Niels laat die vure hoog brand

Nie ’n ‘lui haar’ op sy kop

08 November 2019 | Mense
Tanja Bause – Windhoekers sien die wit bakkie dikwels Saterdae by winkelsentrums staan.

Dié bakkie is Niels Muller (77), ’n boorling van Otjiwarongo, se “winkel”.

Vanuit die bakkie verkoop hy sy handgemaakte, selfontwerpte Namibiese blaasbalke.

Niels sê hy werk sy hele lewe lank al met sy hande.

“Ek het al vir baie base gewerk, maar ek het terselfdertyd altyd vir myself gewerk. In my twintigerjare het ek kopskêre vir beeste gemaak en verkoop. Ek het hulle self in die Landbou Weekblad geadverteer en in Suid-Afrika verkoop.”

’n Kopskêr is ’n instrument waarin ’n bees se kop vasgeklem word sodat hy nie sy kop beweeg wanneer ’n boer hom byvoorbeeld onthoring nie.

Niels sê hy het hout- en metaalwerk op skool as vak geneem, maar was nog altyd ’n ambagsman en sy hande staan vir niks verkeerd nie.

“Ek het vir (die departement van) waterwese gewerk, en toe hulle vir my sê ek kan aftree as ek wil, toe het ek. Maar stilsit kon ek nie, so ek het my eie besigheid in Windhoek begin wat uitlaatpype vervaardig.”

Hy het die nodige toerusting aangekoop en uitlaatpype en knaldempers vir voertuie ontwerp en gemaak.

“Ek het onder voertuie ingeklim en hulle ontwerp, gebuig en geïnstalleer. Met dié besigheid het ek baie geld gemaak. Ek is glad nie skaam om dit te sê nie. Ek kon die huis vir my en my vrou koop en ook my bakkie.

“Ek het vir my bakkie ’n uitlaatpyp uit vlekvrye staal gemaak. Ek weet nie of die bakkie my sal oorleef nie, maar wat ek wel weet, is die uitlaatpyp sal ons al twee oorleef,” lag Niels.

In 2006 het hy sy besigheid verkoop, maar steeds uitlaatpype tuis vir kliënte gemaak.

Vier jaar later het Niels besluit genoeg is genoeg.

NUWE BESIGHEID

In 2011 het sy suster ’n blaasbalk van Suid-Afrika af vir hom saamgebring.

“Ons seun het gedink hy sal begin blaasbalke maak, maar sy pa het hom voorgespring. Hy kon nie uitpluis hoe die blaasbalk se binnekant werk nie. Dit is juis dít wat die balk laat blaas. Sy pa het dit toe uitgepluis en begin maak,” sê Ansie, wat al 55 jaar met Niels getroud is.

Niels het die blaasbalk self ontwerp en hy sê dit is eintlik baie eenvoudig.

Die afgelope agt jaar maak by nou blaasbalke tuis.

“Ek het aan die begin kunsleer gebruik, maar besef dit gaan nie lank hou nie en oorgeskakel egte leer toe. Ek hou daarvan dat iets vir ewig moet hou; dat iets goed gemaak is en nie sal breek nie. As een wel stukkend raak, sal ek dit natuurlik herstel, maar dit gebeur baie min,” sê hy.

“Ek het al baie goed in my lewe self gemaak, maar die blaasbalke is die beste en eenvoudigste ding wat ek al gemaak het.”

Niels sê hy het oor die jare heen geleer hoe om die meeste werk in die kortste tyd te doen.

“Ek saag eers al die voor- en agterkante van die blaasbalke, dan boor ek al die nodige gate, saag die handvatsels en meet en sny die pype, sny die leer, en dan begin ek om dit aanmekaar te sit.”

Ruimte vir verbetering is daar natuurlik ook.

“Toe ek die eerste een gemaak het, het ek besef hier en daar werk iets nie reg nie. Ek het dit verander en aangepas en nou werk hulle 100%.”

“Dié stokperdjie hou Niels besig en onder my voete uit,” lag Ansie.

“Om blaasbalke te maak, kan jy nie ’n lui haar op jou kop hê nie. Aan die begin is dit ’n baie lekker stokperdjie, maar jy kom vinnig agter dit is eintlik maar baie harde werk. Maar ek is baie trots op my produk en ek dink elk plek in di eland het een van my blaasbalke,” sê Niels.

- [email protected]

Soortgelyk

 

Miljoene gevra ná ongeluk leerling eis

7 ure gelede | Howe

Henriette Lamprecht – Die ouers van ’n matriekleerling wat in 2016 in ’n motorongeluk dood is en waarin haar vriend ernstig beseer is, dagvaar...

Geingob neem aanstoot

7 ure gelede | Regering

Denver Kisting – ’n Hoë prys is vir Namibië se demokrasie betaal en strukture mag nie vir persoonlike en politieke gewin misbruik word nie. “Ons...

VERKIESINGS 2019: PRESIDENSIËLE KANDIDATE

7 ure gelede | Politiek

Bernardus SwartbooiLandless People's Movement (LPM) Bernardus Clinton Swartbooi het weggebreek van Swapo toe hy in 2017 weens kritiek teen die regering gedwing is om as...

Weer vir 11 November 2019

7 ure gelede | Weer

BINNELAND: Gedeeltelik bewolk en baie tot bloedig warm met enkele tot geïsoleerde donderstorms in die Noorde, Noordooste en oostelike dele. Elders sal dit gedeeltelik bewolk...

Namibië, China se band opnuut gekap

7 ure gelede | Regering

Denver Kisting – Pres. Hage Geingob loop veral in die sosiale media deur nadat China se premier, me. Sun Chunlan, gesê het dié land en...

‘Gevaarlike’ man ná vyf dae aangekeer

7 ure gelede | Misdaad

Denver Kisting – Vyf dae nadat ’n man onder polisiebewaking uit ’n hospitaal verdwyn het, is mnr. San Ricky Geingob weer agter tralies.Hoofinsp. Kauna Shikwambi,...

‘Jagter’ se prokureur onttrek

7 ure gelede | Misdaad

Francoise Steynberg - Die sogenaamde jagter wat daarvan beskuldig word dat sy ’n Britse joernalis tydens ’n jag- en visvangsafari ingeloop het, se regsverteenwoordiger het...

Tragedie tref toergroep

7 ure gelede | Ongelukke

Iréne-Mari van der Walt op Swakopmund - Altesaam 34 Duitse toeriste se Namibiese reis is kortgeknip ná hul “Rotel”-bus aan die brand geslaan het.Die bus...

VERKIESINGS 2019: GRONDHERVORMING, LANDBOU EN DIE KLIMAAT

7 ure gelede | Politiek

In die reeks neem ons politieke partye se manifeste in oënskou wat sekere sleutelkwessies betref.ALL PEOPLE’S PARTY (APP)• Vergoeding vir volksmoorde en hervestiging van die...