Nghiwete binnekort dissiplinêr verhoor
Die Finansiële Hulpfonds vir Namibiese Studente se raad hoop die kwessie sal voor die einde van Oktober opgelos wees.
Catherine Sasman - Die uitvoerende hoof van die Finansiële Hulpfonds vir Namibiese Studente (NSFAF), me. Hilya Nghiwete, se dissiplinêre verhoor sal van 3 tot 5 Oktober plaasvind, en weer van 11 tot 12 Oktober.
Nghiwete is op 16 April deur die nuwe raad, onder voorsitterskap van mnr. Jerome Mutumba, geskors weens klagtes van onder meer wanadministrasie en/of administratiewe korrupsie.
Die klagtes teen haar is twee weke ná haar skorsing na afloop van 'n ondersoek geformuleer.
Die opdrag vir 'n forensiese oudit, wat deur PricewaterhouseCoopers Namibia (PWC) behartig is, is nou voltooi.
Mutumba het gesê die oudit het "'n aantal tekortkominge” by die maatskappy ontdek.
Hy wou egter nie sê wat die presiese klagtes teen Nghiwete is nie. Toe die NSFAF haar skorsing aangekondig het, het hulle bloot gesê daar is “ernstige beweringe” teen haar.
Mutumba het ook verseg om die bedrag te openbaar wat aan PWC vir die forensiese oudit betaal is en slegs gesê “forensiese oudits is nie goedkoop nie”.
Nghiwete het haar volle salaris in die vyf maande van haar skorsing ontvang, maar is van alle magte en pligte by die NSFAF onthef.
Ná die datum vir haar aanvanklike verhoor bepaal is, het Nghiwete deur middel van haar regsverteenwoordiger, mnr. Sisa Namandje, vir uitstel gevra.
Hoewel Mutumba gesê het die kwessie is nou nie meer in die raad se hande nie, verwag die raad dat dit kort ná die dissiplinêre verhoor afgehandel sal wees.
“Die raad wil die kwessie in die kortste moontlike tyd oplos en hoop dit sal teen die einde van Oktober voltooi wees,” het Mutumba gesê.
‘KATALOGUS VAN KLAGTES’
Bronne wat anoniem wil bly, het gesê 'n “katalogus van klagtes” is teen Nghiwete geformuleer.
Die bronne beweer "doelbewuste chaos” is by die NSFAF geskep waaruit “sommige mense” wou voordeel trek.
Mutumba wou nie kommentaar hierop lewer nie en het bloot gesê die nuwe raad is daaraan toegewy “om stabiliteit te verseker, dienste vinnig en doeltreffend te verbeter en te verseker fondse aan ons verskaf word verantwoordelik gebruik”.
Hy het gesê hulle doel is "om rigting aan die organisasie te gee sodat die bestuur hul werk deeglik kan doen".
Namandje wou nie sê of sy kliënt die geformuleerde klagtes teen haar ontvang het nie.
"Ek wil dit nie met die media bespreek nie. Ek wil nie vals klagtes bespreek nie."
Nghiwete is op 16 April deur die nuwe raad, onder voorsitterskap van mnr. Jerome Mutumba, geskors weens klagtes van onder meer wanadministrasie en/of administratiewe korrupsie.
Die klagtes teen haar is twee weke ná haar skorsing na afloop van 'n ondersoek geformuleer.
Die opdrag vir 'n forensiese oudit, wat deur PricewaterhouseCoopers Namibia (PWC) behartig is, is nou voltooi.
Mutumba het gesê die oudit het "'n aantal tekortkominge” by die maatskappy ontdek.
Hy wou egter nie sê wat die presiese klagtes teen Nghiwete is nie. Toe die NSFAF haar skorsing aangekondig het, het hulle bloot gesê daar is “ernstige beweringe” teen haar.
Mutumba het ook verseg om die bedrag te openbaar wat aan PWC vir die forensiese oudit betaal is en slegs gesê “forensiese oudits is nie goedkoop nie”.
Nghiwete het haar volle salaris in die vyf maande van haar skorsing ontvang, maar is van alle magte en pligte by die NSFAF onthef.
Ná die datum vir haar aanvanklike verhoor bepaal is, het Nghiwete deur middel van haar regsverteenwoordiger, mnr. Sisa Namandje, vir uitstel gevra.
Hoewel Mutumba gesê het die kwessie is nou nie meer in die raad se hande nie, verwag die raad dat dit kort ná die dissiplinêre verhoor afgehandel sal wees.
“Die raad wil die kwessie in die kortste moontlike tyd oplos en hoop dit sal teen die einde van Oktober voltooi wees,” het Mutumba gesê.
‘KATALOGUS VAN KLAGTES’
Bronne wat anoniem wil bly, het gesê 'n “katalogus van klagtes” is teen Nghiwete geformuleer.
Die bronne beweer "doelbewuste chaos” is by die NSFAF geskep waaruit “sommige mense” wou voordeel trek.
Mutumba wou nie kommentaar hierop lewer nie en het bloot gesê die nuwe raad is daaraan toegewy “om stabiliteit te verseker, dienste vinnig en doeltreffend te verbeter en te verseker fondse aan ons verskaf word verantwoordelik gebruik”.
Hy het gesê hulle doel is "om rigting aan die organisasie te gee sodat die bestuur hul werk deeglik kan doen".
Namandje wou nie sê of sy kliënt die geformuleerde klagtes teen haar ontvang het nie.
"Ek wil dit nie met die media bespreek nie. Ek wil nie vals klagtes bespreek nie."
Kommentaar
Republikein
Geen kommentaar is op hierdie artikel gelaat nie