 miljard beloop, sê die presidensie. Suid-Afrika voer ook heelwat goedere en produkte uit Nigerië in.

Ramaphosa sal gedurende die staatsbesoek deur Pandor en verskeie ander ministers bygestaan word. – Netwerk24

Soortgelyk

 

Covid-19: 5de nuwe geval binne 4 dae

17 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

3 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

3 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

3 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

3 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

3 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

3 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

3 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

3 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...