Nie genoeg insekdoder vir wurmplaag

Mutorwa: Voedselsekuriteit in gedrang

17 February 2017 | Omgewing
Ronelle Rademeyer - Die ministerie van landbou, water en bosbou het nie genoeg insekdoder in voorraad om die uitbreking van die herfskommandowurm-plaag te bestry nie.

Verder kan dié wurms binne ’n week ’n hele mielieland verwoes en is dit moeilik om uit te roei, aangesien dit weerstandig is teen die chemiese middels wat dit moet bestry.

Minister John Mutorwa het gister in die Nasionale Vergadering gesê indien die wurms eers die mieliekoppe verwoes het, sal daar vanjaar geen oes wees nie.

Volgens hom hou die uitbreking ’n wesenlike bedreiging vir voedselsekuriteit in die land in.

Dié plaag het onlangs van landerye in die noordelike kommunale gebiede na kommersiële mielieplase in die omgewing van Grootfontein, Tsumeb en Otavi versprei.

Volgens Mutorwa het die ministerie tegniese spanne na die streke gestuur waar die wurms voorkom om die omvang van die skade wat reeds aangerig is, te bepaal.

Die ministerie is ook besig met die aankoop van doeltreffende chemiese middels en toerusting vir die toediening daarvan.

Die verskillende landbou-unies, die Namibiese Akkerbouraad, die Akkerbouprodusentevereniging en die verskaffers van insekdoders beraadslaag tans oor metodes om die plaag so vinnig en doeltreffend moontlik te bestry.

“Dit is nie nodig om paniekerig te raak nie,” het Mutorwa gesê.

Volgens hom is voorgestel dat groot gebiede op ’n slag gespuit word en maatreëls gevolg word om seker te maak die wurms ontwikkel nie weerstandigheid teen die chemiese middels nie.

Hy sê geld hiervoor is beperk, maar die ministerie werk aan ’n voorlegging om deur die kabinet vir meer geld te vra, selfs al is die uitbreking nog nie tot ’n nasionale noodtoestand verklaar nie.

Namibië se droëland-mielieprodusente het die afgelope drie jaar twee misoeste gehad en kon weens die goeie reën vanjaar na ’n goeie oes uitsien.

Meer as 350 mm het sedert Oktober tot einde Januarie in die sogenaamde Mieliedriehoek geval. Dit is 125% van die normale reënval vir dié periode.

Buiten die herfskommandowurm, stry produsente tans ook teen stronkboorders en bolwurms. Mutorwa sê laasgenoemde twee plae is egter nie so ’n groot bedreiging soos die herfkommandowurms nie.

Soortgelyk

 

Theo Mujoro is nuwe hoof van verkiesings

8 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

9 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

10 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

10 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

11 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

22 ure gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

22 ure gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

22 ure gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

22 ure gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...