NGV ‘gaan fiasko vir SA wees,’ sê Rupert

‘Empatie en nuuskierigheid belangrik’

02 December 2019 | Ekonomie
Francois Williams – Die Nasionale Gesondheidsversekering (NGV) gaan katastrofaal vir Suid-Afrika wees, nie net vir private hospitaalgroepe soos Mediclinic of Netcare nie, het Johann Rupert, voorsitter van Remgro, Donderdag op dié beleggingsmaatskappy se jaarvergadering gesê.

“Wat het die staat in die laaste 40 jaar suksesvol gedoen? Noem vir my ’n onderneming wat die staat korrek bestuur het,” het Rupert gevra.

Die NGV gaan ’n fiasko wees, want die ervaring wys die staat kan niks bestuur nie. Politici koop stemme, maar wanneer betaaldag kom, is daar ’n probleem, het hy gewaarsku.

Hy het genoem dat al Suid-Afrika se kabinetsministers en hoofde van staatsdepartemente graag na private hospitale soos Mediclinic gaan vir hul eie gesondheidsorg.

“Hoekom gaan nie een van hulle na staatshospitale nie? ’n Mens sou dink hulle sal eerder trots daarop wees dat daar ’n wêreldstandaard hospitaalstelsel in Suid-Afrika is.”

Oor die beoogde universele toepassing van die NGV het Rupert genoem niemand weet presies hoeveel mense regtig in die land is, wie wettig hier is en wie belasting betaal nie.

Oor kritiek van ’n aandeelhouer in vraetyd oor Remgro se huidige hoë skuldvlakke weens die skuld van Mediclinic se transaksie om die hospitaalgroep Al Noor in die Midde-Ooste te koop, het Rupert gesê hulle gee toe daar is straks te veel vir Al Noor betaal, en dat finansiële foute gemaak is. Remgro het ’n 44,6%-belang in Mediclinic.

Die aandeelhouer het ook gekla oor die vergoeding van Remgro se bestuur en direksie wat in die afgelope jare gestyg het terwyl Remgro se aandeelprys gedaal het.

“Maar die NGV gaan die gesondheidsorgbedryf in die land vernietig. Jy behoort meer besorgd daaroor te wees. Mense emigreer as hulle nie toegang tot goeie gesondheidsorg kan kry nie. Ek sal my meer bekommer oor swak regeringsbeleid as oor die bestuur se salarisse,” het Rupert gesê.

Die aandeelhouer het gekla oor Remgro se aandeelprys wat sedert 2016 met gemiddeld 5,4% per jaar daal, terwyl Remgro met kontant van sowat R15 miljard sit, maar ook nog skuld het weens die Mediclinic-transaksie in 2016. Tog koop Remgro nie aandele terug nie en reik nie spesiale dividende uit nie. Terwyl aandeelhouerswaarde gedaal het, neem die bestuursvergoeding toe.

Rupert het verduidelik ’n langtermynsiening is nodig. Remgro gaan nie nou spesiale dividende verklaar en aandele terugkoop nie. Remgro wil nie al sy kontant uitkeer nie, want hy wil ’n buffer hê. Dit is soos om ’n sambreel te hou vir wanneer dit begin reën. “Dit is ons styl en ons sal daarmee voortgaan.”

Hy het genoem Jannie Durand, uitvoerende hoof, het verlede jaar sy salarisverhoging net so aan liefdadigheid geskenk.

Ontsluiting van waarde

Chris Logan, nog ’n aandeelhouer, het Remgro bedank vir die ontsluiting van waarde deur sy FirstRand-belang aan aandeelhouers te ontbondel. Maar hy wou weet of Remgro aktiewer kan wees om by die maatskappye waarin hy belê die soort beginsels in te skerp wat FirstRand suksesvol gemaak het, naamlik ’n eienaarbestuurde kultuur en bestuursvergoeding wat ooreenstem met die groei in aandeelhouerswaarde.

“Deur die bestuur en aandeelhouers se belange te belyn, laat groei jy steeds die koek en is daar meer om aan almal uit te deel. Die bestuur moenie beter vaar as die aandeelhouer nie,” het Logan aangevoer.

Durand het gesê die maatskappy werk wel daaraan om dié beginsels by die maatskappye in te skerp waarin hy belê.

Volgens Rupert moet aandeelhouers nie vergeet dat Remgro in die verlede ook al beleggings ontbondel het nie, soos British American Tobacco en Richemont.

In Suid-Afrika is verbruikers op hul knieë, en Remgro se maatskappye is blootgestel daaraan.

“My enigste hoop is dat dit nie erger kan word nie. Ons het enorme populisme en verdeeldheid, en die aandeelmarkte is steeds baie hoog. Wat sal gebeur as die ekonomie so ’n bietjie draai?”

Rupert oor groei

“As Ethiopië en Uganda teen 7% of 9% kan groei, hoekom kan óns nie ten minste begin groei nie? As ons elke dag beter vaar as die vorige dag, net ’n bietjie, dan sien mense ons vaar beter.

“As ek moet kies tussen Europa en Afrika as beleggingsbestemming kies ek Afrika wat groei en werklike geleenthede betref, maar dan moet ons onsself behoorlik bestuur.”

Rupert oor die pensioenkrisis

“Daar is ’n pensioen- swart gat wat wag want mense spaar nie genoeg nie en leef langer, so mense soek opbrengste wat voorspelbaar is. Slim mense voorspel dat die pensioenkrisis ons binne die volgende 15 tot 20 jaar kan tref.”

Rupert oor aansporing

“Ek en my vrou het besluit ons moet ons kinders empatie en nuuskierigheid leer. Empatie sodat hulle omgee vir goed soos die omgewing, en nuuskierigheid sodat hulle altyd sal wil aanhou om nuwe dinge te leer.”

* Dr. Edwin Hertzog, ondervoorsitter van Remgro en nie-uitvoerende voorsitter van Mediclinic, het op die jaarvergadering as Remgro-direkteur uitgetree, asook GT Ferreira, die leidende onafhanklike direkteur en ’n medestigter van RMB en die FirstRand-groep. – Netwerk24

Soortgelyk

 

69 nuwe gevalle stoot bevestigde gevalle op tot 1...

13 ure gelede | Gesondheid

Die aantal bevestigde Covid-19-gevalle in die land het vandag met 69 tot 1 687 opgeskuif. Volgens die minister van gesondheid en maatskaplike dienste (MoHSS) dr....

Covid-19-gevalle styg met 96 tot 1 618

1 dag gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

1 dag gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

2 dae gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

2 dae gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

2 dae gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

2 dae gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

2 dae gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

2 dae gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....